New Year Countdown

တဆယ်..ကိုး
တကယ်ဆိုးတဲ့

ရှစ်..ခွန်
စစ်နွံထဲက

ခြောက်..ငါး
အကြောက်တရားတွေကို

လေး..သုံး
အဝေးဆုံးသို့ 

နှစ်..တစ်
နှစ်သစ်မှာ လွှင့်ပစ်ကြပါစို့ ။
ကောင်းကင်ကို

မေမေ စန်တာကလော့စ်

ငယ်ဘဝရဲ့ ပျားရည်တစက်
တခုသော ခရစ္စမတ်မနက်မှာ
ကျနော် စောစောအနိုး
ခြေရင်းမှာ လက်ဆောင် မတွေ့ လို့  အိပ်မက်လေးအကျိုး
ဈေးကပြန်လာတဲ့ မေမေက
တိုးတိုးလေးချော့ပြီး ပြန်အိပ်ခိုင်းတယ်။
စန်တာကလော့စ် နောက်ကျနေတာ ဖြစ်မှာပါတဲ့
ဒီလိုနဲ့ ကျနော် မျက်လုံးလေးပြန်မှိတ်
စိတ်ကတော့
မေမေ အရုပ်တရုပ်ကို တိတ်တိတ်လေး လာထားသွားတာ သိလိုက်တယ်။

သြော်
ကလေးဘဝတုန်းက ကလေးလိုပျော်နိုင်အောင် မေမေက ဖန်တီးပေးခဲ့တယ်။
လူကြီးဘဝကျ လူကြီးလိုပျော်အောင် ကြိတ်မှိတ်ဖန်တီးယူနေရတယ်။

မေမေရေ
သက္ကရာဇ်တခုက သဘောင်္တစီးဆိုရင်
သားတို့ က တနှစ်မှတခါ ကမ်းကပ်ခွင့်ရတတ်တဲ့ သဘောင်္သားလေးတွေပါ။

အခုတော့
စန်တာကလော့စ် တကယ်မရှိမှန်းလည်း သိပြီ။
ခရစ္စမတ်ကာလဆိုတာ နှစ်သစ်မှာ တနှစ်ပတ်လုံး အလုပ်လုပ်ဖို့ 
ခဏအားဖြည့်ခွင့်ပြုထားတဲ့ အချိန်ဇယားလေးတခုမှန်းလည်းသိပြီ။

မေမေရေ…တခါတခါ
သိခြင်းက အရိပ်ကို မပေးစွမ်းဘူး
အမှန်တရားက မေတ္တာလိုမအေးချမ်းဘူး

မေမေရေ
ခရစ္စမတ်မှာပျော်ဖို့ …တွက်ချက်နေရတဲ့သား
စားပွဲပေါ်မျက်နှာအပ်လို့ မျက်လုံးလေးကို အမှိတ်
မောပန်းနေတဲ့စိတ်ထဲ
ခွန်အားတွေ တိတ်တိတ်ကလေး လာထည့်ပေးပါ။
ကောင်းကင်ကို

စိုးရိမ် 'စိတ်' မှတ်

ခုဆို ငါ့စိတ်ကမ္ဘာမှာ ရွက်ကြွေရာသီတခုပဲရှိတယ်။

နှလုံးသားနဲ့ မှားခဲ့တဲ့ ကဗျာတွေကလည်း အဆာမပြေခဲ့။
ခေါင်းနဲ့ စားခဲ့တဲ့ အစာတွေကလည်း အစာမကြေခဲ့။

ကိုယ့်လမ်းကိုယ်လျှောက်နေတဲ့သူကို ခေါင်းမော့ထားသူတွေက တရကြမ်း ဝင်တိုက်တယ်။
ထွက်ပြေးလာတဲ့သူကို ဝိုင်းကြီးပတ်ပတ်ဒူဝေဝေသမားတွေက လှောင်ကြတယ်။

ငါးမျှားချိတ်တွေကလည်း ပတ်ဝန်းကျင်မှာနေရာတကာ

သြော်…လောကမှာ ကိုယ့်ခြေထောက်ကိုယ် မယုံနိုင်တော့တာလောက် ကြေကွဲစရာကောင်းတာ ဘာမှမရှိဘူး။
ကောင်းကင်ကို

RIT (သို့ မဟုတ်) အရေးအကြီးဆုံးဇာနည်အာဂ တအုပ်ရဲ့  သွေးအစည်းဆုံးပါတီဌာနချုပ်

Video by Ethan Aung

လက်ဆောင် (အိုဟင်နရီ ရဲ့ ဝတ္ထု) (ဘာသာပြန်...မောင်ထွန်းသူ

ခရစ္စမတ်လက်ဆောင်နဲ့ ပတ်သတ်တဲ့ အိုဟင်နရီရဲ့ အချစ်ဝတ္ထုတိုလေးပါ။
လက်ဆောင်

နို့ ရည်ခန်းနေတဲ့ မိခင်

အဖေနဲ့ အမေကတော့
လူမခိုးနိုင်မယ့် အမွေ
ပေးဖို့ ကြိုးစားခဲ့ကြတာပဲ။

ဒါပေမယ့်
ပေးသူနဲ့ ယူသူကြားမှာ
ခြေဆုံးခေါင်းဆုံးချော်နေတဲ့ စနစ်…
မကူးနိုင်သေးတဲ့မြစ်ကြီးတခု ခြားနေတယ်။

အရာရာတိုင်း မှာ အကောင်းနဲ့ အဆိုး ဒွန်တွဲနေသတဲ့။
ငါနေခဲ့ရတဲ့ကျောင်းတွေမှာ အလင်းနဲ့ အမှောင် ဘယ်လောက်အချိုးရှိလဲ။
ကျောင်းမှာ သင်ခဲ့ရတာတွေကတော့
မြန်မာစာနဲ့ အတူ အလွတ်ကျက်ခဲ့ရတဲ့ စာစီစာကုံးတွေ
အင်္ဂလိပ်စာနဲ့ အတူ အသံထွက်အမှားများနဲ့ ဝေါဟာရတွေ
သချာင်္နဲ့ အတူ မေးခွန်းခန့် မှန်းတွက်ချက်မှုတွေ
ဇီဝဗေဒနဲ့ အတူ သဘောပေါက်မှုမပါတဲ့ တပွဲတိုး ဘိုင်အိုသီချင်းတွေ
သမိုင်းနဲ့ အတူ ပေါ်လစီရောထည့်ထားတဲ့ မှိုင်းတွေ
ဂါရဝ တရားနဲ့ အတူ ရေငုံနှုတ်ပိတ် ပြန်မထောက်ပြရဲတဲ့စိတ်တွေ….

