Friday, February 20, 2015

လေလေးချွန်နေရုံပဲ


PK ဇာတ်ကားထဲမှာ ဇာတ်လိုက်ရဲ့ ပါးကို လူတွေဝိုင်းရိုက်မယ်၊ ဝိုင်းထိုးမယ်လုပ်တော့ သူက သူ့ပါးမှာ ဘုရားပုံတွေ ကပ်လိုက်တယ်။ ရိုက်မယ့်လူတွေ မရိုက်ရဲတော့ဘူးလေ။

ကျွန်တော်လည်း မြန်မာပြည်ပြန်ရင် အရင်ဆုံး Facebook profile ပုံအဖြစ် ဘုရားပုံရယ်၊ ဗိုလ်ချုပ်အောင်ဆန်းပုံရယ် တစ်လှည့်စီပြောင်းမယ်။ ပြီးရင် ဆိုင်ဖွင့်ရင် ၉၆၉ တံဆိပ်ထားမယ်။ အရိုးစည်းထိုးမယ့် သီချင်းတွေ မကြာမကြာ ဖွင့်မယ်။ တစ်ဘက်မှာ သီတဂူ ဆရာတော်ပုံ၊ ဒေါ်စုပုံ နဲ့ ဗိုလ်ချုပ်ပုံတွေကိုလည်း အကြီးကြီးကပ်ထားမယ်။

ဒါဆိုရင် ၉၆၉ တံဆိပ်ကပ်ထားပေမဲ့ ဒေါ်စုပုံကြီးလည်း ရှိနေမှာဆိုတော့ NLD ဘက်တော်သားတွေလည်း... သူတို့ထဲက တချို့က ဒေါ်စုပုံကြီးမြင်နေရင်... ဒေါ်စုအရိပ်ခိုနေတဲ့သူဆိုရင် ဘယ်သူဘာလုပ်လုပ် သိပ်မပြောရဲတာဆိုတော့ အေးဆေးပဲ။ ကျွန်တော် လေလေးချွန်နေရုံပဲ။

အဲဒီလိုပဲ ဒေါ်စုပုံကြီး ပြထားပေမဲ့... ဒေါ်စုကို မကြည်တဲ့ မဘသကလည်း ကိုယ့်ဆိုင်မှာ ၉၆၉ တံဆိပ်ကြီးပါ ရှိနေတော့ ကိုယ့်ကိုပြောတော့မှာ မဟုတ်ဘူး။ ကျွန်တော် လေလေးချွန်နေရုံပဲပေါ့။

လောကကြီးမှာ အပြိန်းဆိုတာက အများစုလေ။ ဒီတော့ အများစုဖြစ်တဲ့ အပြိန်းတွေကိုလည်း ၉၆၉ တန်ခိုးနဲ့ ဆွဲဆောင်နိုင်ဦးမှာဆိုတော့ စီးပွါးဖြောင့်ပြီး ကျွန်တော့်ဆိုင်လေး ကြာကြာပိုမြဲဖို့များတယ်။ အခု ရေးရင်းနဲ့တောင်တကယ် အကောင်အထည်ဖော်ချင်လာပြီ။ :D

ဘာသာပေါင်းစုံက လူတွေ အပြစ်မတင်အောင်လည်း ဘာသာပေါင်းစုံက အမှတ်အသားတွေကို ကိုယ့်ဆိုင်မှာ မသိမသာလေး ထားပေးထားမယ်။ ဘာသာပေါင်းစုံကို လေးစားသားပဲ။ မမြင်ကြဘူးလားဆိုတဲ့ အထာနဲ့ပေါ့။ အဲလိုလုပ်ထားရင် Interfaith သမားတွေကလည်း ကိုယ့်ကို ကြိတ်လေးစားလာနိုင်သေးတယ်။

