Tuesday, June 30, 2009

မွေးရပ်မြေရဲ့ အကြောင်း (ရေးသူနာမည်အလွဲနဲ့ နောက်ကဗျာတပုဒ်)

ကဗျာရေးသားသူ “နေဇော်ဝင်း” နာမည်နဲ့ ကျနော်ရေးခဲ့တဲ့ မွေးရပ်မြေရဲ့ အကြောင်းကဗျာကို http://phyowai-mmp.blogspot.com/2009/06/blog-post_26.html မှာ တွေ့  လိုက်ပါတယ်။ ဟိုတလောကလည်း ရေးသူ “စစ်ငြိမ်းစေ” ဆိုတဲ့နာမည်နဲ ကျနော့် ကဗျာတပုဒ် ကျနော့်ဆီကို အီးမေးလ်နဲ့ နှစ်ိကြိမ်တိုင်တိုင်ပြန်ပြီးရောက်လာပါတယ်။ pdf format နဲ့ ပါ။ နာမည်လွဲပေမယ့် ဘလော့ပိုင်ရှင်နဲ့ ၊ အီးမေးလ်နဲ့ ဖြန့် တဲ့သူတွေကိုတော့ ဖြန့် ဝေလို တဲ့စေတနာသက်သက်နဲ့ လွဲသွားတယ် ဆိုတာကို ကျနော် ယုံကြည်ပြီးသားပါ။ (သူတို့ လည်း စရောက်လာ ကတည်းက နာမည်အလွဲကြီးနဲ့ ရောက်လာလို့ လွဲသွားတာဆို ဘယ်တတ်နိုင်ပါ့မလဲ။) ဒါပေမယ့် ကိုယ်တိုင်မဖန်တီးပဲနဲ့  သူများနာမည်ကို အချောင်တပ်ချင်တဲ့လူတွေရှိနေတာကိုတော့

စိတ်ပျက်မိပါတယ်။ တယောက်ယောက်က လွဲပြီး တပ်ပေးလိုက်တာမျိုးဆိုရင်တော့ တမျိုးပေါ့ဗျာ။ ဒါပေမယ့် သိတဲ့အချိန်မှာတော့ နာမည်ကို ပြင်ပေးစေချင်ပါတယ်။ ကျနော့်အနေနဲ့ ကဗျာအောက်မှာ ကိုယ့်နာမည်မပါတာတောင် သည်းခံနိုင်ပါတယ်။ ကိုယ့်နာမည် မပါရုံဆို တခါတလေ ကွန်မန့် မှာကိုယ့်ကဗျာဖြစ်ကြောင်းရေးတာလောက်ပဲလုပ်ပါတယ်။ လူသိသိပ်မများတဲ့ ဘလော့ဆို ကွန်မန့် တောင် ရေးမသွားပဲ ဒီအတိုင်းထားလိုက်တာများပါတယ်။ ဒါပေမယ့် နာမည်တလွဲနဲ့ ဖြစ်နေတာကတော့ ဆိုးဝါးတယ်လို့ ထင်ပါတယ်။ စိတ်လည်းရှုပ်ရပါတယ်။ နာမည်လွဲရုံနဲ့ ခိုးတယ်လို့ စွပ်စွဲတာမျိုးတော့ ကျနော်မလုပ်ပါဘူး။ မရိုးသားသူ တယောက်ကြောင့် ရိုးရိုးသားသားနဲ့ ဖြန့် ဝေချင်တဲ့စေတနာ သက်သက်နဲ့ ပို့ စ်တင်တဲ့သူတွေကို ထိခိုက်မှာစိုးလို့ ပါ။

ကျနော့် မူရင်း လင့်ခ်က ဒီမှာပါ။
http://kaungkinko.myanmarbloggers.org/2008/08/blog-post_22.html ကိုမိုးသီး ဘလော့မှာလည်း ၂၀၀၈ နိုဝင်ဘာတုန်းက တင်ခဲ့ဖူးတာ တွေ့ ရပါတယ်။ http://komoethee.blogspot.com/2008/11/blog-post.html မှာပါ။

