Wednesday, July 16, 2014

သရုပ်မှန် (၂)

သူတို့က
အသားအရောင် မခွဲခြားတဲ့သူတွေ
စိတ်ကူးယဉ်မျဉ်းတွေမှန်း သိနိုင်တဲ့သူတွေ
စစ်သတင်းတွေကြည့်ပြီး အနုပညာတောက်တောက်ကျတတ်သူတွေ

သူတို့ရဲ့ မေတ္တာတရားကတော့
ရေခဲသေတ္တာအဖွင့်မှာ…..
အထင်းသား

တရားအမှန်လား
အသားပန်းကန် တစ်ချပ်ထဲမှာ။

ကောင်းကင်ကို (ဇူလိုင် ၁၆၊ ၂၀၁၄)

Friday, June 27, 2014

ရိုမန်းဘော့ထ်ဖတ်အပြီး နောက်ဆက်တွဲ အတွေးများ

"ဒီစာအုပ် ဖတ်သွားပြီးတော့ erotica လို့တော့ မထင်တော့ဘူး။ ကာမရာဂ စိတ် ဆွမှ ဆွမပေးနိုင်ပဲကိုး။ ဒါပေမဲ့ ကျွန်တော် ဖတ်နေတာ ဝတ္ထုတစ်ပုဒ်လား၊ ဒါမှမဟုတ် အဆိုအမိန့်တွေ၊အတုံးလိုက် အတစ်လိုက် စုထည့်ထားတဲ့ အဆိုအမိန့်ပေါင်းချုပ်လားလို့ သံသယ ဖြစ်သွားတယ်။  အဆိုအမိန့်တွေတင် မကဘူး၊ နိုင်ငံရေး အခြေအနေတွေလည်း အတုံးလိုက် အတစ်လိုက် ထည့်ထားတယ်။ အဆိုအမိန့်တွေနဲ့ ဝတ္ထုတစ်ပုဒ် တည်ဆောက်နိုင်တယ်လို့ ယုံကြည်ပေမဲ့ ဝတ္ထုထဲမှာ စာရေးဆရာ အဆိုအမိန့်တွေကို ထည့်သုံးထားပုံက ချောချောမွေ့မွေ့ ပြေပြေပြစ်ပြစ် မရှိလှဘူး။

ဒီစာအုပ်ထုတ်လို့ အာဏာပိုင်တွေက လိုက်ဖမ်းတယ် ဆိုတာတော့ လွန်လွန်းပါတယ်ဗျာ။ အောင်ရင်ငြိမ်းရဲ့ ဝတ္ထုကောင်းခြင်း မကောင်းခြင်း၊ တော်လှန်ရာ ရောက်ခြင်း မရောက်ခြင်းက တစ်ပိုင်း။ ညစ်ညမ်းတာ အကြောင်းပြ၊ ဘာသာရေးကို အကြောင်းပြပြီး ဖမ်းတာတွေ အကျင့်ပါမှာ ကြောက်ရတယ်။ ပြီးတော့ ဒါရေးလို့ သူ့ကို ဖမ်းမယ်ဆိုတာ မျှတမှုလည်း မရှိဘူး။ အဲဒါမျိုးကိုတော့ ဝိုင်းပြီး ကာကွယ်ပေးကြဖို့ လိုမယ်ထင်တယ်။"

လွတ်လပ်ခွင့် နဲ့ ပိတ်ပင်မှု

ဒါကတော့ ရိုမန်းဘော့ထ် မဖတ်ခင် ဟိုအရင်ကတည်းက တွေးခဲ့တဲ့ အတွေးမျိုးပါ။ သက်ဆိုင်နေလို့ ထည့်ရေးလိုက်ပါမယ်။

ရုပ်ရှင်ဇာတ်ကား တစ်ကားမှာ ကိုယ့်ကိုယ်ကို သေကြောင်းကြံတဲ့ ဇာတ်ဝင်ခန်း ပါတယ် ဆိုပါစို့။ လူငယ်တစ်ယောက်ဟာ အဲဒီ ဇာတ်ကားကို ကြည့်ပြီး ရုပ်ရှင်ထဲကအတိုင်း လိုက်ပြီး ကိုယ့်ကိုယ်ကို သေကြောင်းကြံလိုက်တယ် ဆိုပါစို့။ လူတော်တော်များများက အဲဒီ ရုပ်ရှင်ကို တရားခံရှာကြလိမ့်မယ်။ တကယ်တော့ လောကကြီးက ကျယ်ဝန်းပြီး ဖြစ်ရပ်တွေ စုံလှပါတယ်။ အဲဒီ သေကြောင်းကြံသွားတဲ့လူဟာ အဲဒီ ရုပ်ရှင် မကြည့်ရလည်း လောကဓံရဲ့ တစ်ကွေ့ကွေ့မှာ တခြားတစ်ယောက်ယောက် ကိုယ့်ကိုယ်ကို သတ်သေသွားတဲ့ သတင်းမျိုး ကြားတာ၊ ကိုယ့်ကိုယ်ကိုယ် သေကြောင်းကြံတာ ပါတဲ့ စာအုပ်တွေ ဖတ်ရတာ၊ သီချင်းတွေ နားထောင်ရတာ၊ ဒါမှမဟုတ် အဲလိုဖြစ်ရပ်ပါတဲ့ တခြားရုပ်ရှင်ကြည့်ရတာ မျိုးတွေ ကြုံချင်ကြုံမှာပဲ။ တကယ်တော့ အဲဒီ လူငယ် ကိုယ့်ကိုယ်ကိုယ် သတ်သေသွားခြင်းမှာ အဓိက အကြောင်းရင်းက လောကကို အရှုံးပေးလိုစိတ် ဖြစ်ချင်ဖြစ်မယ်၊ ပျော့ညံ့လွန်းတဲ့ စိတ်လည်း ဖြစ်ချင်ဖြစ်မယ်၊ ဒါမှမဟုတ် သူများကို ဝန်ထုပ်ဝန်ပိုး မဖြစ်စေချင်လို့ သတ်သေသွားတာလည်း ဖြစ်ချင်ဖြစ်မယ်။ သူများ နောင်တရအောင် လုပ်ချင်လို့ သတ်သေတာလည်း ဖြစ်ချင်ဖြစ်မယ်။ အချုပ်ကို ပြောရရင် အဓိက အကြောင်းရင်းက အဲဒီလူငယ်ရဲ့ စိတ်အနေအထားကြောင့် ကိုယ့်ကိုယ်ကိုယ် သတ်သေခြင်း ဖြစ်တယ်။ ကိုယ့်ကိုယ်ကို သတ်သေချင်နေတဲ့ အချိန်မှာ ရုပ်ရှင်ကို ကြည့်လိုက်ရတော့ အမြန် လုပ်ဖြစ်သွားတာမျိုးတော့ ရှိချင်ရှိမယ်။ ဒါပေမဲ့ အဲဒီလူငယ်ဟာ အဲဒီ ရုပ်ရှင်ကို မကြည့်ရလည်း သူ့မှာသာ ကိုယ့်ကိုယ်ကို သတ်သေချင်တဲ့ စိတ်တိမ်းညွတ်မှုမျိုး ရှိမယ်ဆိုရင် တစ်ကွေ့ကွေ့မှာ သူ့ကိုယ်သူ သတ်သေဖြစ်ဖို့ များပါတယ်။ အဲဒီလိုပဲ အရွယ်ရောက်ပြီး လူတစ်ယောက်ဟာ လိင်ဆက်ဆံတဲ့အခန်းပါတဲ့ စာအုပ်တစ်အုပ်ကို ဖတ်ပြီး လက်တွေ့စမ်းတယ် ဆိုပါစို့။ တကယ်တော့ အဲဒီလူဟာ လိင်ဆက်ဆံတဲ့ ရုပ်ရှင်တို့၊ တခြားစာအုပ်တို့ကို တစ်ကွေ့ကွေ့မှာ တွေ့မှာပဲ။ အသက်မပြည့်သေးတဲ့သူတွေ မကြည့်ရ၊ မဖတ်ရ ဆိုတာမျိုး တားမြစ်တာ ရှိသင့်ပေမဲ့ အရွယ်ရောက်ပြီး လူတစ်ယောက်မှာ အဲဒီလူကိုယ်တိုင်ရဲ့ ဆုံးဖြတ်ချက်ကပဲ အဓိက ကျပါတယ်။ လူတိုင်းဟာ ကိုယ့်တာဝန်ကိုယ် ယူသင့်ပါတယ်။ တစ်ဘက်မှာ လွတ်လွတ်လပ်လပ် ဝေဖန်ခွင့်လည်း ရှိရမှာပေါ့။

ပိတ်ပင်တားမြစ်တာတွေမျိုးထက်... လူတစ်ယောက်၊ တရားခွေတစ်ခွေ၊ စာအုပ်တစ်အုပ်ရဲ့ လွှမ်းမိုးမှုကို လူ့အဖွဲ့အစည်းကြီးက အလွယ်တကူ မခံဖို့၊ ကိုယ်ပိုင်စဉ်းစားဥာဏ်နဲ့ တုံ့ပြန်နိုင်ဖို့ပဲ အရေးကြီးတာပါ။။ ဒါက စာအုပ်အကြောင်းကနေ စစဉ်းစားရင်း ပေါ်လာတဲ့ အတွေးပါ။

စာအုပ်အပြင်အဆင်
 
အဖုံးကစပြီး ပြောရရင် “NC-18” လို့ တပ်ထားပြီးရင် “Not For Conservatives” ဆိုတာနဲ့ “Adult Fiction” ဆိုတာက မလိုတော့ဘူး ထင်တယ်။ အောင်ရင်ငြိမ်းက လူ့အဖွဲ့အစည်းကို သစ်စေချင်လို့ လုပ်တာလို့ သူကိုယ်တိုင် ဆိုခဲ့တယ် မဟုတ်လား။ ဒါဆို ရှေးရိုးစွဲတွေ မဖတ်ရဘူးဆိုပြီး လုပ်တာ လွဲသလို ဖြစ်နေတယ်။ ဒီစာအုပ်ကို အောင်ရင်ငြိမ်းလို တူတဲ့အတွေးအခေါ်ရှိတဲ့လူတွေပဲ ဖတ်တော့ ဘာများထူးလာမှာလဲ။ သူမရေးခင်ကတည်းက အဲဒီလူတွေမှာ ဒါမျိုး အယူအဆတွေ ရှိနေပြီလေ။ လက်ခုပ်သံ ရရုံကလွဲလို့ ဘာများ ပြုပြင်ပြောင်းလဲမှု ဖြစ်လာမှာလဲ။ (ဒီနေရာမှာ အနုပညာဟာ ဘာအတွက်မှ မဟုတ်ဘူးလို့ ဆင်ခြေပေးရင်တော့ ရတယ်။ ဒါဆိုရင်လည်း လူ့အဖွဲ့အစည်းကြီး သစ်ဖို့တို့ ဘာတို့ ဘာလို့လျှောက်ပြောနေမလဲ။)