သြော်...
ကလေးငယ် တယောက်နို့ဆာနေသလို
ပညာကို ဆာလောင် ငတ်မွတ်နေသူတွေအတွက်
ကျောင်းတွေတော့ ရှိပါရဲ့။

ဒါပေမယ့်…
မတက်လို့ လည်းမရ၊ တက်ပြီးတော့လည်း ဟန်မကျတဲ့
အဲဒီ့ကျောင်းတွေကို
အားမနာတမ်း ဥပမာပေးရရင်

မြန်မာပြည်က ကျောင်းတွေဟာ...
ပူပြင်းခြောက်သွေ့ လွန်းတဲ့ ကန္တာရထဲက
လောက်တွေမျိုးပွါးနေတဲ့
သောက်ရေအိုးများ။
ကောင်းကင်ကို

တက္ကသိုလ်

ဆုံစည်းခြင်းတွေ စခဲ့တဲ့နေရာ ၊ ခွဲခွာခြင်းတွေ စခဲ့တဲ့နေရာ

မျှော်နေခဲ့ပြီး ရောက်သွားတော့မှ မလှပခဲ့တဲ့ အိပ်မက်လေး

ရယ်သံတွေက လွှမ်းလိုက်၊ ကျည်ဆံတွေက ကြမ်းလိုက်
ဖွင့်လိုက်၊ ပိတ်လိုက်…..နိုးလိုက်၊ အိပ်လိုက်နဲ့.....

အရေးအကြီးဆုံး ဇာနည် အာဂတအုပ်ရဲ့
သွေးအစည်းဆုံး ပါတီဌာနချုပ်

သြော်
နှစ်တွေ ဘယ်လိုပဲ ဟောင်းဟောင်း
ခေတ်တွေ ဘယ်လိုပဲ မပြောင်းမပြောင်း
ဗြောက်ဖောက်သူတို့ နဲ့ တောက်ခေါက်သူတို့ ရဲ့
ကြမ်းလှတဲ့ စစ်မြေပြင်ကိုပဲ
မှန်းဆလို့  ချစ်နေချင်သေးတယ်။
ကောင်းကင်ကို

ဒိုင်ယာရီထဲမှ တလွဲများ

လိပ်စာ

“………………………………………………………..”
“……………………………………………….”
“………………………………”
“……………………………………………………………………..”
“ဟုတ်လား…ကျနော်သူနဲ့ တွေ့ ခဲ့တယ်။ တကားတည်းပဲ”
“ဟာ! ဒါဆို လုပ်စမ်းပါဦး။ သူဘယ်မှာ တည်းမယ်ဆိုတာ နင်သိလား။”
“အင်း။ သိတယ်၊သိတယ်။ တက်စီ ငှားခါနီးတုန်းက သူ (……..)မှာ တည်းမယ်လို့ ပြောတာပဲ။ ရေချိုးပြီးတာနဲ့  ကျနော် သားသားကို ခေါ်ပြီး သူ့ ဆီသွားကြည့်လိုက်မယ်။”

*******

ဦးလေးနဲ့ ကျနော် ဘုန်းဘုန်းကို ဦးချလိုက်တယ်။ (ဘုန်းဘုန်းကိုတော့ ကျနော်တို့ မသိပါ။) ပြီးတော့ ဦးလေးက ဘုန်းဘုန်းကို လျှောက်တယ်။
“တပည့်တော် ဆင်ပေါက်နဲ့ တွေ့ ချင်လို့ ပါဘုရား”
“ဆင်ပေါက်??????? လူကိုပြောတာလား ဒကာကြီး”
“ဟုတ်ပါတယ် ဘုရား။ မြို့ သစ်ကပါ။ သူ့ နာမည်ရင်းက ကိုတင်အောင်စိုးပါ။ ဒါပေမယ့် ဆင်ပေါက်လို့ ပဲ ခေါ်ကြပါတယ်။
“တင်အောင်စိုး??? ဒီကိုမလာပါဘူး။ သူက ဒီမှာ တည်းမယ်လို့ ပြောသွားလို့ လား။”
“တင်ပါ့။ သရက်တောကျောင်းမှာ တည်းမယ်လို့ ပြောပါတယ်”
“ဟာ….သရက်တော ကျောင်းတိုက်က ကျောင်းခွဲပေါင်း ခြောက်ဆယ်ကျော် ရှိတာ ဒကာကြီးရဲ့ ။ သူဘယ်ကျောင်းခွဲမှာ တည်းမယ်လို့ ပြောတုန်း”
“ဟာ…ဟုတ်လား၊ဘုရား။ တပည့်တော်က တကျောင်းတည်းပဲ ထင်နေတာ။ ဒုက္ခပါပဲ”
အနီးနား တဝိုက်မှာ ရှိတဲ့ ကိုရင်တွေနဲ့ လူတွေက ကျနော်တို့ ကို ပြုံးစေ့စေ့နဲ့ ကြည့်ကြတယ်။

ကိစ္စက အရေးကြီးလို့ ဦးလေးက လက်တော့ မလျှော့သေးပါဘူး။ သရက်တော ကျောင်းတိုက်ဝင်းကြီးထဲမှာ လျှောက်သွားရင်း တွေ့ တဲ့ ကိုရင် တချို့ ကို ကိုတင်အောင်စိုးကို သိလား ဆိုပြီးမေးနေပါသေးတယ်။ အမေးခံရတဲ့ ကိုရင်တွေလည်း ပြုံးစေ့ပြုံးစေ့။ ကျနော်ကတော့ ဘေးနားကနေ ရှက်နေပြီ။ ဆက်မမေးစေချင်တော့ဘူး။ အိမ်ပြန်ချင်နေပြီ။

နောက်ဆုံးတော့ သရက်တော ကျောင်းတိုက်ဝင်းရဲ့  ဂိတ်တခုနားက ခုံတန်းလျားမှာ ထိုင်ကြရင်း ညမှောင်သည်အထိ ကိုဆင်ပေါက် ဝင်လာလို ဝင်လာငြား ဦးလေးနဲ့ ကျနော် စောင့်ကြည့်ကြသေးတယ်။ ကျောင်းတိုက်ဝင်းကြီးရဲ့ ဂိတ်ရှေ့ မှာ ….ကျနော်တို့ ရဲ့  ကောက်ရိုးမျှင်မျှော်လင့်ချက် ဆိုတဲ့ အပ်နဲ့  ကိုဆင်ပေါက် ဆိုတဲ့ အပ်…..အပ် နှစ်စင်း မထိလိုက်ပါဘူး။ ကိုဆင်ပေါက်ကို ကျနော်တို့ မတွေ့ ခဲ့ရပါဘူး။ အဲဒီ့ညက အိမ်ကနေ လည်ပင်းတရှည်ရှည်နဲ့  မျှော်နေခဲ့တဲ့ အမေ့ရဲ့ဆန္ဒကို ကျနော်တို့ မဖြည့်ဆည်းပေးနိုင်ခဲ့ပါဘူး။
ကောင်းကင်ကို

တခါတခါ ကောင်းရင်မကြိုက်တဲ့ လောက

တယောက်တည်း ငိုနေပြီဆိုရင်
အများက နားလည်ပေးလိမ့်မယ်။
တယောက်တည်း ပြုံးနေပြီဆိုရင်တော့
ထူးဆန်းနေသလိုမျိုး ကြည့်ကြတော့မယ်။