ကဗျာလေးကို ဒုတိယအကြိမ်ပြန်ခံစားစေချင်လို့ ထပ်တင်လိုက်ပါတယ်။

မွေးရပ်မြေရဲ့ အကြောင်း
ကမ္ဘာအနှံ့ က “ရွှေ”…တံဆိပ် လော်စပီကာ တွေ
ကူပါ ကယ်ပါ တကြော်ကြော်အော်နေရတဲ့
ကျွန်တော့်ရဲ့  မွေးရပ်မြေ အကြောင်း နဲ့ 
ခင်ဗျားတို့ နားထဲကို သံရည်ပူ လောင်းပါရစေ ။

ဆရာဝန်တွေက ဆေးရောင်း
အင်ဂျင်နီယာတွေက ဈေးရောင်း
တော်သူတွေအကုန် ဘေးဂျောင်း
လူငယ်တွေ အကုန် အတွေးစောင်း
ခွင်ရှာနိုင်မှ သူဌေးလောင်း ဖြစ်နိုင်မယ်။

အစိုးရကအစ သူခိုးဓားပြ တွေဆို
ပေါင်းစားတတ်ရင်တော့ မိုးကျရွှေကိုယ်
တိုင်းပြည်တစ်ခုလုံး ပိုးကျနေလို့ 
သူများဆီမှာ ကျွန်ခံဖို့  goကြပေဗျို့ ။

ညာဥ့်ငှက်မလေး တစ်ယောက်က ဖောက်သည်မျှော်
မိန်းမတန်ဖိုးကို ရောင်းဖို့ စောင့်နေမယ်နော် တဲ့။

ဈေးသည်မလေးတစ်ယောက်က ဝယ်သူမျှော်
အကြွေးပင်လယ်ကြီးထဲ ကယ်သူမပေါ်
ခေတ်ကြီးကိုက လည်သူဆော်

ရှေ့ နောက် မစဉ်းစားမိခဲ့တဲ့ မောင်နှံ
ရှိသမျှ ပစ္စည်းလေးတွေကို ပေါင်နှံ
မွေးလာမယ့် ကလေးကတော့ အချောင်ခံ။

ဂျာနယ်တွေက အတင်းအဖျင်း ရောင်းစား
လူပွဲစားတွေက အချင်းချင်း ရောင်းစား
လူတစ်ချို့ က လမ်းမတွေပေါ်မှာ တောင်းစား
ကလေးငယ် တစ်ယောက် မျက်နှာငယ်လေးနဲ့ ကျောင်းသွား
ပါရာဒို တစ်စီးက ဗွက်တွေ စင်အောင် မောင်းသွား

ငါတို့ ငိုသံတွေကို
အိမ်နီးချင်း နိုင်ငံတစ်ချို့ က မကြားချင်ယောင်ဆောင်နေကြတယ်။
ဖျာခင်းချင်သူ တစ်ချို့ ကလည်း သနားချင်ယောင်ဆောင်နေကြတယ်။

မီးခဲကိုင်ထားရသလိုပဲဆိုတဲ့ စေတနာရှင်တို့ ၊
ဦးတည်ချက် ဆယ့်နှစ်ရပ်နဲ့  လူ့ ပြည်ကိုဖျက်နေတာလား။
ခင်ဗျားတို့ စကားလုံး ကြီးကြီးတွေက ကော်ပီ သံစဉ်ပါ။
တစ်ပြည်လုံးလည်း နားညဉ်းနေပြီ… အော်ဂလီ ဆန်ချင်စရာ။