ယူဆကြည့်လို့ ရတာ တစ်ခုက “Not For Conservatives” ဆိုမှ ရှေးရိုးစွဲတွေ ပိုဖတ်ချင်လာအောင် စတန့်ထွင်လိုက်တာလို့ ခန့်မှန်းကြည့်လို့ရတယ်။ ဒါမှ ဖတ်ချင်တဲ့သူ ပိုများလာမယ်လေ။ နောက်တစ်ခုက “Adult Fiction” ဆိုပြီး စာရေးသူကိုယ်တိုင် တံဆိပ်ကပ်လိုက်တဲ့ ကိစ္စ။ အဲဒီလို တပ်လိုက်တော့ အပြာဆန်ဆန် သဘော သက်ရောက်သွားစေတယ်။ “Adult Fiction” ဆိုရင် လူတိုင်းက အပြာစာအုပ်လို့ ရုတ်တရက် တွေးကြမှာပဲ။ ကိုယ့်စာအုပ်ကို အပြာစာအုပ်လို့ အထင်မခံချင်ရင် စာရေးသူကိုယ်တိုင်က “ကဗျာဆရာ တစ်ယောက်ရဲ့ ဆိုက်ကို နောက်ခံ ဝတ္ထု” လို့ပဲ ရေးလိုက်တာ ပိုကောင်းမယ်။ အခုတော့ ကိုယ့်စာအုပ်ကိုယ် နှိမ်လိုက်သလိုဖြစ်သွားတယ်။ လူတွေကို လိင်ကိစ္စအကြောင်းအသားပေးလို့ မြင်လာစေပြီးတော့ ဖတ်လာကြအောင် ဆွဲဆောင်တာလားလို့လည်း တွေးကြည့်မိတယ်။

အမှာစာ

        အစဉ်အလာတွေကို ရိုက်ချိုးတဲ့ စာအုပ်လို့ ဆိုထားပေမဲ့ အမှာစာဆိုတဲ့ အစဉ်အလာကိုတော့ လိုက်ထားတယ်။ ဒီနေရာမှာ ကြားဖြတ်ပြီး ပြောရရင် မြန်မာစာအုပ်တွေရဲ့ အမှာစာတချို့က ပေရှည်လွန်းတယ်။ စာအုပ်နဲ့ မဆိုင်တာတွေလည်း ပါတတ်တယ်။ တစ်ခါတစ်ခါကျလည်း အမှာစာတွေက စာဖတ်သူအပေါ် ဆရာလုပ်လွန်းတယ်။ ဒါပေမဲ့ တစ်ဘက်မှာလည်း မှတ်သားစရာလေးတွေ ပါတဲ့ အမှာစာတွေလည်း ရှိပါတယ်။

စာအုပ်ရေးတဲ့သူတွေကလည်း နာမည်ကြီးတွေရဲ့ ဝိတ်လိုချင်တော့ အမှာစာ မရမက ရေးခိုင်းတာမျိုးရှိတယ်။ အမှာစာရေးပေးဖို့ မျက်နှာချို သွေးကြရရှာတယ်။ အမှာစာကို ဖျစ်ညှစ်ပြီး ရေးနေရတယ်ဆိုတာမျိုးလည်း တစ်နေ့က ဖတ်လိုက်ရတယ်။ ရယ်တော့ ရယ်ရတယ်။ မှာစရာ ထွေထွေထူးထူး မရှိရင် မှာမနေနဲ့တော့ပေါ့။ ပြီးတော့ အမှာစာ အများစုက ဟန်ဆောင်ပန်ဆောင်များတယ်လို့ ခုနောက်ပိုင်း ခံစားလာရတယ်။ အစဉ်အလာကို ရိုက်ချိုးတဲ့ဝတ္ထုဆိုတော့ တကယ်လို့ အဲလို အပေါ်ယံ ဟန်ဆောင်မှု အားလုံးကို ရိုက်ချိုးရင် ပိုကောင်းမယ်။

ဒါပေမဲ့ ထုတ်ဝေသူက ရေးချင်လို့ ဖြစ်စေ (သူက ပိုက်ဆံစိုက်မှာကိုး)  ပြောစရာ တစ်ခုခု ရှိနေလို့ ဖြစ်စေ ရေးတာမျိုးကတော့ ရှိမှာပေါ့လေ။ ဒါပေမဲ့ များသောအားဖြင့်တော့ စာဖတ်သူကို ဆရာလုပ်တာတွေ၊ စာရေးသူကို စွတ်မြှောက်ပေးထားတာတွေ၊ မဆိုင်တာတွေ၊ (တခါတခါဆို) အမှာစာရေးတဲ့သူက စာအုပ်ရေးတဲ့သူကို အပေါ်စီးကနေ ဆရာကြီးဆန်ဆန် သုံးသပ်ချိုးနှိမ်ရေးတာမျိုးတောင် ဖတ်ဖူးသေးတယ်။

အမှာစာဆိုတာ နိုင်ငံတကာမှာလည်း ရှိတော့ ရှိပါတယ်။ ဒါပေမဲ့ လေးငါးမျက်နှာလောက် ရှည်တာတွေတော့ မတွေ့ဖူးဘူး။ တွေ့လည်းမဖတ်ဖြစ်ဘူး။ များသောအားဖြင့်တော့ နိုင်ငံတကာ စာအုပ်တွေမှာ ထည့်ကြတာက ထင်ရှားတဲ့ ပုဂ္ဂိုလ်တွေအများကြီးဆီက စာတစ်ကြောင်း နှစ်ကြောင်းလောက်စီ စုထည့်ထားတာမျိုးများတယ်။ ဒါမှလည်း ကြေညာရာ ရောက်ပြီး ရောင်းကောင်းမှာကိုး။

(မှတ်ချက်။ ကျွန်တော် ပြည်ပမှာ စာအုပ်ထုတ်တုန်းက အမှာစာ ထည့်ပါတယ်။ အဲဒီတုန်းက ဒါမျိုးအတွေးလည်း မရှိသေးဘူး။ အဲဒီတုန်းက အမှာစာ ရေးတဲ့သူက ထုတ်ဝေသူရယ်၊ ကျွန်တော်ကိုယ်တိုင်ရယ်ပါ။ ထုတ်ဝေတာကလည်း စာကြည့်တိုက်က ကျောင်းသွားတွေမို့ အဲဒါမျိုး အမှာစာကိုတော့ ကျွန်တော် မြတ်နိုးပါတယ်။ ဒီတော့ တခြားသူတွေလည်း သူတို့ မြတ်နိုးတဲ့ စာရေးဆရာတွေကို တလေးတစား အမှာစာ တောင်းတာဖြစ်လိမ့်မယ်လို့ ခံစားနားလည် ပေးမိပြန်ရော။ ကျွန်တော့် ကဗျာစာအုပ်မှာ ကျွန်တော်ကိုယ်တိုင် အမှာစာ ရေးခဲ့ရခြင်းရဲ့ အဓိက အကြောင်းရင်းကတော့ စာအုပ်မှာ “ကျွန်တော်” “ကျနော်” ဆိုပြီး သတ်ပုံနှစ်မျိုး တမင်တကာ သုံးထားတာကို ရှင်းချင်လို့ပါ။ တကယ်တော့ ကိုယ့်ဘာသာရေးထားခဲ့တဲ့ အမှာစာကို အခုချိန် ပြန်ဖတ်ကြည့်တော့လည်း သိပ်အဓိပ္ပါယ် မရှိလှပါဘူး။ ကိုယ်ကျတော့လုပ်ပြီး သူများကျမှ ဝေဖန်သလိုဆိုတော့ hypocrite လို့ ကျွန်တော့်ကို ပြောလည်း ခံရမှာပဲ။ ဟုတ်လည်း ဟုတ်နေတာပဲလေ။ တကယ်တော့ အစဉ်အလာတွေကို ဆန့်ကျင်ရတယ်ဆိုတာ အပြောသာလွယ်ပြီး လက်တွေ့လုပ်ဖို့ကျတော့ ပေးဆပ်ရတာတွေ ရှိတာကိုး)

အမှာစာဆိုတဲ့ ဓလေ့က တကမ္ဘာလုံး လုပ်နေကြပေမဲ့၊ စာအုပ်ရောင်းထွက်ဖို့ လိုအပ်ပေမဲ့ အဲဒီလို ဝိတ်သုံးရတဲ့ အစဉ်အလာကြီးကိုတော့ သဘောမကျဘူး။ ဒါပေမဲ့ အခြေအနေအရ လုပ်ကြရတာတွေကိုတော့ နားလည်ပေးလို့ရပါတယ်။ (မှတ်ချက်။ ။ ဆရာမြသန်းတင့်ရဲ့ အမှာစာ အရှည်ကြီးတွေ၊ ဆရာ တာရာရဲ့ အမှာစာ အရှည်ကြီးတွေကိုတော့ နှစ်သက်ပါတယ်။ သူတို့က စာဖတ်သူအပေါ် စေတနာထားပြီး ရေးတဲ့ အမှာစာတွေကိုး။ ဖတ်မိသလောက်က စာဖတ်သူတွေကို ငတုံးလို့ သဘောထားတဲ့ အမှာစာမျိုးတွေ မဟုတ်ဘူး။ ဒါတောင် သူတို့လည်း တခါတခါ စာအုပ်နဲ့ ဘာမှ မဆိုင်တာတွေကို စာရေးသူကို အားမနာဘဲ အမှာစာမှာ ရေးထားကြတာတွေ ရှိသေးတယ်)

မင်းခက်ရဲတို့ မလေးတို့ရဲ့ အမှာစာထဲမှာ တွေးစရာလေးတွေ ထုတ်နုတ်ပြထားတာတွေ၊ သုံးသပ်ပြထားတာတွေထဲမှာ သဘောမတူတာတွေ ပါပေမဲ့ သူတို့အတွေးတွေ သိရလို့ ဗဟုသုတတော့ ရပါတယ်။

