Tuesday, February 17, 2009

ကွက်လပ်ထဲမှာ

လူသန်းပေါင်းများစွာကို

လေးငါးစုတည်းခွဲပြီး

တန်ဖိုးဖြတ်မယ့်ကွက်လပ်

ကျွန်တော့် မျက်လုံးတွေရှေ့ မှာ မတ်တပ်ရပ်နေတယ်။


တကယ်တမ်းကျတော့

ကျွန်တော် ယူထားတဲ့နာမည်နဲ့ 

ခင်ဗျားယူထားတဲ့နာမည်

တူချင်လည်း တူလိမ့်မယ်။

ဒါပေမယ့်

လူတိုင်းလူတိုင်းဟာ

ဘယ်သူနဲ့ မှ မတူတဲ့ ညီမျှခြင်းတစ်ကြောင်း

အဖြစ်အပျက်တွေသာ တစ်စက်ပြီးတစ်စက် လောင်းထည့်ကြည့်လိုက်

ကွဲပြားတဲ့ အဇ္ဈတ္တတွေ ရာနဲ့ ချီပြီး ထွက်လာမယ်။


ဒီမယ်ဒီမယ်

သိုးအုပ်တိုင်းမှာတော့ သိုးမည်းတွေ ရှိကြမှာပဲ။

မျက်မှန်စိမ်းတပ်ပြီးရှာမယ်ဆိုရင်

စကြာင်္ဝဠာတစ်ခုလုံး သိမ်းကျုံးရိုက်နိုင်တဲ့ ဝါးလုံးရှည်ကိုတောင်

အလွယ်တကူရမှာပဲ။


ကျွန်တော့် ခေါင်းထဲမှာလည်း မီးလုံးတစ်လုံးရှိတယ်။

သူ့ ခေါင်းထဲမှာလည်း မီးလုံးတစ်လုံးရှိမယ်။

ကိုယ့်ခေါင်းထဲက မီးလုံးကို ကိုယ်အလင်းဆုံးထင်ကြတာပဲ။

ကိုယ့်မီးလုံးနဲ့ ကိုယ်လင်း၊

သူများမီးလုံးကိုတော့ လာမခွင်းကြေး။


ကိုယ်စီ ခြုံထားတဲ့ အရွက်တွေအောက်က

စိတ်ရင်းဆိုတဲ့ သစ်သီး

မမြင်ဖူးသေးပဲနဲ့ မဖြီးပါနဲ့ ။


ကျွန်တော်တို့ အားလုံး

ကိုယ့်ပေတံကို ကိုယ်စီကိုင်ရင်းက

ငြိမ်းချမ်းရေး သီချင်းကိုတိုင်

အပြစ်မဲ့သူချင်းဆိုရင်တော့ ရွေဘော်ထိုး နိုင်ရမယ်။


ကျွန်တော်ကတော့

ကာလာမသုတ်ကိုပဲ ခေါင်းထဲထည့်ထားတဲ့ကောင်၊

ဘယ်သူ့ ကိုမှတော့ မလှောင်ခဲ့ဘူး။


ကမ္ဘာဆိုတဲ့ ရွာထဲမှာ

ကိုယ့်တဲ ကိုယ်ထိုးရင်း

ကိုယ့်ဖဲကိုယ်ချိုး

ကိုယ့်အသည်း ကိုယ်ပျိုးမယ်။


အိုးတိုင်းက ဗီတာမင်တွေကို

ကျွန်တော်နှစ်သက်သလောက်စီ ကျင်မယ်။

ကြိုက်ရင်တော့ စမ်းသောက်ကြေး

မကြိုက်ရင်တော့ ယမ်းမဖောက်ကြေး။


ကျွန်တော်လား?