သွားရင်လာရင်း လိုရင် သုံးရအောင် ပိုက်ဆံအိတ်ထဲမှာ ဘုရားတွေရဲ့ပုံ၊ ဘာသာရေးအမျိုးမျိုးနဲ့ဆိုင်တဲ့ပုံတွေကို နေရာခွဲပြီး ဆောင်ထားမယ်။ လိုအပ်ရင် ပိုက်ဆံအိတ် နှစ်အိတ်သုံးအိတ် သုံးပြီး အဲဒါတွေထဲမှာ ခွဲထည့်ထားရမယ်။ ပြီးတော့ ဂါထာတွေ၊ ဘုရားစာတွေကို အလွတ်ကျက်ထားမယ်။ ဂါထာတွေ၊ ဘုရားစာတွေရဲ့ အစွမ်းကို ယုံလို့တော့ မဟုတ်ဘူး။ ကိုယ့်ရုပ်က ဟိုလိုလို ဒီလိုလို ဆိုတော့ လိုအပ်ရင် ထုတ်ရွတ်ပြဖို့။ မတော်တဆ ခရီးဝေး သွားရင်လာရင်း ဘတ်စ်ကားပေါ်က ဆွဲချပြီး အသတ်မခံရအောင်၊ အဓိကရုဏ်းတွေ ကြုံရင် ဟိုဘက်က လူမိုက်အုပ်စုဆို ဟိုဘက်က ဘုရားစာ ရွတ်ပြလိုက်၊ ဒီဘက်က လူမိုက်အုပ်စုဆို ဒီဘက်က ဘုရားစာ ရွတ်ပြလိုက် လုပ်လို့ရအောင်ပေါ့။ ဒါဆို ဘုရားစာတွေရဲ့ အစွမ်းနဲ့ အသက်အန္တရာယ်ကလည်း လက်တွေ့ လွတ်မြောက်မယ်လေ။ ဘုရားစာရွတ်လိုက်လို့ အသက်ဘေးက လွတ်သွားသူ တစ်ဦးဆိုပြီး ခပ်တည်တည်နဲ့ (လိမ်စရာတောင် မလိုတော့ဘဲ) စာအုပ်ရေးပြီး လုပ်စားလို့တောင် ရဦးမယ်။ :D

ပြီးတော့ တခါတခါ ကိုယ်ပြောချင်တာတွေ ထိရောက်အောင် ကိုးကားဖို့နဲ့ ဘာသာရေးနဲ့ ကိုင်ပေါက်ပြီး စကားအရာမှာ အနိုင်ကျင့်ဖို့၊ ဘာသာပေါင်းစုံက ဘုရားစာတွေ ဘာသာရေး ပုံပြင်တွေကို အလွတ်ကျက်ပြီး ကိုးကားရမယ်။ ဘာသာရေးသာဟလိုက်။ တော်ရုံလူ ပြန်မလှန်ရဲတော့ဘူး။

အဲဒီလောက်ဆိုရင် မြန်မာပြည်မှာ တော်တော်လုံခြုံသွားပြီ ထင်ပါရဲ့နော်။ :D

တစ်ခုရှိတာက... ဒါဆိုရင် အသိဥာဏ် ရှိတဲ့လူတွေက "ဟာ...ဒီကောင် ဘာခံယူချက်မှ မရှိဘူး"...ဘာညာ ဆိုပြီးတော့ အပြစ်တင်မှာပေါ့။ အဲဒီလူတွေကို တော့ လျစ်လျူ ရှုထားလိုက်မယ်။ သေချာလေ့လာကြည့်လိုက်လေ။ အဲဒီလို တွေးတတ်ပြီး အပြစ်တင်မယ့်လူတွေက လတ်တလောကာလ မြန်မာနိုင်ငံ မှာ လူနည်းစု။ :P

တကယ့်လက်တွေ့မှာလည်း ကျွန်တော် ရေးသလိုဆန်ဆန်မျိုးလုပ်ပြီး လေလေးချွန်နေနိုင်တဲ့ အဖွဲ့ ရှိပါတယ်။ အဲဒီအဖွဲ့ရဲ့ ခေါင်းဆောင်က ဘယ်သူဖြစ်မလည်း စဉ်းစားကြည့်လေ။ "စာဖတ်သူကြီး" တို့ အဖွဲ့ဆိုပြီး လူတွေက နာမည်ပေးထားကြတယ် :D

ကောင်းကင်ကို (ဖေဖော်ဝါရီ ၂၀) 