မလေး ရဲ့ အမှာစာကတော့ အလွန်အကျူး ညွှန်းဆိုသလိုရှိတယ်။ ကျူးလွန်ချိုးဖောက်မှု မပါတာကို ပုပ်ပွနေတဲ့ ရေသေအိုင်နဲ့  တင်စားထားသေးတယ်။ ပြီးတော့ ရိုမန်းဘော့ထ်ဟာ လူသားသစ်၊ မိုးကုပ်စက်ဝိုင်းသစ်နဲ့ ကမ္ဘာသစ်ကို ဖျတ်ခနဲ လှမ်းမြင်ထားပြီးပြီတဲ့။ ကျန်တဲ့သူတွေကရောတဲ့။ စိန်ခေါ်ထားတာလား၊ ရိုးရိုးမေးခွန်းထုတ်လိုက်တာလားတော့ မသိ။

Sexism

ဝတ္ထု စစချင်း စာ(၂၈) အောက်ဆုံးနားနဲ့ စာ (၂၉) အပေါ်ဆုံးမှာ မိန်းမတွေကို နှိမ်ထားတဲ့ sexist ဖြစ်တဲ့ ကွန်ဆာဗေးတစ် ဆန်တာကို စတွေ့တယ်။ အမှာစာရေးတဲ့ စာရေးဆရာမ မလေး ကဇာတ်ကောင် ရိုမန်းဘော့ထ် ကမ္ဘာသစ်ကို ရောက်ပြီလို့ ပြောပေမဲ့၊ ဇာတ်ကောင်ကာ ကမ္ဘာဟောင်းဖြစ်တဲ့၊ အမျိုးသမီးတွေကို ချိုးနှိမ်တဲ့ ကမ္ဘာမှာ ကျန်နေတုန်းပဲ။ ဇာတ်ကောင်ကလည်း ဝန်ခံထားပါတယ်။ မိန်းမတွေကို အဆိုးမြင်တတ်တဲ့ ရိုမန်းဘော့ထ် တစ်ကောင်ပါတဲ့။ မိန်းမတွေကို အထင်မကြီးဘူးဆိုတာတွေ၊ မိန်းမဆန်တယ် ဆိုတာတွေနဲ့ နှိမ်ထားတယ်။ ဒါပေမဲ့ အဲဒီလို မိန်းမဆန်တဲ့ စရိုက်သဘာဝ၊ အတင်းအဖျင်းပြောတဲ့ စရိုက်သဘာဝ က ခေတ်သစ် ယောကျာ်းတစ်ချို့မှာလည်း ရှိတယ်တဲ့။ မဟော်မုန်းဓာတ်တွေ လွန်ကဲနေတဲ့ ငနဲတွေတဲ့။ ဒီနေရာမှာတော့ ရိုမန်းဘော့ထ်ဟာ (အောင်ရင်ငြိမ်းကို ပြောတာ မဟုတ်ဘူးနော်။ ဇာတ်ကောင်ကို ပြောတာ) ကွန်ဆာဗေးတစ်လို့ ပဲ မှတ်သားလိုက်ရတော့တယ်။ ဒါပေမဲ့ စာအုပ်ရဲ့ တချို့နေရာတွေမှာ ကျတော့လည်း sexism ကို ဆန့်ကျင်ထားပြန်ရော။

လိင်ဆက်ဆံခန်း နဲ့ အပျိုစင်အယူ ပယ်ချမှု

ခုနက sexist ဖြစ်တဲ့၊ အမျိုးသမီးတွေကို နှိမ်တဲ့ ဇာတ်လမ်းစဉ် အပြီးမှာတော့ လိင်ဆက်ဆံတာကို အသေးစိတ်ရေးပြထားတယ်။ တကယ်ကတော့ မထည့်လည်း ရတဲ့ ဇာတ်ဝင်ခန်းမျိုး။ အဲဒီ ဇာတ်ဝင်ခန်းမှာ metaphor နဲ့ လှလှပပ ဖွဲ့ထားတာမျိုးလည်း မရှိဘူး။ ဒါကိုတော့ နားလည်ပေးလို့ရတယ်။ ဇာတ်လမ်းအတွက် မလိုအပ်လှပေမဲ့ သူက လိင်ကိစ္စဆိုတာ ရှက်စရာ ရွံစရာ မဟုတ်ဘူးဆိုတဲ့ မက်ဆေ့မျိုး၊ ဟန်ဆောင်မှုတွေကို ရိုက်ချိုးချင်တာ မဟုတ်လား။

အပျိုစင်ဖြစ်နေရမယ် ဆိုတဲ့ အယူအဆကို ပယ်ချတာမျိုးတော့ လက်ခံပါတယ်။ ဒါကလည်း တော်လှန်ရေး တစ်ရပ်တော့ မဟုတ်ပါဘူး။ အထူးအဆန်း အမှတ်ပေးရလောက်အောင်တော့ မဟုတ်ဘူး။ လက်တွေ့အပြင်လောကမှာ သဘောထားပြည့်ဝတဲ့ ယောကျာ်းတော်တော်များများ အဲလိုသဘောထား ရှိကြတာပဲ။

Anarchism အငွေ့အသက် နည်းနည်း

အောင်ရင်ငြိမ်းရဲ့ အခန်း(၂) မှာ Anarchism (မင်းမဲ့ဝါဒ) အငွေ့အသက်လေးတွေတော့ ထင်ဟပ်နေတယ်။ မတရားတဲ့ ဥပဒေတွေကို ဆန့်ကျင်ထားတာမျိုး ပြောထားတာတွေ ပါတယ်။ ဒါပေမဲ့ အယူအဆသစ် တစ်ခုတော့ မဟုတ်ပါဘူး။ ဒီအချက်လေးတွေ ရေးပြရုံနဲ့တော့ ဒီဝတ္ထုကို တော်လှန်ဝတ္ထုအဖြစ် အမှတ်ပေးစရာ အကြောင်းမရှိဘူး။ ပြီးတော့ မတရားတဲ့ ဥပဒေအကြောင်း ပါးပါးလေး ထည့်တာမျိုးထက် အတုံးလိုက် အတစ်လိုက် ရေးသွားသလို ခံစားမိတယ်။ Anarchism အငွေ့အသက် ပါတယ် ဆိုပေမဲ့ တကယ့် anarchism တော့ မဟုတ်ဘူး။ Anarchist တွေက ဥပဒေဆိုရင် လုံးဝကို လက်မခံတာ။ အခြေခံဥပဒေဆိုတာ ဥပဒေ ဖြစ်နေတဲ့ အတွက်ကို ပယ်ချကြတာ။ ဒီထဲက ဇာတ်ကောင်ကတော့ တကယ် တရားမျှတဲ့ ဥပဒေ ဆိုတာ ရှိသင့်တယ်လို့ ဆိုထားတယ်။

 အသစ်အဆန်း ဘာတစ်ခုမှ မရလိုက်ပေမဲ့ ဒီအခန်းက ဖတ်လို့တော့ အဆင်ပြေတယ်။

မတရားတဲ့ ဥပဒေတွေလည်း ရှိတယ်

အမျိုးသားနဲ့ အမျိုးသမီး အိပ်လိုက်တဲ့အခါ အမျိုးသားက အမြတ်ထွက်ပြီးတော့ အမျိုးသမီးက နစ်နာသွားတယ် ဆိုတဲ့ အယူအဆကို ဇာတ်ကောင်က ပယ်ချထားတယ်။ ကျွန်တော်လည်း အဲလိုပဲ တွေးတယ်။ ဒါလည်း အတွေးအခေါ် အသစ်အဆန်းတော့ မဟုတ်ပါဘူး။ အများစုက မိန်းကလေးတွေ နစ်နာတယ်လို့ တွေးကြတာ မှန်ပေမဲ့ အပြင်လောကမှာ မိန်းကလေးတွေ အပါအဝင် တော်တော်များများက ဘယ်သူမှ မနစ်နာဘူးလို့ပဲ တွေးပြီး အိပ်နေကြတာတွေ ရှိတာပဲ။ မြန်မာနိုင်ငံမှာလည်း ရှိတယ်။ နစ်နာတယ် ထင်ရင်မိန်းကလေး တော်တော်များများက အိပ်မှာမဟုတ်ဘူး။ အိပ်ပြီး ယောကျာ်းလေးကို ပစ်သွားတဲ့ မိန်းကလေးတွေတောင် ရှိသေးတယ်။ တစ်ခုတော့ ရှိတယ်နော်။ ကိုယ်ဝန်ရသွားတဲ့ ကိစ္စမျိုးမှာ ယောကျာ်းလေးက ပစ်သွားတာမျိုးဆိုရင် မိန်းကလေးဘက်က တော်တော်နစ်နာပါတယ်။ အဲဒါမျိုး ပစ်သွားတာကိုတော့ လက်ခံပေးလို့ မရဘူး။

တရားဥပဒေတွေ မျှတမှု မရှိတာကိုလည်း ဇာတ်ကောင်က ထောက်ပြထားတယ်။ ဒါကလည်း လူတိုင်းသိနေတဲ့ ကိစ္စဆိုတော့ အသစ်အဆန်းတော့ မဟုတ်ပါဘူး။

အထွေထွေ

၉၆၉ နဲ့ မဘသ ကို ဆန့်ကျင်ထားတာလည်း ပါတယ်။ အနောက်ဘက် ခြံစည်းရိုးတစ်ဝိုက်မှာ လူမျိုး တစ်မျိုးနဲ့ တစ်မျိုး လူသားအသိအမြင်တွေ ပျောက်ကွယ်နေတယ် ဆိုတာ ရေးထားတယ်။ “အမှောင်ခေတ်လွန် သို့မဟုတ် အရူးခေတ်လွန် ၉၆၉ စင်တီမီတာ” တဲ့။ ဘာပဲဖြစ်ဖြစ် အသစ်အဆန်းမဟုတ်ပေမဲ့ လူသားဝါဒလေး ရှိနေတာကိုတော့ အသိအမှတ်ပြုမိတယ်။ ဒါပေမဲ့ အဲလိုဟာတွေ ထည့်ထားပုံက သက်သက်၊ ဝတ္ထုက သက်သက်လို တခြားစီ ဖြစ်နေတယ်။ အတင်းကြီး ညှပ်ထည့်ထားသလိုဖြစ်နေတယ်။

 ကြားထဲမှာ အိုရှိုးအယူအဆတွေ ထည့်ထားတယ်။ ဒါကလည်း အိုရှိုးဖတ်ဖူးပြီးသားသူတွေ အတွက်ဆို သိပ်အထူးအဆန်းမဟုတ်ပါဘူး။