အကောင်းမြင်စိတ်ကို ပိုက်တစ်ချောင်းလုပ်

အဆီအနှစ်တွေကို နှလုံးသားနဲ့ လိုက်စုပ်မယ်။

တိမ်တစ်တိုက်လို့ သမုတ်ချင် သမုတ်တော့

ကိုယ့်ဘာသာကိုယ်တော့ ပျံနေတဲ့ငှက် လုပ်မယ်။


ကမ္ဘာကျယ်သလောက် မျက်လုံးတွေလိုက်ကျယ်ချင်တဲ့ကောင်မှာ

ငြိမ်းချမ်းရေး ငှက်တစ်ကောင်လည်း ရှိတယ်။

အဲဒီ့ ငှက်အလိုကျ

အချွန်အတက်တွေကိုလည်း မြိုချထားတယ်။


ကဲ ကဲ…

အတွေးတွေကို စီးကရက်လိုခဲ

မျက်လုံးတွေကို စာရွက်ပေါ်ဆီ ဝဲပြီးတော့

စောင့်နေတဲ့ ကွက်လပ်ထဲမှာ

နာမည်တွေ တွဲပြီး ထည့်ပစ်လိုက်တယ်။


ကောင်းကင်ကို

23 comments:

sait phay yar said...

ေ၇း ပထမဦးဆုံးမန့်ရတာဆိုတော့ ပဲများများနဲ့ပြောလိုက်မယ်။ အရမ်းကောင်းတယ်။ မီးမီးကိုကျောတာမဟုတ်ပါဘူးနော်။

ကောင်းကင်ပြာ said...

အဓိပ္ပါယ်ရှိတဲ့ ကဗျာလေးလာဖတ်ပါတယ်

Anonymous said...

အစ်ကို... ကဗျာလေး ခံစားမှုကောင်းဆုံးနဲ့ ဖတ်သွားပါတယ်... အားပေးလျှက်ပါ...




ခင်တဲ့
ခွပ်ဒေါင်းမြေ

Ko Paw said...

ကျနော်ကတော့ အကွက်သုံးကွက် ခွဲလိုက်ချင်တယ်။

အဖြူ၊ မီးခိုးနဲ့ အနက်…

အကွက်သုံးကွက်မှာ
အနက်ကို မုန်းကြသတဲ့။

ထုံးနှစ်တမျှ
ဖွေးလှတဲ့အဖြူ
ဘယ်သူမဆို
နှစ်လိုကြသတဲ့။

ပြဿနာက မီးခိုး။

မီးခိုးကို လက်ခံသူနဲ့
မီးခိုးကို လက်လန်သူ
အမြင်မတူကြပြန်တော့
အဖန်ဖန် ငြင်းခုံကြတယ်။

မီးခိုးဆိုတာ
အနက်လောက် မနက်ပေမယ့်
အဖြူမဟုတ်တာတော့ သေချာတယ်။

ရှင်ရဲထွတ် said...

ကဗျာကောင်းလေး လာခံစားပါတယ်။

Moe Myint Tane said...

အဓိပ္ပါယ်တွေ ပြည့်ဝနေတဲ့ကဗျာလေးပါ။
အဲဒီကွက်လပ်တွေထဲမှာဘဲ ကျွန်တော်တို့ကိုယ်တိုင် ကွက်လပ်လေးတွေ ဖြစ်သွားခဲ့ကြပေါ့..။


စိတ်၏စေရာနာခံလေသော
မိုးမြင့်တိမ်

လင်းဒီပ said...

အင်း...ကျွန်တော်လည်း
ဘယ်အစုထဲ ပါနေပြီလဲ မသိ..

အရုပ်ကလေး said...

ကဗျာကောင်း တစ်ပုဒ်ကို ဖတ်မှတ်သွားတယ် အစ်ကို ..။

BLACK DREAM said...

ကောင်းတယ်အစ်ကို...။

အတွေးတွေကို စီးကရက်လိုခဲ မျက်လုံးတွေကို စာရွက်ပေါ်ဆီ ဝဲပြီးတော့ စောင့်နေတဲ့ ကွက်လပ်ထဲမှာနာမည်တွေ ကိုအတူ တွဲပြီး ထည့်လိုက် ကြစို့...။

စိတ်စမ်းရေ said...

ကမ္ဘာဆိုတဲ့ ရွာထဲမှာ

ကိုယ့်တဲ ကိုယ်ထိုးရင်း

ကိုယ့်ဖဲကိုယ်ချိုး

ကိုယ့်အသည်း ကိုယ်ပျိုးမယ်။


အိုးတိုင်းက ဗီတာမင်တွေကို

ကျွန်တော်နှစ်သက်သလောက်စီ ကျင်မယ်။

ကြိုက်ရင်တော့ စမ်းသောက်ကြေး

မကြိုက်ရင်တော့ ယမ်းမဖောက်ကြေး။


တကယ်ကောင်းတယ်အကို စကားလုံးတွေက ကြောက်စရာကောင်းလိုက်တာ။

အိုင်လွယ်ပန် said...

