Thursday, July 21, 2016

စီးကရက်ချစ်သူ

တရားသဘောအရ
သံယောဇဉ်ဆိုတာ
လွတ်လပ်ခြင်းကို အစိမ်းလိုက်စားမယ့်
သားရဲတိရစ္ဆာန်ပဲ။

ဒါပေမဲ့လည်း
ဆေးလိပ်အန္တရာယ်ကို သိလျက်နဲ့ ရှိူက်သူလို
အရက်အန္တရာယ်ကို သိလျက်နဲ့ ကြိုက်သူလို
ဓားပြအန္တရာယ်ကို သိလျက်နဲ့
အိမ်ထောင်ရေး ရထားပေါ်
အတ္တစိတ်ဆိုတဲ့ လက်ဝတ်လက်စားကို
ငါယူလာမိတယ်။

ချစ်သူတို့ ကမ္ဘာမှာ
မလွတ်လပ်မှုဟာ
အထွတ်အမြတ် တခုပါကွယ့်။

ကြည့်စမ်း...
ငါ့နောက်ကျောမှာ
နှုတ်ခမ်းနီဆိုးနေတဲ့ ဓားတလက်။

ကောင်းကင်ကို
"သစ်ခက်သံလွင်" စာပေအနုပညာ ဝက်ဘ်ဆိုဒ်မှာ ဇူလိုင် ၁၂ ရက်နေ့က ဖော်ပြခဲ့တဲ့ ကဗျာပါ။

Sunday, July 3, 2016

တိတ္ထိတစ်ကောင်ရဲ့ အတွင်းပိုင်းစာမျက်နှာ

ငါဟာ
ဘာသာတရားကို စွန့်ခွာခဲ့ပေမဲ့
ဘာသာစကားကို ကိုးကွယ်နေတုန်းပါလား
ငါ့ကိုဆဲတဲ့အခါ... ငါနာတုန်းလေ။

ငါဟာ
ဘုရားသခင်ကို ဝေဖန်ရဲပေမဲ့
အလုပ်ရှင်ကို ဝေဖန်ရဲပါ့မလား
ဖီဆန်မှုကို ကဗျာထင်သူဆိုပေမဲ့... ငါဆာတုန်းလေ။

သြော်...
ဘာသာတရားကို ငါးစာမဟပ်ပေမဲ့
သာယာစကားကို တအားငါငတ်နေပါလား။
လက်ခုပ်တီးမယ့်သူကို... ငါရှာတုန်းလေ။

ကောင်းကင်ကို