စာမျက်နှာ ၁၁၁ မှာတော့ အသစ်အဆန်း မဟုတ်ပေမဲ့ လှပတဲ့ သဘောထားလေးကို တွေ့ရတယ်။ စံနှုန်းတွေကို ပစ်ပယ်ထားတဲ့ ဇာတ်ကောင် ရိုမန်းဘော့ထ်ရဲ့ စံနှုန်းတစ်ခုကို ဖတ်လိုက်ရတယ်။ “ဟင့်အင်း… သူတို့ကို (ယေဘုယျကျင့်ဝတ်တွေကို လိုက်နာတဲ့သူတွေကို) ကွန်ဆာဗေးတစ်တွေလို့ ကိုယ်မစွပ်စွဲချင်ပါဘူး။ သူတို့အမြင်မှာ အဲဒါကို ကောင်းမွန်တဲ့ ကိုယ်ကျင့်တရားလို့ ယုံကြည်နေမယ်ဆိုရင် ကောင်းမှုလို့ သတ်မှတ်ထားမယ်ဆိုရင် ကောင်းတဲ့အပြုအမူကို လုပ်တာကို ကိုယ့်အနေနဲ့ အပြစ်တင်စရာမှ မလိုအပ်တာ။ သူတို့ တန်ဖိုးစံနှုန်းနဲ့ သူတို့ လွတ်လွတ်လပ်လပ် ပြုမူကျင့်ကြံ နိုင်ပါတယ်။ အဲ…. ဒါပေမဲ့ သူတို့က သူတို့သာ ကောင်းမွန်မြင့်မြတ်တဲ့ ကိုယ်ကျင့်တရားပိုင်ရှင်တွေဖြစ်တယ်။ သူတို့ ကိုင်စွဲထားတဲ့ ကိုယ်ကျင့်တန်ဖိုးစံနှုန်းတွေနဲ့ သွေဖည်နေတဲ့သူတွေကို ကိုယ်ကျင့်တရား ပျက်ယွင်းနေသူတွေလို့ စွပ်စွဲပြောဆိုလာမယ် ဆိုရင်တော့ ကိုယ်ဆန့်ကျင်ငြင်းဆန်ရလိမ့်မယ်” တဲ့။

“ကိုယ့်တန်ဖိုးစံနှုန်းကိုမှ အမှန်တရား၊ ကောင်းမှုလို့ စွဲလမ်းဆုပ်ကိုင်ထားပြီး ကိုယ်နဲ့မတူတဲ့ တခြားတန်ဖိုး စံနှုန်းတွေကို အမှား၊ မကောင်းမှုလို့ သတ်မှတ်ယူဆမယ်ဆိုရင်၊ ဥပမာ မိစ္ဆာဒိဌိလို့ ပြောမယ်ဆိုရင် အဲဒါ တရားမျှတမှု မရှိတဲ့ အပြုအမူ တစ်မျိုးပဲလေ” ဆိုပြီး ရေးထားပါတယ်။

အဲဒီနောက်မှာတော့ အိုရှိုးက စကားဝိုင်းထဲ ဝင်လာပြန်ရော။ ဒါပေမဲ့ ဒဿနတွေကို အတုံးလိုက် အတစ်လိုက် ချပြဖို့အတွက် အတင်းကြီး ညှပ်ထည့်ထားသလိုဖြစ်နေတယ်။ (ဇာတ်လမ်းထဲက) အိုရှိုးက ဝင်ပြောတယ်။ “ခင်ဗျားတို့ လူ့အဖွဲ့အစည်းမှာက လွန်ခဲ့တဲ့ နှစ်ပေါင်း ၂၅၀၀ ကျော်က ပေါ်ပေါက်ခဲ့တဲ့ အစဉ်အလာ ကိုယ်ကျင့်တရား၊ လူမှုကျင့်ဝတ်၊ အတွေးအခေါ်ဟောင်းတွေရဲ့ ဆုံးမသွန်သင်မှုတွေပဲ လွှမ်းမိုးကြီးစိုး အမြစ်တွယ်နေတာ” တဲ့။  Gay Right ကို ထောက်ခံထားပြီး ပုဒ်မ-၃၇၇ ကို ဆန့်ကျင်ထားတယ်။ သိပ်အထူးအဆန်း မဟုတ်ပေမဲ့ တိုးတက်တဲ့ အမြင်လို့တော့ ပြောရမှာပေါ့။

အခန်း (၁၁) မှာတော့ ရပ်ဆဲလ် တို့ အိုရှိုးတို့ မြသန်းတင့်တို့ရဲ့ စာအုပ်တွေအပြင် ရိုမန်းဘော့ထ်စာအုပ်ကို အမှာစာ ရေးပေးထားတဲ့ မင်းခက်ရဲ တို့ မလေး တို့ရဲ့ စာအုပ်တွေထဲမှာ ဇာတ်ကောင် ရိုမန်းဘော့ထ်က စိတ်အာရုံ နှစ်မြှုပ်ထားသတဲ့။ သြော်….ရိုမန်းဘော့ထ်က အောင်ရင်ငြိမ်းရဲ့ စာအုပ် မဖတ်လို့တော်သေး။ :D

ဇာတ်လိုက်တစ်ယောက်တည်း တစ်ကိုယ်တော် ဆန္ဒပြတဲ့အခါမှာပြောတဲ့၊ ဖွဲ့စည်းပုံ အခြေခံ ဥပဒေ တစ်ခုတည်းကပဲ တရားမျှတမှုကို ထိခိုက်စေတာ မဟုတ်ဘူး၊ တခြား ဥပဒေ အဟောင်းအနွမ်းတွေကလည်း တရားမျှတမှုကို ထိခိုက်စေတယ် ဆိုတာတော့ သဘောကျတယ်။

ဇာတ်သိမ်းလေးလည်း မဆိုးပါဘူး။

ဒီစာအုပ် ဖတ်သွားပြီးတော့ erotica လို့တော့ မထင်တော့ဘူး။ ကာမရာဂ စိတ် ဆွမှ ဆွမပေးနိုင်ပဲကိုး။ ဒါပေမဲ့ ကျွန်တော် ဖတ်နေတာ ဝတ္ထုတစ်ပုဒ်လား၊ ဒါမှမဟုတ် အဆိုအမိန့်တွေ၊ အတုံးလိုက် အတစ်လိုက် စုထည့်ထားတဲ့ အဆိုအမိန့်ပေါင်းချုပ်လားလို့ သံသယ ဖြစ်သွားတယ်။  အဆိုအမိန့်တွေတင် မကဘူး၊ နိုင်ငံရေး အခြေအနေတွေလည်း အတုံးလိုက် အတစ်လိုက် ထည့်ထားတယ်။ အဆိုအမိန့်တွေနဲ့ ဝတ္ထုတစ်ပုဒ် တည်ဆောက်နိုင်တယ်လို့  လက်ခံနိုင်ပေမဲ့ ဝတ္ထုထဲမှာ စာရေးဆရာ အဆိုအမိန့်တွေကို ထည့်သုံးထားပုံက ချောချောမွေ့မွေ့ ပြေပြေပြစ်ပြစ် မရှိလှဘူးလို့ ထင်တယ်။

အနုပညာတော်လှန်ရေးလို့ ပြောရအောင်ကျတော့လည်း ဒီဝတ္ထုထဲက အတွေးတွေဟာ တစ်ချို့တွေအတွက်တော့ ခုမှ အသစ်အဆန်း ဖြစ်နေနိုင်ပေမဲ့ တကယ်တော့ အသစ်အဆန်းမဟုတ်ပါဘူး။ အဆိုအမိန့်တွေ များလွန်းတော့ ကိုယ်ပိုင်အယူအဆ နည်းသလိုလည်း ဖြစ်နေတယ်။ ပါတဲ့ ကိုယ်ပိုင်အယူအဆတွေကလည်း အသစ်အဆန်းတော့ မဟုတ်လှပါဘူး။ ဒါပေမဲ့လည်း ပြန်ကြားရေး ဝန်ကြီးဌာနရဲ့ လုပ်ပုံ၊ လူအများစုရဲ့ တွေးပုံခေါ်ပုံတွေကြောင့် ဒီလောက်လေးကပဲ တော်လှန်ရေးတစ်ရပ်လိုတောင် ဖြစ်သွားရော။

ကောင်းကင်ကို (ဇွန် ၂၇၊ ၂၀၁၄)

Friday, June 13, 2014

မြန်မာ့ရုပ်ရှင်

ပွင့်ကိုယ်တိုင်သရုပ်ဆောင်ပြီး…အဝလွန်သူကို လှောင်တယ်။
ဗေလုဝကိုယ်တိုင် သရုပ်ဆောင်ပြီး…ရုပ်ဆိုးသူတွေကို လှောင်တယ်။

ပီချေးကိုယ်တိုင်သရုပ်ဆောင်ပြီး…ကုလားတွေကို လှောင်တယ်။
ဂွစာသောင်းသောင်းကိုယ်တိုင်သရုပ်ဆောင်ပြီး…မိန်းမလျာတွေကို လှောင်တယ်။

ဘာဟုတ်သေးလဲ
အစိုးရကိုယ်တိုင်သရုပ်ဆောင်ပြီး…အစိုးရကို လှောင်တယ်။
ပြည်သူတွေကိုယ်တိုင်သရုပ်ဆောင်ပြီး…ပြည်သူတွေကိုလှောင်တယ်။


ကောင်းကင်ကို (June 13, 2014)

Saturday, May 31, 2014

Stockholm Syndrome (စတော့ဟုမ်း လက္ခဏာစု) (by Kang Shin Juu)

ဘာသာပြန်သူ။ Sunwu Kang (ဝေနွယ်နှင်းစိုး) (s2sunwus2@hanmail.net) 

နောက်ခံအချက်လက်။   ။ ဓားပြတွေက ဓားစာခံအဖြစ် ခေါ်ဆောင်သွားခံရတဲ့ သူတွေဟာ ဓားပြတွေနှင့် အချိန် အတော်ကြာ နေရင်း ဓားပြတွေကို သနားပြီး ဒီ ဓားပြတွေကို ဖမ်းဖို့ ကြိုးစားနေတဲ့ ရဲတွေကို ရန်သူအဖြစ် သတ်မှတ်ပစ်တဲ့ စိတ်အခြေအနေကို ဆိုလိုပါတယ်။