Facebook မှာ အရင်တင်ပြီးမှ blog မှာ ပြန်တင်တာပါ။

Monday, February 16, 2015

ကြိုက်ရာရွေး

တကယ်က ကျွန်တော်တို့လို ဘေးကလူတွေမှာ ရွေးစရာ နှစ်ခုပဲ ရှိတယ်။

ဘယ်သူတွေ ဘယ်လိုတားတား၊ ဘာတွေရေးရေး ကျောင်းသားသပိတ်က ဆက်ဖြစ်နေမယ်ဆိုတာ လက်ရှိကာလရဲ့ အရှိတရား။ ဒီတော့ ကျွန်တော်တို့ ရွေးချယ်ခွင့်ရှိတာက ငြိမ်းငြိမ်းချမ်းချမ်း သပိတ်မှောက်တဲ့ ကျောင်းသားတွေကို အားပေးမလား။ ဒါမှမဟုတ် ငြိမ်းငြိမ်းချမ်းချမ်း လုပ်နေတဲ့ ကျောင်းသားတွေ လွန်နေပြီလို့ သွားအပြစ်တင်မှာလား။ အဲလို အပြစ်တင်တယ် ဆိုရင်တော့ တစ်ခုခုဖြစ်လာရင် စစ်ဘောင်းဘီချွတ် အစိုးရက အကြောင်းပြလို့ ပိုကောင်းလာလိမ့်မယ်။ ဒီကောင်တွေ လွန်လို့ ငါတို့ လုပ်ရတာဆိုတဲ့ အထာမျိုးကို ခင်ဗျားတို့က စစ်အစိုးရကို စကားလမ်းကြောင်းပေးသလို ဖြစ်နေလိမ့်မယ်။ ဘယ်သူလွန်လဲ စဉ်းစားကြည့်။ ငြိမ်းငြိမ်းချမ်းချမ်း သူ့ဟာသူ လမ်းလျှောက်တာ။ အစိုးရကသာ အကြမ်းမဖက်ဘူးဆိုရင် ဘာမှဆိုးဆိုးဝါးဝါးဖြစ်စရာ အကြောင်းမရှိနိုင်ဘူးလေ။ ဒါကို ခင်ဗျားတို့ကပါ စိုးရိမ်သလိုလိုနဲ့ ကျောင်းသားတွေ လွန်တယ်ထင်ရင်တော့ ကိုယ့်ဟာကိုယ်ပါ ပြန်စစ်သင့်ပြီ။ ဒီမိုကရေစီလည်း ပြောသေးတယ်။ စစ်အစိုးရကို အမြဲတမ်း တဖားဖားလုပ်နေမှ၊ ငုံ့ခံနေမှ အလုပ်ဖြစ်မယ်ဆိုရင်တော့ ဘာမှသုံးစားလို့ မရတဲ့အခြေအနေပဲ။

နောက်ကြောင်းပြန်လှည့်မှာ သိပ်ကြောက်နေလား။ ရှေ့မရောက်ဘဲနဲ့ ဘယ်သူမှ နောက်ကြောင်းပြန်လှည့်လို့ မရဘူး ။အခုရနေတာက အတု။ အတုကို အစစ်လို သွားပြီး မက်မော ရောင့်ရဲနေရင် ဘယ်တော့မှ အစစ်ကို ရလာမှာ မဟုတ်ဘူး။ နောက်ကြောင်းပြန်လှည့်သွားတယ် ဆိုရင် အတုကို အတုမှန်း သိသွားပြီး ညီညီညွတ်ညွတ်ကြိုးပမ်းကြရင် အစစ်ရလာနိုင်ခြေ ရှိသေးတယ်။ မှားယွင်းတဲ့ ရောင့်ရဲစိတ်တွေ မရှိတော့လို့ ပိုတောင်ကောင်းချင် ကောင်းနိုင်သေးတယ်။ သိပ်တော့ မစိုးရိမ်နဲ့။ နောက်ကြောင်းပြန်လှည့်လည်း ခုစစ်အစိုးရက လည်သွားပြီ။ ခင်ဗျားတို့ ရနေတဲ့ ဈေးချိုတဲ့ ဆင်းကာ့ဒ်တွေ၊ အင်တာနက်ဆိုတာတွေကို ပြန်ပိတ်မှာ မဟုတ်တော့ဘူး။ သူတို့ကို တိုက်ရိုက်မထိမယ့် အဲဒီလို ထွက်ပေါက်လေးတွေတော့ ဆက်ပေးထားဦးမှာပါ။ ဒီတော့ အဲဒါလေးတွေ မက်ပြီး နောက်ကြောင်းပြန်လှည့်မယ်လို့ ခြောက်တိုင်း သိပ်ကြောက်မနေနဲ့။