သြော်...
လူများစွာကို တပြိုင်တည်းမုန်းသူတွေတောင်
လက်ခုပ်သံတချို့  ရကြသေးတယ်။
လူနှစ်ယောက်ကို တပြိုင်တည်းအချစ်
အဲဒီ့မှာ အပြစ် ဖြစ်တော့တာပဲ။
ကောင်းကင်ကို

ကိုယ့်မင်း ကိုယ့်ချင်း ဆိုပေမယ့်

သနားဖို့ ကောင်းတဲ့ ပုံပြင်တွေထဲမှာ
အမှန်နဲ့ မုသား
အချိုးဘယ်လောက်နဲ့ ပဲ ရောထားရောထား
ရက်စက်ခြင်းကတော့ ထင်ရှားခဲ့တယ်။

ပန်းပဲမောင်တင့်တယ်၊တောင်မကြီး ရှင်ညို၊ မြောက်မင်း ရှင်ဖြူ၊ ရွှေဖျဉ်းကြီး၊ ရွှေဖျဉ်းငယ်၊ မန္တလေးဘိုးတော်၊ ရှင်ကွ
ဘုရင်တွေ မတရားသတ်လို့ 
သေပြီးဖြစ်သွားကြတယ်ဆိုတဲ့ နတ်တွေ
ခေတ်ဆိုးတို့ ရဲ့ သက်သေတွေအဖြစ်
နတ်ကွန်းထဲမှာ နေနေကြတယ်။

ကဗျာလေးထဲမှာ ဆက်အိပ်ပါရစေ

သဲသောင်ပြင်ပေါ်မှာ
ကိုယ့်နာမည် အတိုကောက်လေး။
နာမည်ရဲ့ နောက်မှာတော့
ကောင်မလေး တယောက်
လက်နှစ်ဘက်ကို မြှောက်ပြီး အသည်းပုံဆက်
သူ့ မျက်နှာကလည်း ချစ်ခြင်းမေတ္တာတွေ ဖြာထွက်လို့ ။

သြော်..
ရင်ခုန်သံကလွဲလို့ …လောကကြီးတခုလုံး အသံတိတ်
အရေပြားပေါ်ကို ကြက်သီးလေးတွေ လျှံဖိတ်
ကိုယ့်ဇာတ်ဝင်ခန်း အထွတ်အထိပ်လေးကို
လက်တွေ့ ဘဝဆိုတဲ့ လက်သည်းနဲ့ ဆိတ်မကြည့်ချင်ဘူး
တကယ်ဖြစ်နေတဲ့ အိပ်မက်ကလေးကျိုး
အချိန်မတန်ခင် နိုးမှာစိုးလို့ ။
ကောင်းကင်ကို

စန္ဒာမရှိတော့တဲ့ ကောင်းကင်

အကြောင်းမမြင်ရတဲ့ ကံကြမ္မာက ကွက်ကျားမွှေတယ်။
ကောင်းကင်အပါးမှ စန္ဒာက ထွက်သွားလေတယ်။
မောင်းဝင်လာတဲ့ ဒဏ်ရာရထား ဆက်သွားနေဆဲ။
ပြောင်းချင်လှလည်း အဖန်တရာမက ဆက်မှားနေဆဲ။

စိတ်ဓာတ်ကျခြင်းဆိုတဲ့ သတ္တဝါက အသက်တအားရှည်တယ်။
ပြဿနာ မျိုးဆက်သစ်တွေကိုလည်း ဆက်ပွါးနေတယ်။
ငါနဲ့ ငါ ထပ်တူမကျတော့တဲ့ ရက်အမှားတွေထဲ
မသိစိတ်နဲ့ ပဲ စက်ရုပ်ဆန်ဆန် ဆက်သွားနေခဲ့။

ငါ့ရင်ထဲမှာ စိတ္တဇတစ္ဆေတွေ ကျက်စားနေတယ်။
မြင်မြင်သမျှမှာ တခြားအရောင်တွေထက် အနက်များနေတယ်။
ကြောင်နေတဲ့နားကလည်း အပြစ်တင်သံတွေပဲ ဆက်ကြားနေခဲ့
အိပ်မက်ထဲအထိ် နှိပ်စက်နေတာလည်း သူတို့ မျက်နှာနဲ့ ပါးကွက်သားတွေပဲ။

ရှင်သန်လိုစိတ်ဆိုတဲ့ ကိုယ်စောင့်နတ်ကတောင် ငါ့ကိုစွန့် ခွာ ထွက်သွားလေတယ်။
နှလုံးသားနဲ့ ငါရွှေ့ မိသမျှ ကောင်းရှုံးဖြစ်မယ့် အကွက်မှားတွေပဲ
ငါမထိန်းချုပ်နိုင်တဲ့ ငါတွေဟာ ငါ့ရန်သူရဲ့ ဘက်သားတွေပဲ
ရှုံးနိမ့်ခြင်းဟာ အောင်နိုင်သူအဖြစ် ငါ့အပြုအမူတွေကိုဝင်ပူးပြီး ထွက်ကြွားနေဆဲ။
ကောင်းကင်ကို

ကမ္ဘာပျက် ကမ္မဌာန်း

လူတွေအားလုံး
ပုခုံးပေါ်က အိမ်စာ တွေကိုချ
နေ့ရွှေ့ညရွှေ့ ဆန္ဒတချို့ကို
ခဏလေးဖြစ်ဖြစ် အကောင်အထည်ဖော်ခွင့်ရဖို့ 
ကမ္ဘာပျက်ဖို့ ကိုပဲ ဆုတောင်းပေးရတော့မလိုလို…

သြော်…လူဆိုတာ
မလွန်ဆန်နိုင်တဲ့ အခြေအနေတွေအောက်မှာ
ကိုယ့်စိတ်ကိုယ် ခဏခဏ
သစ္စာဖောက်ဖောက်နေကြရတဲ့ သတ္တဝါတွေပါလား။

စိတ်ကို ထိန်းချုပ်သင့်တယ် ဆိုပေမယ့်လည်း
ချွန်းအုပ်လိုက်ရသမျှ စိတ်တိုင်းဟာ
ဆင်ရိုင်းတော့ မဟုတ်ခဲ့ပါဘူး။
တခါတခါဆို
အခြေအနေတွေကို ငဲ့ပြီး
ချိုးလိုက်ရတဲ့ အညွန့် လေးတွေထဲမှာ
အပြစ်ကင်းတဲ့ စိတ်ကူးလေးတွေနဲ့ 
ချစ်ခြင်းရဲ့  ‘အရိပ်ဦး’လေးတွေတောင် ပါသွားတတ်တယ်။

ပညာရှိတယောက်ကတော့ ဆိုတယ်။
သင်ဟာ သင်ပီသဖို့ နဲ့ 
ရလာသမျှ စက္ကန့် တိုင်းကို တန်ဖိုးထားတတ်ဖို့ 
နေနေရတဲ့ နေ့ တိုင်းကို
နောက်ဆုံးနေ့ လို့ သဘောထားဖို့ လိုသတဲ့။