ဒီ လက္ခဏာစု ဖြစ်ပေါ်လာရတဲ့ နောက်ခံသမိုင်း။   ။ ၁၉၇၃ ခုနှစ် ဆွီဒင်နိုင်ငံ Stockholm မြို့မှာ ဖြစ်ပွားခဲ့တဲ့ ဓားစာခံဖမ်းဆီးမှု အဖြစ်အပျက်ကို အခြေခံတဲ့ ဝေါဟာရ ဖြစ်ပါတယ်။ ဓားပြတွေကြောင့် အင်မတန်ဆိုးဝါးလှတဲ့ နေရာတွေရောက်ပြီး ဓားစားခံအဖြစ် အဖမ်းခံလာရတဲ့ သူတွေဟာ၊ အဲဒီ ဓားပြတွေကိုပဲ ထောက်ခံသွားတဲ့ အဖြစ်အပျက်ပါ။ ဘယ်လောက်ထိလဲဆိုရင် ဓားပြတွေနဲ့ အတူတူ ပူးပေါင်းဖို့အထိပါ ဖြစ်လာပါတယ်။ ဒီလို အခြေအနေဆိုးတစ်ရပ်မှာ အဖမ်းခံထားရသူတွေဟာ၊ အစဦးပိုင်းမှာတော့ ကြောက်ရွံ့မှုတွေ ခံစားကြရပေမဲ့၊ ဓားပြတွေနဲ့ အတူတူနေတဲ့ အချိန်တွေ များလာတာနှင့် အမျှ တဖြည်းဖြည်း ဆိုသလိုပဲ သူတို့တွေကို ကရုဏာတွေဖြစ်၊ နောက်ဆုံးတော့လည်း မိမိတို့ကို လာကယ်ဖို့ ရောက်လာတဲ့ ရဲတွေကိုတောင် ပြန်လည်တိုက်ခိုက်ဖို့ အနေအထားအထိအောင် ဖြစ်သွားတဲ့ အဖြစ်မျိုးလို့ ပညာရှင်တွေက ရေးသားကြပါတယ်။

Stockholm လက္ခဏာစုနှင့် ဆက်စပ်ပြီး နိုင်ငံတော်ဆိုတာ ဘယ်လို အရာမျိုးလဲဆိုတာကို ရှင်းပြထားတဲ့ စာအုပ်ထဲမှ အကြောင်းအရာကို ဘာသာပြန်ထားပါတယ်။

ကိုရီးယား Philosopher ပညာရှင်လည်းဖြစ် စာရေးဆရာလည်း ဖြစ်တဲ့ Kang Shin Juu ရဲ့ စာအုပ်ကို ဘာသာပြန်ထားခြင်းဖြစ်ပါတယ်။

ခေါင်းစဉ်။   ။ နိုင်ငံဆိုတဲ့ သက်တမ်းအရင့်ဆုံး ဒဏ္ဍာရီပုံပြင်တစ်ပုဒ်~~။
      국가라는 오래된 신화
ခင်ဗျားတို့တတွေ Stockholm လက္ခဏာစု [Stockholm syndrome]
ဆိုတဲ့ စကား ကြားဖူးကြတယ်မဟုတ်လား။ ၁၉၇၃ခုနှစ် ဆွီဒင်နိုင်ငံ Stokcholm မြို့ ဘဏ်တစ်ခုမှာ ဖြစ်ပွားခဲ့တဲ့ ဖမ်းဆိး လုယက်မှုကြောင့် ဖြစ်ပေါ်လာတဲ့ ဝေါဟာရ ဖြစ်ပါတယ်။ အဲဒီအချိန် ဓားပြတွေကြောင့် အင်မတန်ဆိုးဝါးလှတဲ့ နေရာတွေရောက် ဓားစားခံအဖြစ် အဖမ်းခံလာရတဲ့ သူတွေဟာ မိမိရဲ့ အသက်ကို ဆုပ်ကိုင်ထားတဲ့ အင်အားကြီးမားသူ ဓားပြရဲ့ လွှမ်းမိုးမှုကြောင့် ဒီ ဓားပြကိုပဲ ထောက်ခံဖို့ ဖြစ်လာပါတယ်။ ဘယ်လောက်ထိလဲဆိုရင် အတူတူ ပူးပေါင်းဖို့အထိပါ ဖြစ်လာပါတယ်။

ဓားစားခံအဖြစ် ဖမ်းဆီးခေါ်ဆောင်ခံရတဲ့ဆိုတဲ့ အဖြစ်ဟာ အဖြစ်ဆိုးတွေထဲက အဆိုးဝါးဆုံး အခြေအနေလို့လည်း ပြောလို့ရတယ်မဟုတ်လား။ ဒီ ဓားပြတွေဆီက မလွတ်မြောက်နိုင်ဘူးဆိုရင် အဆိုးဆုံးအခြေအနေက အသက်သေသွားတဲ့အထိ ဖြစ်နိုင်တယ်လေ။ အဲဒီတော့ ဒီလို အခြေအနေ ဆိုက်ရောက်ပြီး ကိုယ့်ကို ကယ်တင်နိုင်မယ့် အင်အား၊ ရဲတွေမှာလည်း မရှိဘူးဆိုရင် ဓားစားခံတွေရဲ့ စိတ်ဓာတ်ကျမှုဟာ အရမ်းအရမ်းကို ဖြစ်ပွားလာနိုင်တယ်ဆိုတာ ဧကန်မလွဲပါပဲ။

ဒီလိုအခြေနေမျိုး ရောက်ပြီဆိုရင် ဓားစားခံတွေဟာ ဘယ်လို တုံ့ပြန်မှုတွေ ရှိနေမလဲ။ သူတို့တွေကို ကယ်တင်ပေးမယ့် ရဲတွေ၊ လူ့အဖွဲ့အစည်း(society)တွေထက် သူတို့ကို ချုပ်ထားတဲ့ ဓားပြတွေရဲ့ ဘက်ကို လိုက်ပေးဖို့ ဖြစ်လာပါတယ်။ စိတ်ပညာရှင်တွေရဲ့ စကားအရဆိုရင် ၊ ဓားစာခံတွေ ခံစားဖို့ ဖြစ်လာတဲ့ Stockholm လက္ခဏာစု ဟာ အချက်၃ချက် ရှိနေပါတယ်။

(၁) မိမိတို့ရဲ့ အသက်ကို ဆုပ်ကိုင်ထားတဲ့ ဓားပြတွေဟာ ဓားစာခံအဖြစ်ပဲ အသုံးချပြီး အသက်ကို ဒုက္ခမပေးပါလားဆိုပြီး ဓားစာခံတွေက ကျေးဇူးတွေတင်၊ နောက်ဆုံးတော့လည်း သူတို့တွေကို ကြင်နာတဲ့စိတ်တွေအထိ ဖြစ်ပေါ်လာတာလို့ ပြောပါတယ်။

(၂) ဓားစာခံတွေဟာ မိမိတို့ကို လာကယ်တဲ့ ရဲတွေကိုတောင် ပြန်လည်တိုက်ဖို့လုပ်ဆောင်ပါတယ်။ ဘာဖြစ်လို့လဲဆိုတော့ ရဲတွေဟာ မိမိတို့နဲ့ ဓားပြတွေကြားမှာ ရှိတဲ့ သံယောဇဉ်ကို ဖျက်ဆီးပြီး မိမိတို့ရဲ့အသက်ကိုတောင် ထိခိုက်လာနိုင်တဲ့အတွက်ကြောင့် ဖြစ်ပါတယ်။

(၃) နောက်ဆုံးအချက်က - ဓားပြတွေဟာ ဓားစာခံတွေအပေါ် ခင်မင်သွားပါတယ်။ ဒီလိုနဲ့ ဓားစာခံနဲ့ ဓားပြတွေဟာ အတူတကွ ကြောက်ရွံ့မှုဆိုတဲ့ စိတ်ခံစားမှု ဖြစ်ပေါ်ပါတယ်။ ဒီလိုနဲ့ ဒီ နှစ်ဦးနှစ်ဘက်ကြားမှာ “ငါတို့(we)” ဆိုတဲ့ အင်မတန်တွေးရခက်တဲ့ ယုံကြည်မှုတွေ ဖြစ်ပေါ်လာခြင်းပဲဖြစ်ပါတယ်။

သမိုင်းကို ပြန်ကြည့်မယ်ဆိုရင် နိုင်ငံအသီးသီးဟာ အခြေအနေဆိုး တစ်ရပ်ကို ရင်ဆိုင်ရပြီဆိုရင် စစ်ပွဲကတစ်ဆင့် တိုင်းပြည်အတွင်းမှာ ရှိနေတဲ့ အဆင်မပြေမှုတွေကို ဖုံးကွယ်ဖို့လုပ်ပါတယ်။ ဘာလို့ ဒီလိုလုပ်တယ်လို့ ထင်ပါသလဲ။ ဒါဟာဆိုရင် တိုင်းသူပြည်သားတွေကို Stockholm လက္ခဏာစု ထဲ ချောက်ချဖို့ ဆိုတဲ့ စီမံကိန်းကြောင့် ဖြစ်ပါတယ်။ အာဏာရှင်တွေကို ဆန့်ကျင်တဲ့ အတိုက်အခံအဖွဲ့တွေ၊ အတိုက်အခံ လူပုဂ္ဂိုလ်တွေဟာလည်း တချို့ အခြေအနေမျိုးမှာ အာဏာရှင်နဲ့ မိမိတို့တွေဟာ အခြေအနေတူတဲ့ ကံကြမ္မာမှာ ကျရောက်နေတယ်လို့ထင်ယောင်ထင်မှားဖြစ်တတ်ကြပါတယ်။

ကျနော်တို့တွေဟာ “နိုင်ငံ” ဆိုတဲ့ ပြဿနာကို အခြေခံကအစ ဖော်ထုတ်ဖို့ရာခက်ခဲတဲ့ အကြောင်းရင်းဟာ Stockholm လက္ခဏာစု ထဲ ရောက်ရှိနေလို့ မဟုတ်လား။
နိုင်ငံတော်ဆိုတာကြီးဟာ တကယ်တမ်းတော့တိုင်းသူပြည်သားတွေအပေါ် လွှမ်းမိုးနိုင်တဲ့ အာဏာတွေ ပိုင်ဆိုင်ထားတဲ့ အရာပဲ ဖြစ်ပါတယ်။ ထပ်ပြောရမယ်ဆိုရင် နိုင်ငံတော် အာဏာဆိုတဲ့ အရာကြီးကို ကိုင်ဆောင်ပြီး နိုင်ငံသားတွေကို ချုပ်နှောင် နေတာပဲဖြစ်ပါတယ်။ တခါတလေတော့လည်း ကျနော်တို့ကို သတ်တောင်ပစ်နိုင်ပြီး အတွင်းတစ်နေရာမှာ ကိန်းအောင်းနေတဲ့ အကြမ်းဖက်မှုလည်း ဖြစ်နိုင်ပါတယ်။ ဒါပေမယ့် နိုင်ငံဟာ ကျနော်တို့တွေကို နိုင်ငံတော်က သတ်မှမသတ်တာ။ သတ်ဖို့နေနေသာသာ ကျနော်တို့အဖို့ဆိုပြီး မူဝါဒတွေတောင် လုပ်ပေးတယ်မဟုတ်လား။ ဒါကြောင့် စဉ်းစားကြည့်မယ်ဆိုရင် ကျေဇူးတောင်တင်လို့ရနေတယ်လေ။