မြှောက်ပေးတယ် ဆိုတဲ့စကားတွေကတော့ ကျောင်းသားတွေကို စော်ကားရာ၊ နှိမ့်ချရာ ကျပါတယ်။ မြှောက်ပေးလို့ လုပ်ကြတာမဟုတ်ဘူး။ သူတို့ရင်ထဲက သူတို့အကြောင်းနဲ့ လုပ်ရတာ။ ကိုယ်တွေ့နဲ့ ပြောပြမယ်။ ဒီလို Facebook ဆိုတာတွေ၊ အွန်လိုင်းဆိုတာတွေ မရှိတဲ့ ၉၆ တုန်းကလို အခြေအနေဆိုရင် ကျောင်းသားတွေ ဆန္ဒပြတာကို ခုထက် ပိုပြီး ဆန့်ကျင်မယ့်သူတွေ များသေးတယ်။ စိုးရိမ်စိတ် ကရုဏာ လက်မခံတဲ့ သူတွေလည်း အများကြီးပါတာပေါ့။ ဒါပေမဲ့ ကျောင်းသားဆိုတာ သူတို့ခံစားနေရတဲ့ ငရဲကို သူတို့ပဲ သိတယ်။ ညီညွတ်တယ်။ လူဖြစ်ရှုံးနေတဲ့ အခြေအနေကို လက်မခံနိုင်ဘူး။ နှိမ်ထားတဲ့ အခြေအနေမှာ အကောင်းလေးကို ရှာကြံပြီး သာယာမနေနိုင်ဘူး။ လှည်းတန်းအဝိုင်းမှာ ထိုင်သပိတ်မှောက်နေတုန်း စစ်ကားတွေလာတယ်။ ကျောင်းသားအင်အားနဲ့ မမျှတဲ့ အလုံထိန်းတွေလာတယ်။ နောက်တွန့်မသွားဘူး။ ဆက်ထိုင်နေတယ်။ အဲ့တုန်းက စစ်အစိုးရကလည်း တန်းတော့ မရိုက်သေးဘူး။ (ကျောင်းသားတွေကို စာနာလို့တော့ မဟုတ်။ ရိုက်ချင်နေပေမဲ့ ရိုက်လိုက်ရင် ပိုအုံကြွလာမှာဆိုးလို့)။ ဒီတော့ တန်းမရိုက်နှက်သေးဘဲ ပြန်ကြဖို့ ပြောတယ်။ နောက်ထပ်လူ ထပ်မဝင်လာအောင်တော့ လုံခြုံရေး ဆိုသူတွေက ပိတ်ထားလိုက်ပြီ။ (တကယ်က လုံခြုံရေးဆိုတာတွေကြောင့်သာ မလုံမခြုံ ဖြစ်နေတာ)။ အဲဒီလို ခြိမ်းခြောက်ပေမဲ့ မပြန်ကြတဲ့သူများတယ်။ ညနက်လာမှ တချို့လည်း အကြောင်းကြောင်းကြောင့် ပြန်ကြတယ်။ ပြောချင်တာက ကျောင်းသားတွေဟာ မဟုတ်မခံစိတ်ရှိတာမို့ ဘယ်သူတွေ ဘယ်လိုခြိမ်းခြောက်ခြိမ်းခြောက်၊ ဘယ်သူတွေဘယ်လိုပဲ သူတို့ကို ကန့်ကွက်ကန့်ကွက် လုပ်နေမှာပဲ။ 

ဒီတော့ ဘေးကလူတွေ အနေနဲ့ ၂ ခုပဲ ရွေးစရာ ရှိတယ်။ အစိုးရ စကားကို သံယောင်လိုက်ပြီး ကျောင်းသားတွေ လွန်နေပြီလို့ စကားလမ်းကြောင်းထားမှာလား။ ဒါမှမဟုတ် အားပေးမလား။ ဖြစ်စေချင်တာကတော့ ငြိမ်းငြိမ်းချမ်းချမ်းလုပ်နေကြတဲ့၊ ဘာသာပေါင်းစုံ လူမျိုးပေါင်းစုံ ပါဝင်ကြတဲ့၊ ခွဲခြားဆက်ဆံမှုတွေကင်းတဲ့၊ အစိုးရက ဒီမိုကရေစီဆိုပြီး ညာနေတာကို မဟုတ်မခံစိတ်နဲ့ မေးခွန်းထုတ်နေတဲ့ ကျောင်းသားတွေရဲ့ ဆုံးဖြတ်ချက်ကို အားပေးမလား ဆိုတာပဲ။ ကျွန်တော်ဆိုရင်တော့ သူတို့သဘောနဲ့ သူတို့ သပိတ်ရပ်လိုက်လည်း ဘာမှမပြောဘူး။ ဆက်လုပ်လည်း လုံးဝတက်တက်ကြွကြွ အားပေးနေတယ်။ သူတို့လုပ်ရပ်မှာ မဟုတ်တာ ဘာမှကို မတွေ့ဘူး။ သတ္တိတွေ၊ မဟုတ်မခံစိတ်တွေ၊ ညီညွတ်မှုတွေ ပဲ တွေ့တယ်။