အဲဒီ့ အဆိုကို
အပြည့်အဝ မထောက်ခံလို ပေမယ့်
တခါတခါ…ကိုယ့်သတိ ကိုယ်ပြန်နှိုးဖို့ 
အဲလို ကမ္မဌာန်းမျိုးတော့ လိုမယ်ထင်တယ်။

တကမ္ဘာတည်းစီး တခရီးတည်းသွားတို့ ရေ…
တန်ဖိုးဆိုတာ ဆုံးရှုံးသွားမှ သိတတ်တာမို့ 
စိတ်ကူးလေးနဲ့ ခဏလောက် ရင်ဆိုင်ကြည့်ကြရအောင်။

စိတ်တံခါးကိုသာဖွင့်ထားလိုက်…
အခက်ဆုံးအခြေအနေမှ
မျက်လုံးတွေက
ပိုပြီးမြင်တတ်တာ။

ယုံပါတယ်
ငါတို့ အရည်အသွေးတွေဟာ
အခက်အခဲတွေနဲ့ သွေးပေးမှ
ပိုတောက်ပြောင်လာလိမ့်မယ် ဆိုတာ။
ကောင်းကင်ကို

ကိုကြီးအောင်သာငယ် tag တဲ့ ပို့ စ်လေးကို ကဗျာအဖြစ် ရေးလိုက်တာပါ။

အရသာမဲ့သော နေ့ စွဲများ

ရင်ဘတ်ထဲက တိတ်တိတ်အော်လို့ 
ညက အိပ်လို့ မပျော်ဘူး။

နိုးလာတော့လည်း
ပျောက်ဆုံးနေဆဲ…သတိ
စိတ်နဲ့ ကိုယ်ကို ကပ်ဖို့ မရှိဘူး။

လျှောက်ချင်နေတဲ့ခြေထောက်တွေ ရှိနေတာတောင်
လျှောက်ရမယ့် လမ်းတွေကို မတွေ့ တော့ဘူး။

မြောက်ချင်နေတဲ့ လက်တွေ ရှိနေတာတောင်
အသိအမှတ်ပြု အနိုင်ယူမယ့်သူ မရှိပြန်ဘူး။

အားပေးစကားတွေကလည်း
အားပေးစကားတွေပီပီ
လက်တွေ့ မကျကြတော့
ငါ့အတွက် ကောက်ရိုးတစ ဖြစ်မလာခဲ့ဘူး။

နှစ်သိမ့်စကားတွေဆိုတာ
ငါ့ကမ္ဘာ တကယ်ပျက်သွားကြောင်း
သက်သေထွက်ဆိုချက်တွေပဲ ဖြစ်တယ်။

လေလွင့်နေတဲ့ စိတ်ကိုကပ်ဖို့ 
အာရုံတခုခုကို လိုက်ရှာနေရတာလည်း
ကန္တာရထဲမှာ ရေရှာနေရသလိုပဲ
နှစ်ကြိမ် နှစ်ခါ မောတယ်။

ငါဟာ
လှုပ်ရှားနေတဲ့ သချိ င်္ုင်ကြီးထဲမှာ
အရှင်လတ်လတ် မြှုပ်ထားခံရသူတယောက်
ဘဝကို တာဝန်ကြီးတခုလို့ အဓိပ္ပါယ်ကောက်ရင်း
ငါ့စိတ်တွေ ပင်ပင်ပန်းပန်း အလုပ်ဆင်းနေရတယ်။

သြော်…
ဘဝဆိုတဲ့ ကစားကွင်းထဲမှာ
ဒဏ်ရာရကစားသမားတယောက်…
ပွဲသိမ်းဝစီမှုတ်သံကို စောင့်ရင်းက
ဖွဖွလေး ထိခိုက်မိရုံနဲ့ တောင်
စိတ်ဓာတ်တွေ နာကျင်နေတော့တယ်။
ကောင်းကင်ကို

ခက်တယ်

ခက်တယ်။
ဓာတ်ငွေ့ သိုက်တွေကို စကားလုံးအရ ပိုင်ဆိုင်ပြီးမှ
ဖယောင်းတိုင်ကို ချွေတာထွန်းနေရတာ ခက်တယ်။

ခက်တယ်။
မပြည့်သေးပဲ လျှံသွားရတဲ့
လူသား သယံဇာတတွေ
ဘယ်သူမှ ပြန်မလာကြစေဖို့ 
တံခါးပိတ်ထားတာကလည်း ခက်တယ်။

ခက်တယ်။
မသုံးရသေးတဲ့ ပိုက်ဆံတွေ
ငွေဖောင်းပွမှုရဲ့ အကျိုးဒဏ်နဲ့ 
အလိုအလျောက်အခိုးခံနေရတာကလည်း ခက်တယ်။

ခက်တယ်။
ငရုတ်သီးထုပ်လို့ ကောင်းတဲ့
သတင်းစာစက္ကူဟောင်းတွေပေါ်က
လက်သုံးစံပြ ဆောင်ပုဒ်တွေ
တကယ်အသုံးမခံရလို့ ချောင်ကုပ်နေကြတာကလည်း ခက်တယ်။

ခက်တယ်။
နွားခြေရာခွက် တထွာကို
ကြွားနေတာရှက်စရာမှန်း မသိကြတာကလည်း ခက်တယ်။

ခက်တယ်။
အလုပ်မဖြစ် မှန်းသိပါလျက်နဲ့ 
အစဉ်အလာတွေကိုထိန်း
ပညာတွေကို သိမ်းသိမ်းနေရတာကလည်း ခက်တယ်။

ခက်တယ်။
ပေါက်နေတဲ့ ခွက်တွေကို
ကြောက်နေတဲ့ လက်တွေနဲ့ 
လက်ဆင့်ကမ်းနေရတာကလည်း ခက်တယ်။

ခက်တယ်။
မြန်နှုန်းမြင့်ခေတ်ကြီးထဲမှာ ပြိုင်ပုံပြောင်း
အားလုံး မိုင်ကုန်မောင်းနေကြချိန်မှာ
တို့ ဆီက နိုင်ငံ့သားကောင်းတွေ
အချင်းချင်း ကျားချောင်းသလိုချောင်း
နှေးအောင်လုပ်ပြီး တောင်းနေရတာကလည်း ခက်တယ်။

ခက်တယ်။
သီးသန့် နေလေ့ရှိတဲ့ ထင်းချောင်းတွေ
တခါတခါ စုစည်းမိကြရင်တောင်
အချိုးမခံရဖို့ အုပ်စုဖွဲ့နေကြတာထက်
ပုဆိုးလှန်ပြဖို့ အုပ်စုဖွဲ့နေကြတာက
ပိုများနေတော့လည်း ခက်တယ်။

ခက်တယ်။
စေတနာ လက်တဆစ်နဲ့ 
ကြေငြာချက်အသစ်တွေ
နေရာအတွက်ဖြစ်နေကြတာကလည်း ခက်တယ်။

ခက်တယ်။
အဝေးကနေ လှမ်းထိုးနှက်နေကြပေမယ့်
ပုံစံခွက်ကြီးတွေနဲ့ 
ပုန်ကန်လက်သီးတွေပဲ ဖြစ်နေကြတာကလည်း ခက်တယ်။