ဒါကြောင့် ကျနော်တို့တတွေဟာ ဓားစာခံတွေ ဓားပြတွေအပေါ် ကြင်နာစိတ် ဖြစ်ပေါ်သလိုမျိုး နိုင်ငံတော်အပေါ်မှာလည်း သံယောဇဉ်ဖြစ်တဲ့ စိတ်တွေ ဖြစ်ပေါ်လာတာပါ။ အကယ်၍များ တစ်ယောက်ယောက်က နိုင်ငံကို ပြဿနာအဖြစ် လုပ်လာပြီဆိုရင်၊ ကျနော်တို့ရဲ့ စိတ်တွေဟာ အင်မတန် စိုးရိမ်လာပါတယ်။ ဓားစာခံတွေဟာ မိမိတို့ရဲ့ အသက်ကို ကာကွယ်ပေးဖို့ ရဲတွေက ဓားပြကို တိုက်ခိုက်တာ မလိုလားသလိုမျိုးပဲပေါ့။

နောက်ဆုံးတော့လည်း ဒီလိုမျိုး ပုံစံတွေနဲ့ နိုင်ငံဆိုတာ ရှိကိုရှိရမယ့် အရာ၊ မရှိရင် မဖြစ်တဲ့ အရာအဖြစ် ထင်ယောင်ထင်မှားစိတ်တွေ ဖြစ်ပေါ်လာပါတယ်။ ဓားပြတွေဆီကို ဦးတည်လာတဲ့ ကျည်ဆံတွေကို ကာကွယ်ပေးတဲ့ ဓားစာခံတွေရဲ့ အခြေအနေမျိုးလိုပေါ့။

နိုင်ငံဆိုတာနဲ့ ပတ်သတ်ပြီး ကျနော်တို့နိုင်ငံ(တောင်ကိုရီးယား)က ပြည်သူတွေ Stockholm လက္ခဏာစု ကို ခံစားဖို့ ဖြစ်လာရတဲ့ အချိန်ကတော့ ပက်ဂျောင်းဟီလက်ထက်(1917~1979)[1] ကနေစတင်လာတဲ့ စစ်အာဏာရှင်ခေတ်လို့ ပြောရပါ့မယ်။ ဒါပေမယ့် အခုလောလောဆယ် ကျနော်တို့ တိုင်းသူပြည်သားတချို့ဟာ Stockholm လက္ခဏာစု ကို ခံစားနေရတဲ့ ဓားစာခံတွေလို ပက်ဂျောင်းဟီကို တသသဖြစ်နေတဲ့သူတွေ ရှိနေပါတယ်။ ကျနော်တို့တတွေဟာ သူလုပ်ခဲ့တဲ့ အာဏာရှင်ဆန်လုပ်ရပ်တွေကိုတော့ မေ့လို့နေကြတယ်လေ။ ပိုပြီးတောင် ဆိုးတာက သူ့ကို တိုးတက်အောင်လုပ်ပေးသူ၊ ဟန်မြစ်ရဲ့ အင်အားကို ကြီးထွားအောင် လုပ်ပေးသူ၊ တိုင်းပြည်အငတ်ဆင်းရဲဘေးမှ လွတ်မြောက်အောင် လုပ်ဆောင်ပေးသူအဖြစ် အမှတ်ရချင်နေကြပါတယ်။ ဒီလိုဆိုရင် ပက်ဂျောင်းဟီဟာ ကျနော်တို့ရဲ့ ဘ၀ကို ဘယ်လိုမျိုးဖြစ်အောင် လုပ်ခဲ့တဲ့ သူလဲဆိုတာ သေချာ သိဖို့ လိုလာပြီ။ အခုလောလောဆယ် လူငယ်နိုင်ငံရေးပညာရှင် ဂျောင်းအင်းဂွမ်(1957~2005) ဟာ ဒီလိုမျိုး ဖွင့်ဆိုထားပါတယ်။

ပက်ဂျောင်ဟီရဲ့ နိုင်ငံရေးအတွေးကတော့ မူလအစအားဖြင့် Nationalism အတွေးအခေါ်တွေ ရှိနေတယ်လို့ ကောက်ချက်ချလို့ ရပါတယ်။သူရဲ့Nationalism အတွေးအခေါ်ဟာဆိုရင် မိမိရဲ့ သိသာထင်ရှားလှတဲ့ နိုင်ငံရေးအတွေးအခေါ်ကို နိုင်ငံတော်ဆိုတဲ့ အရာကြီးကို ဗဟိုထားပြီး ညှင်းပန်းနှိပ်စက်မှုနှင့် ခေါင်းဆောင်မှုဆိုတာကို ပေါင်းစပ်ပြီး ပြုလုပ်ထားတဲ့ အရာပဲ ဖြစ်တယ်။ ဒါကြောင့် သူဟာ တိုင်းသူပြည်သားတွေရဲ့ အသက်ရှင်နေထိုင်နိုင်မှုဟာဆိုရင် နိုင်ငံတော်ကပဲ တာဝန်ယူရမယ်လို့ ပြောပါတယ်။ ပက်ဂျောင်းဟီရဲ့ Nationalism အတွေးအခေါ်တွေဟာဆိုရင် မျိုးနွယ် ပြန်လည်တည်ဆောက်တာတွေ၊ တိုင်းသူပြည်သားတွေနေတဲ့ မြို့တော် တိုးတက်ရေးတွေ၊ မြို့တော် တည်တံ့ခိုင်မြဲရေးတွေ စတဲ့ ပညာရေးပိုင်းဆိုင်ရာ ကိစ္စ တွေကို လုပ်ဆောင်ခဲ့ပါတယ်။သူရဲ့ လုပ်ဆောင်မှုထဲက အထင်ရှားဆုံးအရာဟာ [National Chart of Education_국민교육 헌장- 國民敎育憲章] ပဲဖြစ်ပါတယ်။ ဒီ [National Chart of Education]ဟာဆိုရင်၊ အားလုံးကို ချုံကြည့်မယ်ဆိုရင် တစ်ဦးတစ်ယောက်ချင်းစီကို နိုင်ငံတော်ဆိုတဲ့ ဦးတည်ချက်ကြီးထဲကို ထည့်သွင်းတဲ့ အတွေးအခေါ်ပိုင်းဆိုင်ရာ ပုံစံကို ပြသပါတယ်။ အာဏာရှင်ဆန်တဲ့ အတွေးအခေါ်တွေက အခြေခံထားပါတယ်။ ပြီးတော့
“တိုင်းသူပြည်သားတွေ ကျန်းမာသန်စွမ်းခြင်းဟာ တိုင်းပြည်ရဲ့ အင့်အား” လို့ အဓိပ္ပါယ်ရတဲ့ ဆောင်ပုဒ်လည်း ခေတ်စားခဲ့ပါတယ်။

နိုင်ငံရေးပညာရှင် ဂျောင်းအင်းဂွမ်(1957~2005)က၊ ပက်ဂျောင်းဟီရဲ့ နိုင်ငံရေးအတွေးအခေါ်ဟာ Nationalism ပါလို့ အဓိပ္ပါယ်ဖွင့်ဆိုပါတယ်။ ဒီမှာပြောတဲ့ Nationalism ဆိုတာ သူပြောသလိုပဲ “တစ်ဦးတစ်ယောက်ချင်းစီကို နိုင်ငံတော်ဆိုတဲ့ ဦးတည်ချက်ကြီးထဲကို ထည့်သွင်းထားတဲ့ အတွေးအခေါ်” ပေါ့။ သူဆိုလိုတာက တစ်ဦးတစ်ယောက်ချင်းစီဟာ၊ နိုင်ငံတော်က လိုအပ်ရင်သုံးဖို့ အထောက်အကူပစ္စည်းသာသာပဲဖြစ်ပြီး နိုင်ငံတော်ကတော့ တစ်ဦးချင်းစီရဲ့ ဦးတည်ချက်ပဲဖြစ်ပါတယ်။ ဒီစကားအရ ပက်ဂျောင်းဟီအတွက်ကတော့ ကျနော်တို့ဟာ နိုင်ငံတော်တိုးတက်ဖို့အရေး အသုံးချခံရတဲ့ အထောက်အကူပစ္စည်းသာ ဖြစ်တယ်ဆိုတဲ့ သဘောပေါ့။ သူ့အတွက် နိုင်ငံတော်ဆိုတာ ဘယ်သူမှ ၀င်ရောက်တားဆီးလို့ မရနိုင်တဲ့ အာဏာလို့ ပြောလို့ရပါတယ်။ ဒါဟာ ဘာဆိုလိုတာပါလဲ။ ပက်ဂျောင်းဟီးတွေးထားတဲ့ အတွေးတိုင်းသာ စဉ်းစားရမယ်ဆိုရင်၊ ဘယ်သူမှ တိုင်းပြည်ကို ပြဿနာတစ်ရပ်အဖြစ် နိုင်ငံတော်ဆိုတာကို သံသယတောင် ဖြစ်စရာမလိုဘူးဆိုတဲ့ သဘောပါပဲ။ ဒီလို ဖြူစင်သန့်ရှင်းပြီး ကြီးကျယ်လှတဲ့ နိုင်ငံတော်နှင့် ပတ်သတ်ပြီး သံသယတွေ ဖြစ်စရာမလိုဘူး_ ဆိုတဲ့ သဘောပေါ့။ ဒီလိုဆိုရင် ကျနော်တို့တတွေဟာ ပက်ဂျောင်းဟီရဲ့ Nationalism အယူကို မျက်ကန်းယုံ ယုံပြီး အလုံးစုံ ပုံအပ်ပြီး နောက်ကနေ လိုက်မလား။ ဒါမှမဟုတ် နိုင်ငံတော်နှင့် ပတ်သတ်ပြီး ကိုယ်ကိုယ်တိုင် သံသယဖြစ်ပြီး ဘက်စုံကနေ စဉ်းစားကြည့်မလား။