ကျောင်းသားသပိတ်ဆိုတာ၊ ဒဿနပညာရှင်တွေ အခန်းတစ်ခုကို အလုံပိတ်ပြီး ထုိုင်တွေးနေတာမျိုးမှ မဟုတ်တာ။ လှုပ်လှုပ်ရှားရှားတော့ ရှိမှာပဲ။ လှုပ်ရှားမှုရှိမှလည်း ထိရောက်မယ်လေ။ ဘယ်သူ့ကိုမှ ထိခိုက်နေတာမျိုးလည်း မဟုတ်ဘူး။
ရှင်းရှင်းပြောရရင် ကျောင်းသားတွေ လွန်နေကြောင်း အခုပြောတဲ့ သူတွေထဲမှာ စချီတက်လာကတည်းက ပြောခဲ့ကြသူတွေလည်း ပါတယ်။ သူတို့စကားသာ စောစောကတည်းက နားထောင်ခဲ့မယ်ဆိုရင် ခု ၁၁ ချက်လည်း ရလာမှာမဟုတ်။ ပြီးတော့ ၉၈ တုန်းက ဆန္ဒပြပွဲပြီးမှ ကျောင်းသားတွေကို အိမ်တွေမှာ တစ်ယောက်ချင်း လိုက်ဖမ်းတဲ့ သာဓကတွေ ရှိတယ်။ အဲဒါတွေကိုလည်းသတိထားရဦးမယ်။

ကျောင်းသားတွေ ငြိမ်းငြိမ်းချမ်းချမ်းလုပ်နေတာကို အကြမ်းဖက်လာမယ်ဆိုရင် အကြမ်းဖက်လာတဲ့ အစိုးရကိုပဲ ပြောရမှာလေ။ နို့မို့ဆိုရင်တော့ ခင်ဗျားတို့ ပြောပြောနေတဲ့ ဒီမိုကရေစီကြီးက လွတ်လပ်စွာ ပြောဆိုခွင့် မဟုတ်တော့ပဲ အစိုးရ ကြိုက်တာလုပ်ခွင့်အတွက် အစိုးရ အကြိုက်အတိုင်း လိုက်နေရမယ့် ဒီမိုကရေစီ ဖြစ်နေမယ်။ အခု ကျောင်းသားတွေ လုပ်နေတာဟာ ပညာရေးကိစ္စ လုပ်နေတာ ဆိုပေမယ့် အစိုးရရဲ့ ဒီမိုကရေစီ ဆိုတာတွေ၊ လွှတ်တော်ရဲ့ အခြေအနေတွေ၊ နိုင်ငံရေးသမားတွေရဲ့ ရပ်တည်မှုတွေ၊ လူတွေရဲ့ စိတ်ခံစားချက်တွေကို မေးခွန်းထုတ်နေတာပါ။
ပညာရေး တောင်းဆိုချက် ၁၁ ချက်ဟာ တကယ်တောင်းဆိုသင့်တဲ့ အချက်တွေ ဖြစ်သလို အဲဒါထက်လည်း ပိုသေးတယ်။ တခြား မကျေနပ်ချက်တွေ အမျိုးမျိုးအတွက် နိမိတ်ပုံတစ်ခုလည်း ဖြစ်သေးတယ်လို့ ကျွန်တော်တော့ ခံစားရတယ်။ မြန်မာမှာ သိုးလေးတွေလို လက်ကလေးတွေပိုက်၊ ကြက်တူရွေးလေးတွေလို အလွတ်ကျက်နေကြတာမျိုးကို အားမပေးဘဲ ကျောင်းသားတွေရဲ့ ခုလို မဟုတ်မခံ စိတ်ဓာတ်မျိုးကို များများ အားပေးဖို့ လိုနေတာ။

ကောင်းကင်ကို (ဖေဖော်ဝါရီ ၁၅)

Saturday, February 14, 2015

လှိုင်း ၂၀၁၅

အနိုင်နဲ့ပိုင်းလိုက်လို့ လာပြောရအောင်
ဒါ…ကျောင်းသားလှိုင်း။
လောင်းကစားဝိုင်း မဟုတ်။

ပိုင်းသင့်တယ်ထင်တဲ့အချိန်ရောက်ပြီထင်မှ
ငါတို့ဆုံးဖြတ်ချက်နဲ့ ငါတို့ ပိုင်းမယ်
လာခိုင်းနေစရာမလိုဘူး။

စကတ်တိုတို ဝတ်တာကိုး
ရမ္မက်ကိုကိုတွေ မုဒိမ်းကျင့်မှာပေါ့ ဆိုတာမျိုးတော့ လာမပြောနဲ့။
မုဒိမ်းမှုမဖြစ်အောင် စိုးရိမ်သလိုလိုနဲ့
မုဒိမ်းကောင်ဘက်က တွေးပေးသလို ဖြစ်သွားလိမ့်မယ်။
ငါတို့ကတော့ ဒီ တိုက်ပွဲဝတ်စုံကို ဆက်ဝတ်ဦးမှာ
ဒါပေမဲ့ ဖက်ရှင်ထွင်နေတာလည်း မဟုတ်ဘူးနော်။