ခက်တယ်။
အသံတူ အကြံကွဲ တလမ်းထဲမှာ
ထစ်ခနဲဆို နှစ်ခြမ်းကွဲ
အချင်းချင်း အရမ်းဆဲနေကြတာကလည်း ခက်တယ်။

ခက်တယ်။
ဘယ်သူတွေ ဘယ်လိုစိတ်မှန်းနဲ့ 
လေကိုဖမ်းပြီး ဒန်းဆင်ဆင်
ရှေ့ ကတောင်ဟာ ဧ၀ရက်မှန်းနဲ့ 
ညဥ့်နက်သန်းခေါင်မှာ နေမထွက်မှန်း
သိနေတာကလည်း ခက်တယ်။
ကောင်းကင်ကို

ငရဲ

မျက်လုံးကိုစုံမှိတ်
အလုပ်မပေးနိုင်တဲ့နေရာကို အတင်းဖိတ်နေကြတဲ့သူတွေ၊
လူသားအရင်းအမြစ်တွေရှားသွားလို့ 
သက်မဲ့အရင်းအမြစ်တွေနဲ့ ကြံဖန်ဂုဏ်ယူနေကြတဲ့သူတွေ၊
တံလျှပ်ကို ရေအမှတ်နဲ့ ကျေနပ်နေကြတဲ့သူတွေ၊
ကျပ်တီးမြေမှာမှ ရွှေအရှာကောင်းသူတွေ က အစ…

မီးလောင်ပြင်မှာစွန့် စား၊ မီးသတ်ဖို့ ကြိုးစားနေကြသူတွေ၊
အမှောင်ထဲမှာနေလို့  ဆီမီးတွေ ဝေနေကြသူတွေ အဆုံး…
ဘယ်သူတွေ ငါ့ကို ဘယ်လိုပဲ ပညတ်ပညတ်…

မပြင်ဆင်ပဲနဲ့ ကြိုးဝိုင်းထဲ ဝင်လာခဲ့ရသူတွေ၊
မြှားမပါပဲနဲ့  စစ်ထွက်လာခဲ့ရသူတွေ၊
ကံကို မယုံရဲပေမယ့် ဆူးပုံနင်းနေရတဲ့သူတွေ၊
ကမ္ဘာရွာထဲ ပြောင်းနေဖို့ အရေး
ထောင်ဖောက်ပြေးသလို စွန့် စားနေကြရသူတွေ၊
မွန်းကြပ်သေဆုံးသွားခဲ့ရတဲ့ ကားစီးဒုက္ခသည်တွေ၊
လှေစီး ဒုက္ခသည်တွေ၊ ငွေစီးဒုက္ခသည်တွေ၊
ဒုက္ခကိုကြောက်လို့ ဒုက္ခသည်ယောင် ဆောင်နေကြသူတွေ၊
အနည်ကျခွင့်ရသွားတဲ့ ဒုက္ခသည်တယောက်ကို
ပေါက်ထားတဲ့ ထီလက်မှတ်တစောင်လို သဘောထားနေကြသူတွေ၊
လက်ထပ်ခြင်းကို ဖောင်တခုလို အသုံးချ လှောင်အိမ်ထဲက ထွက်နေကြရသူတွေ၊
ကျောင်းဆရာ ယူနီဖောင်းကို ချွတ်ပြီး ပန်းရန်ဝတ်စုံကို ဝတ်ဖို့ လာနေကြရသူတွေ
အဲလို ထွက်ပြေးလာရသူတွေ ရှိနေမှတော့

ငါ့ကို ဘယ်သူတွေ ဘယ်လိုပဲ ပညတ်ပညတ်
ချစ်တဝက် မုန်းတဝက် အရပ်ကို
ငရဲလို့ ပဲ နာမည် တပ်လိုက်တယ်။
ကောင်းကင်ကို

စာပို့ ခိုသို့ 

သုညတွေ တစ်တွေနဲ့ 
သိမ်းထားတဲ့သီချင်းတပုဒ်
ချစ်သူ့ ရင်ကို ကိုင်လှုပ်ဖို့ ပေါ့။

ဒီဘက်မှာလည်း စိတ်စောနေတဲ့ ဒီဂျေတယောက်
အီလက်ထရောနစ် ဘောက်ချာကို စောင့်နေတယ်။
ဟိုဘက်မှာလည်း စိတ်မရှည်တော့တဲ့ပန်း
သူ့ စိတ်မနောပါးစပ်နဲ့  ကြမ်းနေမယ်။

ပုဂံနက် ဆိုတဲ့ စာပို့ ခိုရေ
ငါတို့ ကို သနားပါဦး
သီးသန့် ကမ္ဘာသားကို လာချစ်မိရှာသူတယောက်
သူ့ စိုသောနှလုံးသားများ မခြောက်သေးခင်။
ကောင်းကင်ကို

အမေ့ရင်ခွင်ရဲ့ အဝေးမှာ(ရေး …သံစဉ်ဖြိုး)

တက်လိုက်ကျလိုက်စိတ်ဓာတ်တစ်ချို့ရယ်..
လွမ်းဖျားလွမ်းနာလို့နာမည်တပ်လို့ရတဲ့ခဏခဏနေမကောင်းဖြစ်တာတွေရယ်..

ဘာကြောင့်လည်းလို့မေးခဲ့ရင်တောင်အဖြေမရှိတဲ့
တစ်ချို့ညတွေမှာကျတတ်တဲ့မျက်ရည်တွေရယ် ..

တစ်ခုမကလိုချင်လို့ တစ်ခုခုပေးတော့မလိုလို ဂရုစိုက်မှုတွေရယ် ..

အမြဲတမ်းအဖော်ပြုပေးနေတတ်တဲ့
ခပ်ရင့်ရင့် သန်းခေါင်ကျော်ညတွေရယ် ..

အဲဒါတွေအားလုံးက သမီးဘေးနားမှာ သိုက်သိုက်ဝန်းဝန်း လေးနဲ့ဆိုတော့
အမေ့ရင်ခွင်ကို သမီး မတမ်းတပါဘူး
အဲလိုမျိူးလေးမေ့ချင်ဟန်ဆောင်ထားတာပေါ့ ..

၂၂ နှစ်အမေ့သမီးကို
၃၂ နှစ်လောက်ရှိတဲ့ ရင့်ကျက်မှုမျိူးတွေ လာတောင်းကြတိုင်း
အမေပြောလေ့ရှိတဲ့ ငါ့သမီးကအမေ့မျက်စိထဲမှာ အမြဲကလေးပဲဆိုတဲ့ စကားကိုတော့
တကယ်သတိရတယ် အမေရယ်..

Globalization ဆိုပေမယ့်
သမီးဝမ်းနည်းတိုင်း အမေ့ရင်ခွင်ကိုပြေးလာလို့မရမှတော့
အဲဒီ Globalization ကလည်းအသုံးမ၀င်ပါဘူးအမေရာ..