ပက်ဂျောင်းဟီ သွတ်သင်းထားတဲ့ Nationalism အယူအဆကနေ လွတ်မြောက်ဖို့ရာ
အတွက်ဆိုရင်၊ ဒါမှမဟုတ် နိုင်ငံတော်ဆိုတဲ့ Stockholm လက္ခဏာစုကနေ လွတ်
မြောက်ဖို့အတွက်ဆိုရင်၊ နိုင်ငံတော်ဆိုတဲ့ အရာကို ဝေဖန်ဆန်းစစ်တဲ့အခါ ဖြစ်ပွားလာနိုင်တဲ့ အဆင်မပြေမှုတွေကို သည်းခံနိုင်တဲ့ အားတော့ ရှိရမှာပေါ့။

ဘာသာပြန်သူ။ Sunwu Kang (ဝေနွယ်နှင်းစိုး) 

Tuesday, May 27, 2014

လောကဓံ



ဗိုလ်ချုပ်အောင်ဆန်း မဖြစ်ချင်ဘူး
အစွန်းရောက်တွေရဲ့ Profile ပုံဖြစ်သွားမှာ ကြောက်တယ်

အောင်ဆန်းစုကြည် မဖြစ်ချင်ဘူး
လမ်းဘေးမှာ ချရောင်းခံရမှာ ကြောက်တယ်

တန်ခိုးကြီစေတီ မဖြစ်ချင်ဘူး
ဆုတောင်းသူတွေအတွက်...ခွင့်မဲ့ပျက်ကွက်ရမှာ ကြောက်တယ်။

ဘုရားမဖြစ်ချင်ဘူး
တံတွေးခွက်တွေထဲ ပက်လက်မျောရမှာ ကြောက်တယ်။
ကောင်းကင်ကို (မေ ၂၇၊ ၂၀၁၄)

Friday, May 2, 2014

Hypocrite


ဘာသာမဲ့ဆိုပြီး ...

အမြင်ကတ်စရာ ထွေရာလေးပါးနဲ့
ချဉ်ဖတ်ဆရာ သေနာလေးတစ်ပါးရေ
ဘဝင်ဟပ်လာအောင် စေတနာလေးထားပြီး
ရင်ဘတ်တစ်ရာကို နေရာပေးမှ
မင်းလူယဉ်ကျေးဖြစ်မှာတဲ့။
ခုတော့
သိပ္ပံပညာနဲ့တိုင်းပြပုံက
ပိတ်ကန်ချင်စရာရိုင်းလှသတဲ့။
မိတ်ဆွေတစ်ယောက်က ဆုံးမတယ်။

ဒါပေမဲ့….နောက်တစ်ရက်ကျတော့
အဲဒီမိတ်ဆွေပဲ ပလိန်းဆဲတယ်
နတ်တွေကို “အစိမ်းသရဲ” တဲ့။

ကောင်းကင်ကို (မေ ၂၊ ၂၀၁၄)

Wednesday, April 23, 2014

Playlists

၁။ ပထမဆုံး Playlist ကတော့ စိတ်ဓာတ်ခွန်အားဖြည့် (မြန်မာ+အင်္ဂလိပ်) သီချင်းတွေပါ။ အားရင်အားသလို နောက်ထပ် ထပ်ဖြည့်ပါဦးမယ်။ www.youtube.com/playlist?list=PLgi2Nf-t3v6eW5u2lu_oCuidrGLMYu-1y

၂။ ဒုတိယဟာကတော့ မြန်မာ existential song တွေ စုထားတဲ့ playlist ပါ။ တချို့သီချင်းတွေရဲ့စာသားတွေက ရိုးရိုးလေးတွေပေမဲ့ (တခါတခါ existential သဘောနဲ့ မဆိုင်သလို ရှိနေပေမဲ့) နားထောင်တဲ့အခါ existential အရသာကို ကိုယ့်ဘာသာကိုယ် ခံစားရလို့ ဒီစာရင်းထဲ ထည့်ထားတာပါ။ http://www.youtube.com/watch?v=Vl065b6bGcI&list=PLgi2Nf-t3v6dvFzgV5rO_t0RYEdZNTTay

၃။ တတိယ တစ်ခုကတော့ မြန်မာ interracial/interfaith love song တွေပါတဲ့ playlist ပါ။ တချို့သီချင်းတွေကို သိပေမဲ့ Youtube မှာ ရှာမရသေးလို့ မထည့်ရသေးပါဘူး။ List ထဲမှာ တဖြည်းဖြည်းချင်း ထပ်ဖြည့်သွားပါမယ်။ http://www.youtube.com/playlist?list=PLgi2Nf-t3v6fOACl1vVlpclJO2IbeZHd1 (သတိထားမိသလောက်ကတော့....ရှမ်းနဲ့ မြန်မာက အများဆုံးပဲ။ ကျန်တာတွေ တော်တော်ရှားတယ်) အဲ...ဒီ playlist လုပ်လို့ မျိုးစောင့်ဥပဒေနဲ့တော့ မငြိလောက်ပါဘူးနော် :D

Saturday, April 5, 2014

ဒီလောက်လေးတွေ



လူမျိုးရေး၊ဘာသာရေး အဓိကရုဏ်းတွေ ခဏခဏ ဖြစ်နေတာကို ကျွန်တော်တော့ မအံ့သြတော့ဘူး။ ဒီလို အစိုးရ၊ ဒီလိုလွှတ်တော်၊ ဒီလိုနိုင်ငံရေးသမားတွေ လက်ထဲမှာ “ဒီလောက်လေးတွေပဲ” ဖြစ်နေတာကိုသာ အံ့သြနေတာ။ လူတွေ ထိခိုက်သေကြေနေရတဲ့၊ စိတ်ညစ်နေရတဲ့ ကိစ္စတွေကို “ဒီလောက်လေးတွေပဲ” လို့ သုံးရတာတော့ စိတ်မကောင်းပါဘူး။ ဒါပေမဲ့ ဒီလိုအခင်းအကျင်းအောက်မှာ ဒီထက်ပိုကြီးတဲ့၊ ဒီထက် အသေအပျောက်ပိုများမယ့် ဟာမျိုးတွေ ခဏခဏ ဖြစ်မယ်လို့ ကျွန်တော်က ထင်ထားလို့ “ဒီလောက်လေးတွေပဲ” လို့ သုံးလိုက်တာ။

လူမျိုးရေး၊ ဘာသာရေး အဓိကရုဏ်းတွေနဲ့ ပတ်သတ်ပြီး ပြောရရင်၊ အစိုးရက လွှတ်ပေးထားတာတွေ၊ နောက်ကွယ်က မြှောက်ပေးသလိုလုပ်တာတွေနဲ့ တချို့လူတွေရဲ့ စိတ်ထဲမှာ ကိန်းအောင်နေတဲ့ အမုန်းတွေကိုသာ မြင်မယ်ဆိုရင်၊ “ဒီလောက်လေးတွေပဲ” ဖြစ်တာကမှ အံ့သြဖို့ ကောင်းတာ။ 

ဒါပေမဲ့၊ တချို့လူတွေရဲ့ စိတ်ထဲမှာ အမုန်းတရားတွေ ဘယ်လောက်ပဲ ရှိနေရှိနေ၊ အစိုးရက ဖိဖိစီးစီး အရေးယူပြီး၊ ထိထိရောက်ရောက် ပညာပေးမယ်ဆိုရင် ဒီလိုတွေ ဘယ်ဖြစ်မှာလဲ။ ဖြစ်တယ်ဆိုရင်တောင် တစ်ခါတလေပဲ ဖြစ်မှာပေါ့။ ဒါမျိုးတွေ မလုပ်ကောင်းတဲ့အကြောင်းကို အစိုးရ၊ မီဒီယာတွေ နဲ့ သြဇာညောင်းတဲ့ နိုင်ငံရေးသမားတွေက ဝိုင်းပြီး ပညာပေးမယ်၊ ဝေဖန်ရှုတ်ချသင့်တာကို ဝေဖန်ရှုတ်ချမယ်ဆိုရင် ဒါမျိုးတွေ ဘယ်ဖြစ်မလဲ။ 

ဥပမာ... ဦးဝီရသူဆိုရင် တရားဓမ္မနဲ့ မဆီလျော်တာတွေ မကြာခဏ ပြောနေပေမဲ့ မြန်မာမီဒီယာအများစုမှာဆိုရင် (အများအားဖြင့်) သူ ဘာသာပေါင်းစုံငြိမ်းချမ်းရေး လုပ်နေတာတွေလောက်ပဲ ပါတတ်တယ်။ သူ ပေါက်တတ်ကရ လျှောက်ဟောပြောထားတာတွေကိုကျ ဗွီဒီယိုသက်သေ အထောက်အထားတွေ ရှိပါလျက်နဲ့ မြန်မာမီဒီယာတွေ၊ နိုင်ငံရေးသမားတွေက သူ့ကို အချက်အလက်နဲ့ ဝေဖန်တာမျိုးကကျ ရှားတယ်။ (ရှိတော့ရှိပေမဲ့ ရှားတယ်) တချို့မီဒီယာတွေ၊ နိုင်ငံရေးသမားတွေဆို ဦးဝီရသူကိုအကာအကွယ်တောင် ပေးလိုက်သေးတယ်။ ဒါက ဦးဝီရသူနဲ့ပဲ ဥပမာပေးတာပါ။ နိုင်ငံရေးသမားတွေ၊ မီဒီယာတွေ နဲ့ လွှတ်တော်က မထိရဲတဲ့ နာမည်ကြီး ပုဂ္ဂိုလ်တွေ အများကြီးပါပဲ။ တကယ်က ကောင်းကျိုးဖြစ်ဖြစ် ဆိုးကျိုးဖြစ်ဖြစ် အများကြီး သက်ရောက်စေနိုင်တဲ့ နာမည်ကြီးပုဂ္ဂိုလ်တွေရဲ့ လုပ်ရပ်တွေကို မီဒီယာတွေနဲ့၊ လူထုကလေးစားတဲ့ ပုဂ္ဂိုလ်တွေက ပြတ်ပြတ်သားသား ဝေဖန်ထောက်ပြသင့်တာပေါ့။