မြှောက်ပေးတိုင်း “က” တယ်ပြောရအောင်
ဘယ်သူ့မှာမှ အသက်တစ်ချောင်း အပိုပါမလာဘူး
လက်ခုပ်သံတွေကြောင့် ဒီပွဲရှိလာတာမဟုတ်
ဒီပွဲရှိနေလို့ လက်ခုပ်သံတွေ ရှိကြတာ။

ဘယ်လိုပဲဖြစ်ဖြစ်
ဒီ သားတရားစီရင်ခန်းမှာ
အကြိမ်ကြိမ်ကျွတ်ကျပြီးသား သူတို့မျက်နှာဖုံး
ထပ်ကျွတ်ကျသွားရင်သာ
ခေတ်သစ် မဟောသဓာ ဆိုသူတွေ မြင်ပါစေ။

အနိုင်နဲ့ပိုင်းလိုက်လို့ လာပြောရအောင်
ဒါ…ကျောင်းသားလှိုင်း။
လောင်းကစားဝိုင်းမဟုတ်။
ကောင်းကင်ကို (၁၄ ဖေဖော်ဝါရီ ၂၀၁၅)

Saturday, February 7, 2015

အာဏာရှင်တွေကိုပဲ ကြည့်ကြည့်၊ ဒီမိုတွေကိုပဲ ကြည့်ကြည့်

ဟိုဘက်အုပ်စု (အာဏာရှင်တွေ) ကိုပဲ ကြည့်ကြည့် ဒီဘက်အုပ်စု (ဒီမိုဆိုသူတွေ) ကိုပဲ ကြည့်ကြည့် သူတို့ဆီမှာ တွေ့ရခဲတာက လူသားအချင်းချင်း စာနာစိတ်ပဲ။ လူသားချင်း စာနာစိတ်ဆိုလို့ ဘုရားလောင်းတွေ နီးပါး စာနာစိတ်ရှိခိုင်းတာ မဟုတ်ပါဘူ။ သာမန် နည်းနည်းပါးပါးလေးလောက်တောင် မရှိကြတာကို ပြောတာပါ။ အထူးသဖြင့် နိုင်ငံရေးတက်ကြွသယောင်ယောင်သူတွေမှာ မရှိကြတော့ ပိုပြီး ပြောစရာ ဖြစ်ရတယ်။

အခု White Card ကိစ္စနဲ့ ဥပမာပေးရမယ်ဆိုရင်....တစ်ဘက်က ကိုယ်ကျိုးစီးပွါးအတွက် လုပ်လေ့လုပ်ထ သိပ်မရှိတာကို လုပ်တယ်။ (White Card သမားတွေကို လူထုဆန္ဒခံယူပွဲအတွက် မဲပေးခွင့်ပေးလိုက်တာကိုပြောတာ) တကယ်လုပ်သင့်တာ ကိုကျတော့ မလုပ်ဘူး။ (တကယ်လုပ်သင့်တာဆိုတာက လူတွေ ဘယ်နိုင်ငံမှာ မွေးတာလည်း သေချာစစ်။ နိုင်ငံတကာစံနှုန်းနဲ့ စစ်ပြီး နိုင်ငံသားပေးသင့်တဲ့လူ (ဥပမာ…ဒီမှာ ဘိုးစဉ်ဘောင်ဆက်နေလာကြတဲ့သူ) ဆို နိုင်ငံသားပေးလိုက်။ အဲလိုမဟုတ်တဲ့သူ ဆိုရင် ဒုက္ခသည်အဖြစ် ထားလိုက်။ ဒုက္ခသည်ဆိုရင်တောင် မုန်းတီးနေဖို့မလို၊ သွေးထိုးနေဖို့မလို။ သူတို့အပေါ်လည်း စာနာရမယ်။ သွေးထိုးနေတာက နိုင်ငံအတွက် အန္တရာယ်ရှိတယ်။

အဲဒီလိုလုပ်သင့်တဲ့ဟာတွေကျတော့ မလုပ်။ အဓိပ္ပါယ်မရှိတာကို လာလုပ်တယ်။ သူတို့ မဲရရုံခဏ လူသား အုပ်စုတစ်စုကို အသုံးချတယ်။ ပြီးရင်တော့ ဆက်ပြီးနှိပ်ကွပ်နေမှာပါ။