ဒီလိုနဲ့ အမေ့ရင်ခွင်ရဲ့ အဝေးကသမီး
ကြမ်းလိုက် လွမ်းလိုက် လမ်းခရီးမှာ
တစ်ခုခုဆို အမေ့အသံကိုပဲ ပြန်ကြားယောင်ပြီး
စိတ်ဓာတ်ကို အရောင်ပြန်တင်နေရတယ် အမေရယ်။
(သံစဉ်ဖြိုး)

အရွေ့ 

ဘာသာတရားတွေဟာ
နားခိုသူတွေကို အရိပ်ပေးနိုင်ဖို့ 
အမှန်တရားဆိုတဲ့ နေမင်းကို
ခေါင်းပေါ်တည့်တည့်ကနေ
ခပ်လှမ်းလှမ်းကို ရွှေ့ ထားလိုက်ကြတယ်။
ကောင်းကင်ကို

ဘာကောင်တွေလဲ

ခရမ်း၊မဲ၊ပြာ၊စိမ်း၊ဝါ၊မော်၊နီ
အရောင်မျိုးစုံပါတာ အဖြူတဲ့၊
.................................
အကောင်မျိုးစုံပါတာ... လူ ။

ကောင်းကင်ကို

ကိုယ့်နည်းကိုယ်ဟန်နဲ့ အိုမာခယမ်

လူတွေကို ဆရာလုပ်ဖို့ 
အမြုတေ ကဗျာတပုဒ်လည်းရှိမယ်။

အဖော်လို ကြင်နာမဆုံးတဲ့
ဟော်လိုဂစ်တာ တလုံးလည်းရှိမယ်။

လှမ်းကာ အပြင်ကမ္ဘာနဲ့ ဆက်ဖို့ 
အခန်းမှာ အင်တာနက်လည်းရှိမယ်။

ညတာကို ကျော်လွန်ကာဖြတ်သန်းဖို့ 
ငါ့မှာ…အဖော်မွန်စာဖတ်ခန်း လည်းရှိမယ်။

ခွက်ဘေးမှာနေတဲ့ အမြည်းနဲ့ 
လက်ဆေးကာနေတဲ့ ဇနီးကတော့
ကိုယ်စိတ်နှစ်ပါးအတွက် အာဟာရပေါ့။

အချစ်တွေဆာလောင်လာတဲ့အခါ
မြန်နှုန်းမြင့်ရင်ခုန်သံကို နောက်ခံဂီတအဖြစ်ဖွင့်ပြီး
ကာယကံ၊ ဝစီကံ မနောကံနဲ့ ယုယကြမယ်။

လူတွေမရှိခိုက်မို့ ဟန်ဆောင်နေဖို့ လည်းမလို
အပူတွေမရှိခိုက်မို့  ရန်ထောင်နေဖို့ လည်းမလို
ပေလေးဆယ် ခြောက်ဆယ်နဲ့ 
ကျားတယောက်နဲ့  မတယောက်ပဲရှိတဲ့
ငါ့ စံပြကမ္ဘာငယ်လေးမှာ
ဓမ္မသယံဇာတလည်း ကြွယ်ချင်သေးတယ်။
ကောင်းကင်ကို

အမေတခြား သားတခြား

အမေ တခြား သားတခြားနဲ့ 
ရှင်ကွဲနဲ့ ရင်ကွဲနေရတဲ့ခေတ်မှာ
ပါးပေါ်မှာ ဖြစ်တဲ့မြစ်နှစ်စင်းနဲ့ 
မျက်နှာသစ်နေတုန်းပဲလား အမေ။

အမေရေ…
ဒီနှစ်လည်း ကရုဏာခေါင်တဲ့ ကန္တာရမှာ
မျက်ရည်ချိန် ဘယ်နှစ်လက်မ ရှိပါသလဲ။

အမေ သားကိုပြုစုစောင့်ရှောက်ခဲ့သမျှ ရလဒ်ကတော့
သားအသက်တနှစ်ကြီးလာတိုင်း
အမေပုတီးတပတ် ပိုစိပ်လာရတာပဲ ရှိတယ်။

အမေရေ…
ပြန်ဆုံစည်းရေးကို သားက သောကနဲ့ စဉ်းစား
အခန်းကျဉ်းလေးထဲမှာတင် မျက်စေ့လည်သွားတုန်းမှာ
လောကဓံတရားက အသာစီးနဲ့ 
အကွက်ပေါင်းများစွာ ရွှေ့ထားပြီးပြီအမေ။

အမေရေ…
စာအုပ်တွေ ဖတ်ခဲ့ရတုန်းကတော့
ဒီလိုဇာတ်လမ်းမျိုး အသက်ဝင်လာလိမ့်မယ်လို့ 
ကိုယ်တိုင်လည်း ရင်ခွဲ သရုပ်ဆောင်ရလိမ့်မယ်လို့ 
မထင်မိခဲ့ဘူးအမေ။

အမေရယ်..
သောက ဖျောက်နည်း တခုကတော့ ဆိုတယ်။
အနာဂတ်ကို တွေးမပူပဲ တနေ့ တခါ နေပါတဲ့။
ဒါပေမယ့် အမေရယ်
အိပ်မက်တွေသီးပွင့်လာမယ့် ရက်စွဲက မသေချာသလို
အတိတ်နဲ့ ပစ္စုပ္ပန်မှာလည်း စက္ကန့် တိုင်းက ခက်ခဲနေမှတော့
စိတ်ကို ဘယ်ကာလမှာများ သွားထားရပါ့မလဲ။

ဒါနဲ့ အမေရေ..
မုသားတွေနဲ့ သီးသန့် ကာထားတဲ့
အပူများနေတဲ့ ကျီးလန့် စာစားကမ္ဘာမှာရော
အဆိုးတွေ ရေချိန်မြင့်
အမျိုးတွေ ငွေတိမ်နစ် နေတုန်းပဲလားအမေ။

အမေရေ
လက်ဗလာ ကြယ်တွေ
မျက်နှာငယ်နေရတဲ့ ညထဲမှာ
သားဘဝလေး ကျကွဲသွားလို့ 
ခွန်အားသစ်တို့ ပို့ ပေးပါ။
ကောင်းကင်ကို

အိပ်မက်ဆိုး ရာသီ

ရှတတနဲ့  အယ်(လ်)ကိုဟော အခါးရည် တခွက်
ငါ့ဘဝအတွက် တကယ်ချိုသော ပျားရည်စက်ပေါ့။
အရသာခံလို့ မော့လိုက်တယ်။

သူငယ်ချင်းတို့ ၊ အချစ်အကြောင်းနဲ့ တော့ မမြည်းကြပါနဲ့ ။
ငါက
အရှုံးသမား ကျားနာတကောင်
နှလုံးသား အစားအစာရှောင်တယ်။

သြော်…ငါ့အဘိဓာန်စာအုပ်များထဲက
အသာထုတ်ထားခဲ့တဲ့ ဘဝမျိုးထဲ
ငါဟာလေ အခုမှပဲ မျောပါ
နာတာရှည် ကုမရတဲ့ရောဂါနဲ့ ။