သာမန်မထင်မရှားသူတွေက ဝေဖန်တာမျိုးတွေတော့ ရှိပါတယ်။ အဲဒါတွေကကျ ထင်သလောက် မထိရောက်ဘူးလေ။ တစ်ခါတလေဆို သာမန်လူတစ်ယောက်က ဝေဖန်လိုက်မှ ဒေါသဖြစ်နေတဲ့သူတွေကို ပိုဆွပေးသလို ဖြစ်သွားပြီး ဆန့်ကျင်ဘက်ရလဒ်တွေ ထွက်ကုန်ရော။ ဒါပေမဲ့ အစိုးရကဖြစ်စေ၊ ထင်ရှားတဲ့ နိုင်ငံရေးသမားတွေ၊ စာရေးဆရာတွေ၊ အနုပညာရှင်တွေကဖြစ်စေ ဝေဖန်ထောက်ပြကြတာမျိုးဆိုရင်တော့ ထိရောက်သင့်သလောက် ထိရောက်မှာပါ။ ဒါပေမဲ့ အဲလိုဝေဖန်ထောက်ပြမှုမျိုးက ရှားနေတယ်။ သတ္တိဆိုတာကလည်း ထူးဆန်းတယ်လေ။ တခါတလေကျ ထောင်ထဲဝင်ရမှာ မကြောက်ပေမဲ့ လူမုန်းခံရမှာကို ကြောက်ချင်ကြောက်ပြန်ရော။ ထားပါတော့။

ဒါမျိုးတွေ ခဏခဏ ဖြစ်နေရခြင်းမှာ၊ အဓိက အပြစ်တင်ရမှာက ဒေါသထွက်နေတဲ့ လူအုပ်ကြီး မဟုတ်ဘူး။ လူတွေကို အပြစ်သွားတင်နေလည်း အပိုပဲ။ ဘာမှထူးလာမှာမှ မဟုတ်တာ။ အပြစ်ပေးမခံရဘူးဆိုရင်၊ ဆွပေးမယ့်သူတွေရှိနေမယ်ဆိုရင်၊ အဲလိုသောင်းကျန်းရတာ ဝေဖန်မခံရဘဲ မျိုးချစ်စိတ်ရှိသူတွေအဖြစ် လက်ခုပ်ဝိုင်းတီးမယ့်သူတွေ များနေမယ်ဆိုရင် ဒါမျိုးတွေက ဘယ်နိုင်ငံမှာမဆိုဖြစ်မှာပဲ။

ဒါတွေက ဘာသာရေးကိုချစ်တာနဲ့လည်း မဆိုင်ဘူး။ ကိုယ့်ဘာသာရေးကိုယ် တကယ်ချစ်တဲ့သူတွေဆို၊ ဘာသာတူသူတွေထဲမှာ အဲလိုလူဆိုးတွေရှိလို့ စိတ်ပျက်နေကြရတာ။ အဲဒါကို မဆီမဆိုင် ဘာသာရေးတွေကို အပြစ်သွားတင်နေကြတဲ့သူတွေ၊ သိမ်းကျုံးပြီးဆဲနေတဲ့သူတွေလည်း လွဲနေတယ်။ ပိုဆိုးရုံပဲ ရှိတော့မပေါ့။ ကိုယ်လွတ်တိုင်း လျှောက်ပြီး မရမ်းသင့်ဘူးလေ။ ပြီးတော့၊ ကိုယ့်အုပ်စုကို အဲဒီလိုမျိုး သိမ်းကျုံးပြီး ပြောရင်ရော ကြိုက်ကြလို့လား။

ဒီိလိုပြဿနာတွေမှာ အဓိက အကျဆုံးကတော့ အစိုးရပါပဲ။ တစ်ခုခုဖြစ်တိုင်း အစိုးရကိုချည်း အပြစ်တင်နေတယ်လို့ ထင်ကောင်းထင်မယ်။ ‘ဘာဖြစ်ဖြစ် အစိုးရကိုချည်း အပြစ်တင်ကြတဲ့ အဖြစ်’ ကို ဟာသလုပ်ရေးထားတာလည်း ဖတ်ဖူးတယ်။ ဒါပေမဲ့ အဲဒီလို ဟာသမလုပ်ခင် ကိုယ့်အစိုးရက ဘယ်လောက်တာဝန်ကျေသလဲ ဆိုတာကို တစ်ချက်လောက်တော့ ကြည့်ဦးမှပေါ့။ ကိုယ့်အိမ်အဖျက်ဆီးမခံရသရွေ့၊ ကိုယ့်လယ်မြေတွေအသိမ်းမခံရသရွေ့၊ အစိုးရကို အကာအကွယ်ပေးတဲ့ ပေါ့ပြက်ပြက်ဟာသမျိုးလုပ်ဖို့၊ ဝေဖန်မှုကို သရော်တဲ့ ဟာသမျိုး လုပ်ဖို့က လွယ်ပါတယ်။

အစိုးရက လွှတ်ပေးထားတာတွေ ရှိနေသရွေ့၊ လူမျိုးရေးဘာသာရေးကို အသုံးချပြီး မဲဆွယ်ချင်နေသရွေ့၊ လွှတ်တော်က တကယ် အလုပ်မလုပ်သရွေ့၊ မသိချင်ယောင်ဆောင်နေသရွေ့၊ တကယ့်အနာကို မကုသရွေ့၊ အပေါ်ယံ ဘာသာပေါင်းစုံချစ်ကြည်ရေးပွဲတွေမှာ၊ လက်ရှိအချိန်အထိ ဦးဆောင်သွေးထိုးနေတဲ့သူတွေကို (အကြောင်းအမျိုးမျိုးကြောင့်) နေရာပေးနေသရွေ့ ၊ အတိုက်အခံတွေက (အကြောင်းအမျိုးမျိုးကြောင့်) ဒီလိုကိစ္စကိုဘေးချိတ်ထားသရွေ့၊ ဆွပေးတုန်းက ဆွပေးပြီး တစ်ခုခုဖြစ်မှ ငြိမ်းချမ်းရေးသမားယောင်ယောင် ဆောင်ချင်တဲ့ နာမည်ကျော်စာရေးသူတွေရှိနေသရွေ့ ဒါမျိုးတွေက ဖြစ်နေဦးမှာပဲ။

ဘုရားဘုရား!... မနေနိုင်တဲ့သူတွေအဖို့ကတော့ စောင့်ကြည့်ပြီး ရင်မောရုံပေါ့လေ။

ကောင်းကင်ကို (ဧပြီ ၅၊ ၂၀၁၄)

Saturday, March 8, 2014

မနှေးခေတ်မီ

စလေဦးပုညရဲ့ တေးထပ်လေးတွေ ပြန်ဖတ်မိပြီး၊ နဘေလေးတွေနဲ့ ရေးချင်စိတ် ပေါ်လာလို့ ဦးပုညလို တေးထပ်ပုံစံမျိုး တလောက ကောက်ရေးလိုက်တာပါ။ နှစ်ပိုဒ်ပဲ ရေးဖြစ်ပါတယ်။ ဆက်ရေးမယ်ဆိုပြီး မရေးဖြစ်တော့ပါဘူး။ 

ထအော်ရယ် ကို ထအော်ရီ လို့ ကာရန်ကို ငဲ့ပြီး အသံထွက်အတိုင်း ရေးထားပါတယ်။

မနှေးခေတ်မီ
သူတို့ကိုယ်သူတို့ ဗိုလ်ထင်ဆဲ
ကြိုတင်မဲနဲ့ တက်လာ
မလိုချင်လည်း ခက်ပါသည်
ရှက်မြန်မာပြည်ရဲ့တစ်ခေတ်။
သူခိုးကို အဘခေါ်သည်
ထအော်ရီရမည့်အဖြစ်။

ဘာသာရေးနဲ့ တမင်တကာချိတ်သူက
Interfaith အဖွဲ့ရဲ့ခေါင်းဆောင်…
ရင်မှာထိတ်လို့ အလောင်းကောင်တွေ မြင်လာသည်
သခင်သာကီဆိုသူတွေ အစွမ်း။
မှိုင်းမိကာ ဘလိုင်းချီတက်
တိုင်းပြည်ပျက် ကပ်ဆိုက်မယ့်လမ်း။
ကောင်းကင်ကို

Monday, January 20, 2014

ဥပဒေရဲ့ ည



လာဘ်နည်းနည်း ယူမိသူတယောက်
ဥပဒေရဲ့ အကြမ်းဖက်ခြင်းကို ခံလိုက်ရတာဟာ
လာဘ်များများ ပြန်မထိုးနိုင်လို့တဲ့
ဥပဒေက ဈေးကြီးတယ်။

ကမ္ဘာကို ဖန်ဆင်းခဲ့တယ်ဆိုတဲ့ ဘုရားသခင်ဟာ
တနေ့လုပ် တနေ့စားတွေအတွက်....နေအိမ်ကို ဖန်ဆင်းမပေးနိုင်တော့
အိမ်စာရင်းမဝင်တဲ့ (ကျူးကျော်)တဲလေးတွေ အဖျက်ခံလိုက်ရတယ်။
ဥပဒေဟာ နာဂစ်ကိုမှ မသိဘဲ။

လူတွေကို ဖန်ဆင်းခဲ့တယ်ဆိုတဲ့ ဘုရားသခင်ဟာ
တချို့လူတွေအတွက် နိုင်ငံကို မဖန်ဆင်းပေးနိုင်တော့
လူစာရင်းမဝင်တဲ့ လူ၁၂သန်းလောက် ကျူးကျော်သူတွေ ဖြစ်ရတယ်။
ဥပဒေဟာ လူ့အခွင့်အရေးကိုမှ မသိဘဲ။

ကျောသားရင်သား မခွဲခြားဘူးဆိုတဲ့ ဥပဒေအောက်မှာ
လက်နက်ရောင်းခြင်းက... တရားဝင်ချင်ဝင်နေတတ်ပြီး
လူသုံးပစ္စည်း မှောင်ခိုရောင်းသူက... တရားရုံးထဲ ရောက်ချင်ရောက်နေလိမ့်မယ်။

William ကိုမေးပေးပါ။
ခိုလှုံစရာမရှိတဲ့ အရပ်မှာ
အိုးမဲ့အိမ်မဲ့ တယောက်ဟာ
ကာဖျူးအမိန့်ကို ဘယ်လိုလိုက်နာမလဲ?

ကောင်းကင်ကို (၂၀.၁.၂၀၁၄)
William = William the Conqueror [ ညမထွက်ရကာဖျူးအမိန့်ကို စတင်ပြဌာန်းခဲ့သူ ]