တစ်ဘက်မှာ...ဒီမိုလို့ အများက သတ်မှတ်ကြတဲ့ အုပ်စုကိုကြည့်.... (အားလုံးကိုတော့ မဆိုလိုဘူးနော်) NLD ကို မွတ်ဒေါင်း ဘာညာပြောရင်တော့ တအားနာတယ်။ တကယ်က (တချို့က) တစ်ဘက်အုပ်စုကို စာနာလို့ ၊ အမြင်ကျယ်လို့ မဟုတ်။ NLD ကို ထိလို့နာကြတာ။ (ရှင်းရှင်းပြောရရင် NLD ကို ကိုယ်မနှစ်သက်တဲ့၊ ကြိတ်မုန်းနေတဲ့ အုပ်စု (ကုလား)နဲ့ တွဲပေးလို့ ၊ NLD ကို ကိုယ်အထင်အမြင်သေးတဲ့ အုပ်စု (ကုလား)နဲ့ တွဲပေးလို့ နာကြတာ။ ကြံ့ဖွံ့ကလူတွေလို လူမျိုးရေးဘာသာရေးခွဲတဲ့ စကားမျိုး NLD ထဲက နည်းနည်း အစွန်းရောက်တဲ့တစ်ယောက်က ပြောလာပြီဆိုရင်တော့ လက်ခုပ်တီးကြလိမ့်မယ်။

ကုလားတွေ လွှတ်တော်ထဲ ရောက်နေပြီဆိုပြီး အဲဒီ ဒီမိုဆိုသူတွေပဲ ပြောကြတယ်။ တကယ်က အဲဒီ့ အမတ် သုံးယောက် ဘာလူမျိုး ဘာဘာသာ ဖြစ်တယ်ဆိုတာ ထည့်ပြောနေဖို့မလိုပါဘူး။ တကယ် ဝေဖန်သင့်တာက သူတို့ဟာ မြန်မာနိုင်ငံကို နှိပ်စက်နေတဲ့ အာဏာရှင် ပါတီဖြစ်တဲ့ ကြံ့ဖွံ့ရဲ့ ပါတီဝင်တွေ ဖြစ်နေတာရယ်၊ သူတို့ရဲ့ လုပ်ရပ်တွေရယ်ကိုပဲ ကြည့်ပြီး ဝေဖန်ရမှာ မဟုတ်ဘူးလား။ အခုတော့ လွှတ်တော်ထဲမှာပါတဲ့လူတွေကို ဘာသာရေးအပေါ် မူတည်ပြီး လျှောက်ပြောနေကြတယ်။ အဲဒီ့လူတွေက လွှတ်တော်ထဲမှာ ဘာသာရေးကိစ္စတွေ ပြောလာလို့၊ ဘာသာရေးအစွန်းရောက်ကိစ္စတွေ လုပ်လာရင်တော့ တမျိုးပေါ့လေ။ အဲဒီလိုဆိုရင်တော့ ပြောကြပေါ့။

အခုကျတော့ ဒီမိုလို့ အများက ယူဆကြတဲ့သူတွေထဲက တော်တော်များများကလည်း…..လူနည်းစုဆိုရင် တစ်ဘက်သတ် နှိပ်ကွပ်ထားချင်တဲ့ စိတ်ရှိတာ သိသာနေတယ်။ နေရာတို့ ထွက်ပေါက်တို့ဆိုတာကို လုံးဝ မပေးချင်ဘူး။ (အခု လွှတ်တော်ကြီး အသုံးမကျတာ၊ ဘာမှ အသုံးမဝင်တာကို ခဏထားလိုက်မယ်) လွှတ်တော်ဆိုတာ နိုင်ငံရဲ့ ပြဿနာတွေကို ငြိမ်းငြိမ်းချမ်းချမ်း အနုနည်းနဲ့ ဖြေရှင်းဖို့ ထားထားတာ မဟုတ်လား။ လွှတ်တော်လိုနေရာမှာ လူနည်းစုတွေရဲ့ ပြဿနာတွေကို ထိထိရောက်ရောက် ဖြေရှင်းခွင့်မပေးဘူးဆိုရင်၊ လူနည်းစုတွေရဲ့ ကိုယ်စားလှယ်တွေ တစ်ယောက်မှ မရှိစေချင်ဘူးဆိုရင်၊ သူတို့ရဲ့ အသံတွေ ခံစားချက်တွေကို အနုနည်းနဲ့ ပြောပြဖို့အတွက် ဘယ်သူ့ကိုမှ ခွင့်မပြုဘူးဆိုရင်၊ အကြမ်းဖက်မယ့်သူတွေ ခေါင်းထောင်လာတာပဲ ရှိမှာပေါ့။ တခြားနည်းလမ်းတွေကို လုံးဝပိတ်ထားတာကိုး။ ချောင်ပိတ်ရိုက်နေတာကိုး။