ကျွန်တော်အရင်ကပြောခဲ့ဖူးသလိုပါပဲ
အစ်ကို့ စကားလုံးတွေရဲ့အင်အားကို
အရမ်းလေးစားတယ်အစ်ကိုရေ .........

ဆောင်းယွန်းလ said...

တကယ်တမ်းကျတော့
ကျွန်တော် ယူထားတဲ့နာမည်နဲ့ 
ခင်ဗျားယူထားတဲ့နာမည်
တူချင်လည်း တူလိမ့်မယ်။
ဒါပေမယ့်
လူတိုင်းလူတိုင်းဟာ
ဘယ်သူနဲ့ မှ မတူတဲ့ ညီမျှခြင်းတစ်ကြောင်း
အဖြစ်အပျက်တွေသာ တစ်စက်ပြီးတစ်စက် လောင်းထည့်ကြည့်လိုက်
ကွဲပြားတဲ့ အဇ္ဈတ္တတွေ ရာနဲ့ ချီပြီး ထွက်လာမယ်။

သိပ်မှန်တာပေါ့ ညီလေးရာ..ကဗျာတစ်ပုဒ်လုံး အနှစ်ချည်းပါပဲ.....

နှင်းပွင့်ဖြူလေး said...

ဒီမယ်ဒီမယ်
သိုးအုပ်တိုင်းမှာတော့ သိုးမည်းတွေ ရှိကြမှာပဲ။
မျက်မှန်စိမ်းတပ်ပြီးရှာမယ်ဆိုရင်
စကြာင်္ဝဠာတစ်ခုလုံး သိမ်းကျုံးရိုက်နိုင်တဲ့ ဝါးလုံးရှည်ကိုတောင်
အလွယ်တကူရမှာပဲ။

ဒီတစ်ပိုဒ်ကိုကြိုက်တယ်

ကိုရင်နော်ခင်လေးငယ် said...

ကိုကောင်းကင်..

အကောင်းတွေစုထားတဲ့ ကဗျာထဲက မရအရ ရွေးထုတ်ရမယ်ရင်တော့...
ဒီနေရာလေးတွေ အကြိုက်ဆုံးပါဘဲ..

((ကြိုက်ရင်တော့ စမ်းသောက်ကြေး မကြိုက်ရင်တော့ ယမ်းမဖောက်ကြေး။
ကျွန်တော်လား? အကောင်းမြင်စိတ်ကို ပိုက်တစ်ချောင်းလုပ် အဆီအနှစ်တွေကို နှလုံးသားနဲ့ လိုက်စုပ်မယ်။ ))

((ဒါပေမယ့် လူတိုင်းလူတိုင်းဟာ ဘယ်သူနဲ့ မှ မတူတဲ့ ညီမျှခြင်းတစ်ကြောင်း အဖြစ်အပျက်တွေသာ တစ်စက်ပြီးတစ်စက် လောင်းထည့်ကြည့်လိုက် ကွဲပြားတဲ့ အဇ္ဈတ္တတွေ ရာနဲ့ ချီပြီး ထွက်လာမယ်။))

((ကိုယ်စီ ခြုံထားတဲ့ အရွက်တွေအောက်က စိတ်ရင်းဆိုတဲ့ သစ်သီး မမြင်ဖူးသေးပဲနဲ့ မဖြီးပါနဲ့ ။
ကျွန်တော်တို့ အားလုံး ကိုယ့်ပေတံကို ကိုယ်စီကိုင်ရင်းက ငြိမ်းချမ်းရေး သီချင်းကိုတိုင် အပြစ်မဲ့သူချင်းဆိုရင်တော့ ရွေဘော်ထိုး နိုင်ရမယ်။))

ခင်မင်စွာ လေးစား ဦးညွှတ် အားပေးလျှက်..
... ... ...

lwunthu said...

ကိုယ်စီ ခြုံထားတဲ့ အရွက်တွေအောက်က
စိတ်ရင်းဆိုတဲ့ သစ်သီး
မမြင်ဖူးသေးပဲနဲ့ မဖြီးပါနဲ့ 
.....
ကြိုက်တယ်ကိုကောင်းရာ လန်းတာမှ လန်ထွက်နေတယ် တော်တော်ထိတဲ့ လက်ပစ်ဗုံး အားပေးနေတယ်ကိုကောင်းများများရေးဗျာ အားရင်...