အချိန်တန် အိမ်ပြန်ချိန် ရောက်ပြန်တော့လည်း
ပုလဲ တပေါက်ခြင်း ကြွေနေတဲ့ ကမ္ဘာမှာ
အသည်းမခြောက်မချင်း ထွေနေမယ့်ငါဟာ
ဆောင်းစရာထီးမရှိတော့
ခံစားချက်မဲ့နေတဲ့စိတ်ကိုပဲ
ထီးအစားထိုးလို့ ဆောင်းလိုက်တယ်။

ဒီလိုနဲ့ 
အကာအကွယ်မဲ့သွားတဲ့ ငါ့အပေါ်
တစင်းပြီး တစင်း ညာသံပြင်းပြင်းနဲ့ 
ခုန်ဆင်းလာတဲ့ မိုးစက်ပွင့်တွေကို
အဟုန်ပြင်းစွာ ထိုးနှက်ခွင့်ပေးလိုက်ရတယ်။

ဂရုထားသူ မရှိတဲ့ အရိပ်များနဲ့ 
ရှုစားသူ မရှိတဲ့ပိတ်ကားပေါ်မှာတော့
သဘာဝတရားရဲ့ အစက်အပေါက်တွေ အောက်မှာ
‘အနာ’ရ ထားတဲ့ အစက်အပြောက် တပြောက်
ကမ်းပျောက်ခြင်းအတွက် လေနေတယ်။
သြော်…လမ်းလျှောက်ရင်းနဲ့ သေနေတယ်။
ကောင်းကင်ကို

သဘာဝ

အကြမ်းဖက်သမားတွေက လက်နက်နဲ့ 
ပန်းဆက်သမားတွေက လက်နက်မဲ့
သဘာဝကျကျပါပဲ
လှုပ်မိရင် တုတ်ကြည့်ဆိုတဲ့ ခေတ်မှာ
သွေးနည်းတဲ့ ကျောက်ရုပ်အနေနဲ့ 
မစတေးရဲပဲ နောက်ဆုတ်နေခဲ့။

ဒုက္ခသည်တွေက အကန့် အသတ်မဲ့
ကိုယ့်မှာက အကန့် အသတ်နဲ့ 
သဘာဝကျကျပါပဲ
ကိုယ်ရွေးပြီးကယ်တဲ့ ကြယ်ငါးက
ကိုယ်သွေးနီးနေတဲ့ အစွယ်အပါးဖြစ်ခဲ့။

သြော်…
အိမ်ရှေ့ မှာ တံခါးခေါက်လာသူကို မနှင်ရက်ပေမယ့်လည်း
အိမ်ထဲမှာ အဖျားမပျောက်ရှာသူကို မမြင်ရက်တာမို့ 
ရွေးချယ်ခွင့် နည်းလွန်းတဲ့ ဒီဇာတ်လမ်းကြီးထဲ
သဘာဝ ကျကျပဲ သရုပ်ဆောင်လိုက်မိတယ်။
ကောင်းကင်ကို

ဇာတ်နာ

ရှေ့ ဆယ်လှမ်းတိုးဖို့ 
နောက်တလှမ်းဆုတ်လိုက်ကာမှ
ဘဝက ထောင်ချောက်ထဲကို တည့်တည့်ကျတယ်။

လောကဓံတရားရေ
မင်းဆက်ထိုးဖို့ မလိုတော့အောင်ကို
ငါ့ပါးရိုးက ကျိုးပြီးသားပါ။

အထီးကျန် ဝမ်းနည်းစရာကောင်းလိုက်ပုံကလည်း
အပြီးအပိုင်လမ်းခွဲကာပြောင်းရမှာကိုတောင်
လာနှုတ်ဆက်ကြမယ့်သူလည်း တယောက်မှမရှိ။
သွားနှုတ်ဆက်ရမယ့်သူလည်း တယောက်မှမရှိ။

သြော်…နောက်ဆုံးတော့
တံလျှပ်တွေလို
ဘဝကိုပိုမှောင်စေတဲ့ အလင်းတွေအတွက်
ဘာကိုမှ မစစ်မဆေး
ကိုယ့်ကိုယ်ကိုပဲ အပြစ်ပေးလိုက်တော့တယ်။
ကောင်းကင်ကို

ဖူးစာရေးနတ်သို့ 

ညခင်းတို ခဏလေးမှာ
လမင်းလို ညီမလေးက
အဒိန္နာဒါနာကိုချိုး
ငါ့အချိန်များ လာလာခိုးတယ်။

မာယာများတဲ့ ပန်းလေးရေ
ဂါထာများနဲ့ မန်းဆေးတွေ နင့်မှာရှိလား။
ပျက်ပြယ်လုသွားတဲ့ ငါ့အိပ်မက်တွေကို
အသက်ကယ်ကုစားဖို့ 
သွားတက်ငယ် တခုအားနဲ့ 
တချက်ရယ်ကာ ပြုစားလှည့်ပါ။

စောင်းတလုံးရဲ့  ဗီဇလေးများနဲ့့နှုတ်ခမ်းလွှာရေ
အကောင်းဆုံး ဂီတတေးများ ဖွင့်စမ်းပါဦး။
နင့်ရဲ့ 
သကာစကားလေးတွေအမျိုးမျိုးနဲ့ 
ငါ အားဆေးတွေထိုးပါရစေ။

ချစ်သူကို ကဗျာတပုဒ်အဖြစ်မှတ်
နှလုံးသားနဲ့ ခြေဆုံးခေါင်းဆုံး ဖတ်ကြည့်တော့
သူ့ အလှအပိုဒ်တိုင်းဟာ
ဘဝဆိုတဲ့ မမြင်မစမ်း တောလမ်းတခုက
မရလိုတဲ့ ဘဝင်နွမ်း မောပန်းမှုတွေကို
အလိုအလျောက်ပဲ သွားဖယ်မယ့် အရာ
ကိုယ်တယောက်တည်း နားလည်မယ့် ကဗျာပေါ့။
သူနဲ့ တွေ့ လိုက်တိုင်းမှာ
ဒုက္ခအကျိတ်ငယ်များဟာလည်း
လုံးဝ အဆိပ်ပြယ်သွားရတယ်။

သြော်…
အမြင်ကို ဖမ်းစားနေတဲ့ ပင်ကိုဟန်
ရင်ကိုယမ်းသွားစေတဲ့ ရွှင်ချိုသဏ္ဍန်လေးတွေနဲ့ 
သူ့ုအလှမှော်ကို ခံစားခဲ့ရတော့
လူ့ ဘဝက အတော်ကိုတန်သွားခဲ့ရပေါ့။

ဟော ဟိုမှာ တွေ့ လား
‘အလှ’စင်လေးတခုပေါ်မှာ
‘မ’..ယဉ်ကျေးမှုတွေ ပန်ထားတဲ့
သူ့ မျက်နှာနတ်ရေကန်လေးဟာ
ကိုယ့် ချစ်သူ ငွေလမင်းပဲ ဆိုတာကို
ဖူးစားရေးနတ်ရေ
ကူးကာရေးမှတ်။
ကောင်းကင်ကို