မြန်မာမှာ ခက်နေတာက ကိုယ့်အုပ်စုကိုယ်အတွက်ပဲကြည့်။ ကျန်တဲ့ အုပ်စုကို ရန်လိုနေတာပဲ။ အစွန်းရောက်တွေကလည်း ပေါတယ်။ မလေးရှားမှာ မြန်မာတွေ အသတ်ခံရတာကို ဝမ်းသာပြီး အားပေးအားမြှောက်လုပ်ချင်တဲ့ မူစလင်တွေ ရှိတယ်။ မူစလင် တစ်ယောက်က ကိုရန်ကျမ်းကို ဘာသာပြန်တာကို တခြားလူတွေက အယူအဆ မတူလို့ သဘောမကျလို့ ဆိုပြီး အဲဒီသူကို သတ်ပစ်ချင်တယ်ဆိုတဲ့သူတွေ၊ အဲဒီကျမ်းတွေကို မီးရှို့ပစ်ချင်တယ်ဆိုတဲ့သူတွေ ရှိတယ်ဆိုတာလည်း တလောက ဖတ်လိုက်ရတယ်။ ခဲနဲ့ပေါက်သတ်တဲ့ လုပ်ရပ်မျိုးကို ထောက်ခံတဲ့လူတွေတောင် ရှိသေး။ ဗုဒ္ဓဘာသာဝင်တွေဆိုရင်လည်း မူစလင်နိုင်ငံတွေမှာ ငလျင်လှုပ်တာ ကိုဝမ်းသာကြရတာနဲ့။ တောင်ကုတ်မှာ မူစလင်တွေ ဘတ်စ်ကားပေါ်ကနေ ဆွဲချပြီး အသတ်ခံရတုန်းက ထောက်ခံခဲ့တဲ့ ပညာတတ် ဗုဒ္ဓဘာသာဝင်ဆိုသူတွေ အများကြီး (အဲလိုထောက်ခံတဲ့အထဲမှာ စင်ကာပူမှာ ကျောင်းတက်နေတဲ့သူတွေ ပညာတတ်လူငယ်လို့ ပြောရမယ့် သူတွေတောင် ပါလိုက်သေး။ စစ်အုပ်စု အနွယ်တွေလည်း မဟုတ်ဘူး။ သာမန်လူတွေပါ။)

တစ်ဘက်မှာ အဲလိုသတ်တာဖြတ်တာ တွေကိုကျ တစ်ချို့က သဘောမတူပေမဲ့ (ဘယ်သဘော တူမလဲ။ လစ်ဘရယ်လို့လည်း နာမည်ခံချင်ကြသေးသကိုး) အဲဒီလို သတ်တာဖြတ်တာတွေရဲ့ အခြေခံအယူအဆ တွေကိုကျ သဘောတူနေတဲ့သူတွေလည်း အများကြီး။ ဥပမာ နိုင်ငံသားချင်းအတူတူဟာကို အိမ်ရှင်၊ဧည့်သည် တို့ အစ်ကိုကြီး၊ ညီလေးတို့ ထပ်ခွဲချင်နေကြတာတွေ...တစ်စုကို ဒုတိယတန်းစား နိုင်ငံသား သဘောထားချင်တာမျိုး၊ တခြားတိုင်းရင်းသားတွေကို မြန်မာရဲ့ အစောင့်ရှောက်ခံလို့ သဘောထားပြီး မြန်မာက စောင့်ရှောက်ပေးမှ ရမယ်ဆိုပြီး အကိုကြီးနေရာ ယူထားတာမျိုးပေါ့)

အဲလိုလူတွေ များနေတော့ ရွေးကောက်ပွဲမှာ ဘယ်သူပဲနိုင်နိုင်၊ အခြေခံဥပဒေ ကိစ္စ ဘယ်လိုပဲဖြစ်ဖြစ်…. ဒီပုံနဲ့ကတော့…မီးခိုးတွေ ဝေနေမှာပဲ မြင်ယောင်တယ်။

ကောင်းကင်ကို (ဖေဖော်ဝါရီ ၇ရက်နေ့) ၂၀၁၅

Tuesday, February 3, 2015

အခွံ


REYNOLDS ဘောပင်မှာ
REY ရယ် O ရယ် S ရယ် ကို
ငါတို့ ဓားလေးတွေနဲ့ ခြစ်ထုတ်ခဲ့ဖူးတယ်။
အဲဒီတုန်းကဘာတွေ ကျန်ခဲ့သလဲ။

မိစ္ဆာယုတ်တွေကို အခုစစ်မှာဖဲ့နိုင်ဖို့သက်သက်
သိက္ခာပုဒ်တွေကို ဥပေက္ခာနဲ့ သူတို့ခြစ်ထုတ်နေကြပြီဆိုတော့
အခု…ဘာများကျန်ဦးမှာလဲ။

ကောင်းကင်ကို (၃၊ ဖေဖော်ဝါရီ၊ ၂၀၁၅)