ကိုယ့်ကိုယ်ကို ပြန်ကြည့်မိတော့လည်း
မနှစ်ကလည်း ဒီနေရာ
ဒီနှစ်လည်း ဒီနေရာ
ရပ်နေလည်း ဒီလောက်
ပြေးသွားလည်း ဒီလောက်မို့ 
ငါ့ ခြေထောက် တွေကတောင် ငါ့ကို ပြောတယ်။
သူတို့ ဆက်မလျှောက်ချင်တော့ဘူးတဲ့။
ငါ့လက်တွေကလည်း သစ္စာဖောက်ပြန်တယ်။
အရှုံးပေး လက်မြှောက်ပြီး ထောက်ခံတယ်။
ဒီလိုနဲ့ ...
စိတ်ထဲမှာပဲ သိမ်းထားနေရတဲ့ အိပ်မက်တွေလည်း ခေါက်ရိုးကြေ။
ဖြစ်ချင်တာနဲ့ ဖြစ်လာတာတွေက ဇောက်ထိုးတွေ။
လူ့ သက်တမ်း တစ်ဝက်ကျိုးပြီဆိုတဲ့ အချက်ပေးသံတွေလည်း မြည်လာပြီ။
ကျန်တဲ့သက်တမ်း တစ်ဝက်ကို ဆက်လျှောက်လှမ်းဖို့ တောင် အီလာပြီ။

“ဆန်တစ်ပြည်ကို ၁၅၀၀ တောင်” အဲဒါ အဘွားညဉ်းတဲ့ အသံ။
“မြန်မာပြည်ဟာ ဘယ်သူမှ မနေချင်ကြတော့တဲ့ အရပ် ဖြစ်သွားပြီ” အဲဒါ ခါးသီးတဲ့ အမှန်။

ဒီကြားထဲ…
နာဂစ်က တစ်ချက်မွှေ့ 
ဧရာဝတီက လူတွေခမျာ အသက်စေ့
တစ်ချို့ လူတွေကလည်း အကွက်ရွှေ့ 
အစိုးရ ကုလားထိုင်ကတော့ တစ်ချက်မရွေ့ 
မြန်မာပြည်ကြီးကတော့ ဝမ်းဗိုက်ဟောင်းလောင်းနဲ့ အခက်တွေ့။

အစိုးရကအစ သူခိုးဓားပြ တွေဆို
ပေါင်းစားတတ်မှ မိုးကျရွှေကိုယ်
တိုင်းပြည်တစ်ခုလုံး ပိုးကျနေလို့ 
သူများဆီမှာ ကျွန်ခံဖို့  goကြပေဗျို့ ။
ကောင်းကင်ကို

14 comments:

win latt said...

ပြန်တင်ပေးတာကျေးဇူးတင်ပါတယ်
ဖတ်သွားတယ်...ကြိုက်တယ်။

kg said...

ကောင်းတယ်အကိုအကို့ကဗျာတွေကိုသူငယ်ချင်းတွေ
ကိုဖြန့်ဝေပေးလိုက်ပါတယ်အကိုခွင့်ပြုချက်မယူပဲပို့
လိုက်တဲ့အတွက်တောင်ပန်းပါတယ်
အကို့ကဗျာတွေကရင်ထဲထိကိုထိတယ်ဗျာ........
ကျေးဇူးတင်တယ်ဗျာကဗျာတွေအများကြီးရေးပြီး
တိုင်းပြည်အတွက်အကျိုးပြုနိုင်ပါစေ.......

P.Ti said...

ကဗျာတွေ ဖတ်မိရုံနဲ့ ကောင်းကင်ကိုရဲ့ ကဗျာတွေဆိုတာ သိသာပါတယ်။ အချောင်နာမည်တတ်တာကို ကန့်ကွက်ပါတယ်။ အလကားတင်ရတဲ့ ဘလော့မှာတောင် ခိုးတယ်ဆိုတာ တော်တော်လေး မကောင်းတဲ့ အကျင့်ပါပဲ။

Moe Cho Thinn said...