အချစ်ဆိုတဲ့ ထရိုဂျန်

စောင့်ကြည့်နေတဲ့နှုတ်ခမ်းတွေကလည်း ဘဝပွင့်ငယ်ကို အပီထောင်းသွားခဲ့ပြီ။
လျှောက်မိနေတဲ့လမ်းတွေကလည်း တရာ့ရှစ်ဆယ် ဒီဂရီ ပြောင်းသွားခဲ့ပြီ။

အတိတ်မှာ အရက်စက်ဆုံးမြှားချက်နဲ့ စိတ်ပိုင်းဒဏ်ရာ ရခဲ့သည်။
စိတ်ဟာ တက်ခဲ့တုန်းကလို အရှိန်အတိုင်း ပြန်ကာကျခဲ့ပြီ။

ဒီလိုနဲ့
အတွေးတွေက
သွေးတွေကို
ဝမ်းနည်းခြင်းမျက်ရည်အဖြစ်ပြောင်း
လမ်းခွဲခြင်း သက်သေအသစ်ပေါင်းလိုက်တယ်။

နင်ထပ်မလိုတဲ့ အထီးကျန်မေတ္တာတွေ
ရင်ဘတ်ဆိုတဲ့ မီးခံသေတ္တာထဲမှာသေလို့ ။

နှစ်လိုခဲ့တဲ့ ပရိုဂရမ်
အချစ်ဆိုတဲ့ ထရိုဂျန်ဟာ
ရင်ခုန်သံကို မြန်စေ၊ နှေးစေ၊ ရပ်တန့် စေသလား။

အချစ်ဟာ သူ့ ရဲ့ 
အလှအနုဆုံး လက်သီးနဲ့ 
ဘဝတခုလုံး ဖျက်ဆီးခဲ့တယ်။
ကောင်းကင်ကို

နာမည်လုပွဲ

“ဆရာတော်ကတော့ ဟောခဲ့တာပဲ” လို့ ရည်ညွှန်းတဲ့နေရာမှာ ဆရာတော် ဦးဇောတိက (မဟာမြိုင်တောရ) က ဟောခဲ့တာကို ရည်ညွှန်းတာပါ။

နာမည်လုပွဲ
သူများပါးစပ်ဖျားမှာ
ကိုယ့်စိတ်ကို တင်မထားဖို့ 
ဆရာတော်ကတော့ ဟောခဲ့တာပဲ။

ဒါပေမယ့်
ခပ်ညံ့ညံ့ အိတ်တလုံးတောင်
မန်ယူတံဆိပ် သုံးလိုက်ရုံနဲ့ 
တန်ဖိုးခုန်တက် သွားတာဆိုတော့
လူတွေ နာမည်ကို မက်ပြီပေါ့။

နာမည်ဆိုတာ
ပြာဖုံးနေတတ်တဲ့ မီးခဲ။
တခါ တခါ အဲဒီ့ပြာတွေက

ဗန္ဓုလသုံးခဲ့တဲ့ နည်းလမ်းဟောင်းနဲ့ 

မဆိုင်သူတွေကို ထထထောင်းမှ
လွင့်ချင်လွင့်တတ်တာ။

ဗန္ဓုလလိုမျိုး မီးခဲစစ်အောင်

ကြိုးစားခဲ့သူတွေကျတော့ ရှားတယ်။

ဒီလိုနဲ့ လောကကြီးမှာ
ထုထောင်းသံတွေနဲ့့ဖန်တရာတေ
ဝမရှိတဲ့ ဝိတွေ သံသရာရှည်ခဲ့။

နာမည်ကြီးရုံ သက်သက်ပဲဆိုရင်
အမြော်အမြင်တွေမှ မလိုတာ။
မဟာအကြံ အထွေအထူးများနဲ့ 
သာမန်ရေကူးသမားမှာလည်း
အိုလံပစ် ချန်ပီယံတွေ ထက်တောင်
နာမည်ကြီးခွင့် ရှိသေးတာပဲ။

နာမည်ကြီးရုံ သက်သက်ပဲဆိုရင်
ဖြီးနိုင်ရင်လည်း ရတတ်တာပဲ။
ဒီလိုနဲ့ ပဲ
ကိုယ့်ကိုကိုယ်တွေကျ
အတိုဆုံးပေတံတွေနဲ့ တိုင်း
အချိုဆုံးဝေဖန်နေတဲ့ အသိုင်းအဝိုင်းထဲက
တချို့ နိုင်ငံရေးကစားပွဲတွေထဲမှာ
တချို့ အပေါစား စာမျက်နှာတွေပေါ်မှာ
တချို့ အထူးနည်းပညာအစည်းအဝေးတွေမှာ
ကန့် လန့် ကာတွေချပြီး
အကြောင်းမသိသူတွေကို လှည့်စား
မှတ်တိုင်များကို လိမ်ပြီးစိုက်
နာမည်တွေကို အချောင်နှိုက်ဖို့ 
အကြံတူ ရန်သူတသိုက်ရဲ့ 
ပါးစပ်တွေ ခါးတောင်းကျိုက်နေကြတယ်။
ကောင်းကင်ကို

နန်းအချ ခံခဲ့ရတဲ့ မြို့ 

ကိုယ့်မြို့ ကိုယ် အိန်ဂျယ်လ်တပါးနဲ့ တင်စားမယ်ဆိုရင်တောင်
ရန်ကုန်ဟာ
လျှပ်စစ်မီးမရတဲ့ညနဲ့ 
နတ်ဖြစ်ပြီးမလှတဲ့ဘဝ။

ကိုယ့်အမေ ကိုယ့်ဆီလာတာတောင်မှ
ခွေးသားကြီးတွေနဲ့ မျက်နှာခြင်းဆိုင်
ပြေးလွှားပြီး ဧည့်စာရင်းတိုင်နေရတယ်။

အပြင်ပန်းတွေပြောပြီး လုပ်စားနေတဲ့မြို့ မှာ
သင်တန်းတွေပေါပြီး အလုပ်ရှားတယ်။

အရှေ့ တောင်အာရှရဲ့ မာနမင်းသားဟောင်းဟာ
နအဖ ဗိုလ်ချုပ်များရဲ့ လက်သီးပြင်းနဲ့ 
တစစ ပိုစုတ်သွားအောင် ဖျက်ဆီးခြင်း ခံနေရတယ်။

ရန်ကုန်မြို့ရဲ့ ရင်ဝမှာ နားကိုကပ်
ကြားတာကို ကြားသလိုမှတ်ကြည့်တော့
အလုပ်လက်မဲ့ ပွဲစားတွေရဲ့ လေရောင်းသံတွေ
မီးလာတုန်းမှာ အလုအယက် ရေမောင်းသံတွေ

ကုန်းအော်နေတဲ့ စပါယ်ယာတွေရဲ့ ရွှေစောင်းသံတွေ
ရုံးပေါ်က ကယ်ပါတွေရဲ့ ငွေတောင်းသံတွေနဲ့ 
ရန်ကုန်မှာ
အသံစုံနေတော့တယ်။
ကောင်းကင်ကို

1988 Documentary (Videos)

click here