Mhu Darye said...

ကြိုက်ရာသာ ပြန်ကူးချ ရေးရကြေးဆို.. တစ်ပိုဒ်လုံးပဲ။
အဓိပ္ပာယ် လက်တစ်ရွေးသားမှ မလျှော့ဘူး...ရှယ်စိမ့်။ ဖတ်သွားတယ်။

mgngal said...

ကောင်းလိုက်တဲ့ ကဗျာ ။
ဒီမယ်ဒီမယ် သိုးအုပ်တိုင်းမှာတော့ သိုးမည်းတွေ ရှိကြမှာပဲ။
မှန်၏။ အမည်တွဲလိုက်ပြီ ။း)

chitmawa said...

ကမ္ဘာဆိုတဲ့ ရွာထဲမှာ
ကိုယ့်တဲ ကိုယ်ထိုးရင်း
ကိုယ့်ဖဲကိုယ်ချိုး
ကိုယ့်အသည်း ကိုယ်ပျိုးမယ်။

အကြိုက်ဆုံး အပိုဒ်။ အရမ်း ဖတ်လို့  ကောင်းသည်။

ရွှေရောင်ကောင်းကင် said...

"ကျွန်တော့် ခေါင်းထဲမှာလည်း မီးလုံးတစ်လုံးရှိတယ်။
သူ့ ခေါင်းထဲမှာလည်း မီးလုံးတစ်လုံးရှိမယ်။
ကိုယ့်ခေါင်းထဲက မီးလုံးကို ကိုယ်အလင်းဆုံးထင်ကြတာပဲ။
ကိုယ့်မီးလုံးနဲ့ ကိုယ်လင်း၊
သူများမီးလုံးကိုတော့ လာမခွင်းကြေး။ "

ကဗျာ တစ်ခုလုံးမှာ ဒီစာပိုဒ်လေးကို ပိုသဘောကျမိပါတယ် ။ အရမ်းကောင်းတဲ့ ကဗျာ လေးပါ ။ ကိုယ့်ခေါင်းထဲမှာ ရှိတဲ့မီးလုံးတစ်လုံးနဲ့ လောကကြီးရဲ့တစ်ဒေါင့်တစ်နေရာမှာပဲဖြစ်ဖြစ် အကျိုးပြုနိုင်တဲ့ အလင်းဖြစ်ပါစေလို့ဆုတောင်းပေးပါတယ် ။ အဆင်ပြေပါစေ အစ်ကို ။

အိန္ဒြာ said...

ကောင်းကင်ကိုရေ..

သူများ ၃ ပုဒ်စာလောက်အတွေးတွေကို
တစ်ပုဒ်ထဲ သိုးသိုးသွက်သွက်
ပြောင်ပြောင်မြောက်မြောက်ကြီးချချရေးပြနိုင်တာကို
လေးစားပါတယ်...

myooo.nyan said...

စိတ်ကူးတွေ အတွေးတွေ... စကားလုံးအားတွေ သိပ်ကောင်းတယ် ကိုကောင်းကင်ရေ. .. ဖတ်မှတ်ခံစားရသမျှ ကျေးဇူးပါဗျို့

Htoo Myat said...

"ကျွန်တော့် ခေါင်းထဲမှာလည်း မီးလုံးတစ်လုံးရှိတယ်။
သူ့ ခေါင်းထဲမှာလည်း မီးလုံးတစ်လုံးရှိမယ်။
ကိုယ့်ခေါင်းထဲက မီးလုံးကို ကိုယ်အလင်းဆုံးထင်ကြတာပဲ။
ကိုယ့်မီးလုံးနဲ့ ကိုယ်လင်း၊
သူများမီးလုံးကိုတော့ လာမခွင်းကြေး။"

တကယ် သဘောကျတယ်ဗျို့...

Nga Thaw said...

အရမ်းကြိုက်ပါတယ်။
ကူးယူထားလိုက်ပါတယ်။
နောက်ထပ်လည်းကဗျာကောင်းလေးတွေ
အများကြီးရေနိုင်ပါစေ။