ရုပ်ရှင် ပြကွက်တွေ တဖျတ်ဖျတ် ပြသွားတာ ကြည့်လိုက်ရသလိုပဲ။ ကဗျာက အသက်ဝင်လွန်းတယ်။ ဒါကြောင့်လဲ ငါ့ကဗျာလို့ ဖြစ်ချင်သူ များတာ နေမယ်။

ဖန်တီးတဲ့ အနုပညာရှင်ရဲ့ နှလုံးသွေးကို အလေးအနက် တန်ဖိုးထားသင့်ပါတယ်။

phoe thu taw said...

ကိုကောင်းကင် ဘလော့ဂ်မှာ right click လုပ်မရအောင် ကော်ပီ လုပ်မရအောင် protection တစ်ခုခု လုပ်ရမယ် နဲ့တူတယ်။ ဒီတိုင်း ပြောနေလည်း ကူးချင်တဲ့ သူတွေက ကူးကူးသွားတာ တွေ့နေတာများပြီ။ ဘာပဲပြောပြော ရေးသူ နာမည်လေး ထည့်ပေးထားရင် တော်သေးတယ်။ အားလုံးမုဒိတာ ပွားနိုင်ကြပါစေ။
ဖိုးသူတော်

ကိုလူထွေး said...

ကောင်းကင်ကိုရဲ့ ကဗျာတွေကို သူတို့နာမည်တပ်ပြီး အမှတ်ဝင်ယူချင်သူတွေဟာ ဒီကဗျာတွေကို သူတို့ ရင်ထဲမှာ တအားလေးစားပြီး တန်ဖိုးထားတယ် ဆိုတဲ့အကြောင်း ပေါ်လွင်ပါတယ်...

ကိုလူထွေးရေးတဲ့ ကဗျာကိုတော့ ဘယ်သူမှ အရေးတယူလုပ်ပြီး မကူးကြပါဘူး...

ဂုဏ်ယူလိုက်ပါ သူငယ်ချင်းရာ...

ကောင်းကင်ပြာ said...

တို့လဲ ပြန်လာဖတ်တယ် ကောင်းကင်

စုချစ် said...

စိတ်ရှုပ်ရတာကို နားလည်ပါတယ်... ကိုကောင်းကင်ရေ...။

ဒါပေမဲ့ ဖတ်နေကြသူဟာ ကဗျာအရေးအသားကိုဖတ်လိုက်တာနဲ့ နံမည်တတ်မထားတောင်မှ ကိုကောင်းကင် လက်ရာဆိုတာ သိကြပါတယ်။

တချို့က ဘလော့ကနေ စာကောင်းပေမွန်တွေ ဖတ်မိရင် ကိုယ့်သူငယ်ချင်းမိတ်ဆွေကို ဖြန့်ဝေချင်တဲ့ စေတနာနဲ့ စာသားကိုပဲ ကူးယူပြီး email တွေပို့ကြပုံရတယ်။ မူလစာရေးသူကို လေးလေးစားစား credit ပေးရမယ်ဆိုတာ သဘောပေါက် နားလည်ကြပုံမရဘူး။ ဘလော့ဆိုတာ အလကားဖတ်လို့ရတဲ့နေရာလို့ပဲ လွယ်လွယ်ယူဆနေကြတဲ့သူတွေအများကြီးရယ်။

အဒီမှာ စာကကောင်းရင် ကောင်းသလို သူတို့ ပို့လိုက်တဲ့ သူတွေကလည်း တဆင့် mail တွေကို forward လုပ်ကြပြန်နဲ့ အဲသာကို mail က တဆင့်ရတာပါဆိုပြီး တချို့ဘလော့တွေက ပြန်ရေးကြ....။ တချို့ integrity မသိ၊ မရှိတဲ့သူတွေကတော့ ဘာလိုလိုနဲ့ ကိုယ့်နံမည်ကိုယ်ကောက်တတ်ကြ၊ တချို့ကြတော့ ဘာနံမည်မှ မတတ်ထား၊ mail ကရတယ်လို့လည်းမပြောနဲ့ သူတို့ပဲ ရေးသလိုလိုပေါ့။

ဒါပေမဲ့ တဖက်ကတွေးကြည့်တော့လည်း အဲဒီလို ဖြစ်ရတာဟာ ကိုယ့်စာကဘယ်လောက် ကောင်းနေပါတယ်ဆိုတာ၊ လူထုကြားဘယ်လောက်ပြန့်နှံ့တယ်ဆိုတာ သက်သေပေါ့ ကိုကောင်းကင်ရယ်...
း-)
Cheers!
အစဉ်အားပေးနေသော ကဗျာဖတ် ပရိတ်သတ်
စုချစ်

နဒီမိုးညို said...

ကဗျာထဲမှာ အမှန်တ၇ား
ရှာတွေ့ တယ်
အာပေးနေပါတယ်

လဂွန်းအိန် said...

ဒီကဗျာလည်းမိုက်တာပဲဗျ..။

မိုးလှိုင်ည said...

အစ်ကိုရေ ဖြစ်ပြန်ပြီလားဗျာ တော်တော်အရှက်မရှိတဲ့ကောင်တွေပဲ ကဗျာအကြောင်းလည်း နားမလည်ဘူး
ကဗျာဆရာဆိုတာ သမိုင်းရှိတယ့်
ခြေဆင်းလေး ဖတ်ကြည့်တာနဲ့ ဘယ်သူရေးတယ်ဆိုတာ
ကဗျာ ဖတ်နာတဲ့လူကသိတယ် ... ဘယ်လိုကောင်တွေမှန်းကို မသိဘူး
အစ်ကို ကဗျာ ဟန်က ဘယ်လိုလူမှ လိုက်တုလို့ မရဘူးဆိုတာ နားမလည်ဘူး ... အခုဟာ က တိုက်ရိုက်ခိုးချ ကိုယ့်နာမည်ခပ်တည်တည်တပ်နဲ့
တော်တော်တော့ ဟုတ်တဲ့ကောင်တွေပဲ အဲဒါကြောင့်အစ်ကို့ကို ပြောတာ နာမည်ကြီးအောင်မနေပါနဲ့လို့ နာမည်ကြီးတော့ ခဏခဏ ကော်ပီ ပေ့ခ်ျ နဲ့တွေ့နေရတယ်...။

phyowai said...

ကဗျာရေးသားသူ ကောင်းကင်ကို
အစပိုင်းက နေဇော်မျိုး ဆိုပြီး mail forward မှာပါလာပါသဖြင့် ကဗျာရေးသူအမည်မှားပြီး တင်မိပါသည်။
ကျွန်တော်လည်း အတွေ့အကြုံတခုတော့ ရသွားပါပြီ ကိုကောင်းကင်ကိုရေ......

နေသစ် said...

ကိုကောင်းကင်ရေ...
ကျွန်တော် ကိုယ်ပိုင်ဘလော့ခြင်းမှ ရပ်နားခဲ့တာ တော်တော့်ကို ကြာပါပြီ။ စိတ်မကောင်းစွာပဲ ဘလော့လေးကို ခေါက်သိမ်းလိုက်ပါတယ်။ အခု ကျွန်တော် အဆင်ပြေသလို ၀င်ရေးဖြစ်တဲ့ဘလောက
http://twintaung.co.cc သို့ ) http://twintaung.blogspot.com ပါ။ အများဆိုင်ဘလော့လေးပါ။
အစစ အဆင်ပြေပါစေ။

နတ်ပန်းချီ said...

အစ်ကို့ရဲ့ကဗျာတော်တော်များများကိုသဘောကျတယ်ဗျာ..ဒီကဗျာလေးကိုလည်း သဘောကျလွန်းလို့ ကျွန်တော့်
အိမ်လေးမှာ တင်ထားပါရစေ..