Monday, July 28, 2008

နိုင်ငံရေး ဟာသ များ

အောက်တိုဘာတုန်းက ရေးခဲ့တဲ့ ဟာသ လေးတွေကို ပြန်ပြီးတင်လိုက်ပါတယ်။ တစ်ချို့ နေရာတွေကို နည်းနည်း ပြင်ထားပါတယ်။

ခေတ်သစ် သတင်းစာပညာ
အယ်ဒီတာပေါက်စတစ်ယောက်ငိုက်စိုက်ငိုက်စိုက်နဲ့  ဆရာကြီးအာလူးဆီကိုရောက်လာတယ်။
ဆရာကြီးအာလူး။“ဟေ့လူ၊ခင်ဗျားကြည့်ရတာစိတ်မချမ်းသာလိုက်တာ၊တခုခုကိုစိုးရိမ် နေသလိုပဲ၊”

အယ်ဒီတာ။ ။ “အေးဗျာ၊ အယ်ဒီတာလုပ်ရတာလဲ မစားသာဘူး၊ ကိုယ်ဝါသနာ ပါတဲ့ အလုပ်ကို တနေ့ တခြားရွံရွံလာပြီ။ စိစစ်ရေးဝင်ရင်လဲ မိုက်မိုက်ရိုင်းရိုင်း အဆဲခံရသေးတယ်၊ဟိုဟာ မထည့် ရ၊ ဒီဟာမထည့် ရနဲ့ ။”

ဆရာကြီးအာလူး။ ။ “ဘာတွေများမထည့် ရလို့ လဲ၊ ပြောစမ်းပါဦး”

အယ်ဒီတာ။ ။ “ဥပမာဗျာ၊ ကုန်ဈေးနှုန်းကျရင်တော့ ထည့် လို့ ရတယ်။ တက်သွားရင်ထည့် လို့ မရဘူး။”

ဆရာကြီး။ ။ “သူတို့ ကမှန်သားပဲ။ ခင်ဗျားကိုက ပိန်းတာ။ ဒီမယ်ကိုယ့် လူ၊ ထူးခြားမှုရှိမှ သတင်းလို့ ခေါ်တယ်။ လူတိုင်းသိပြီးသားကိစ္စက သတင်းမဟုတ်ဘူး။ ကုန်ဈေးနှုန်းတက်တာ က အမြဲတမ်းဖြစ်နေတာ။ သတင်းမဟုတ်ဘူး။ ကျတာက တခါတရံ မှဖြစ်လို့ သတင်း။ အဲ လိုပဲ၊ မီးပျက်တာလဲ လူတိုင်းသိပြီးသား။ အထူးအဆန်း ကိစ္စ မဟုတ်ဘူး။ မီးမှန်ရင်သာ သတင်း။”

အယ်ဒီတာ။ ။ “ဒါဆိုရင် ဒင်းဒို့ တတွေ ဘုရားတွေကို နေ့ တိုင်း အယောင်ဆောင်သွားဖူးပြီး သူတော်ကောင်းယောင်ဆောင်နေတာကော။ အဲဒါက နေ့ တိုင်းလေ။ထူးခြားမှုမရှိပဲ ဘာလို့ TV သတင်းထဲမှာ ထည့် လဲ။”

ဆရာကြီး။ ။ “ဟ၊ထူးခြားတာပေါ့။ လူတွေဘုရားရှိခိုးရင်တော့ မဆန်းဘူး။ သတင်းမဟုတ်ဘူး။ တိရစ္ဆာန်တွေ ဘုရားရှိခိုးတာ မြင်ဘူးလို့ လား။ အဲဒါသတင်းပေါ့ ။”

အယ်ဒီတာ။ ။ “မှားပါတယ်။ ဒါဆိုရင် ငြိမ်းချမ်းစွာဆန္ဒပြတဲ့ သံဃာတော်တွေ၊ကျောင်းသားပြည်သူတွေကို အကြမ်းဖက်နှိမ်နင်းတာကော။ အဲဒါကျ ဘာလို့ မထည့် လဲ။”

ဆရာကြီး။ ။ “ခင်ဗျားကလဲ၊ ပိန်းပြန်ပြီ။ သတင်းလောကမှာ ဆိုရိုးရှိတယ်။ လူကခွေးကို ကိုက်မှသတင်း။ ခွေးကလူကို ကိုက်တာ သတင်းမဟုတ်ဘူး၊ သူ့ သဘာဝ။ ကိုက်မှာပဲ။မြဲမြဲမှတ်ထားကိုယ့် လူ။”

အယ်ဒီတာ။ ။ “မေးမိတာ မှားပါတယ်ဗျာ။”

ကောင်းကင်ကို

စစ်သံဃာ့ တက္ကသိုလ်

နရာ။ ။ မြန်မာနိုင်ငံ

အချိန်ကာလ။ ။ ငြိ်မ်းချမ်းစွာ ဆန္ဒပြကြသောသံဃာတော်များကို စစ်အစိုးရမှ အကြမ်းဖက်ဖြိုခွဲပြီးသကာလ။

ဇာတ်ကောင်။ ဂျိုကုပ်ကြီးများ (အဲနွားလောက မီဒီယာတွေမှာတော့ ဒင်း(ဗိုလ်ချုပ်ကြီးတွေ) တို့ ကို သူတို့ နဲ့ နှိုင်းရကောင်းလားဆိုပြီး နွားတွေကနာပြီးတော့ ကျွန်တော့် ကို စာလုံးအမည်းကြီးတွေနဲ့  အကြီးအကျယ် ရှုတ်ချနေမလားပဲ။) :-D

ဂျိုကုပ်ကြီးများ သူတို့ ကုလားထိုင်လှုပ်လာလို့  တကိုယ်လုံးက ရှိသမျှ အင်္ဂါတွေတုန်အောင်ကြောက်ပြီး တိုးတိုးတိတ်တိတ် အစည်းအဝေးလုပ်ကြပါတယ်။

ဂျိုကုပ်မှူးကြီး။ ။ငါတို့ ရဲ့  မီဒီယာ ကို ပလီပလာ နဲ အဲမီဒီိယာကို မီဒီယာနဲ့ တိုက်မယ်ဆိုတဲ့ အစီအစဉ် မအောင်မြင်ပါလား။

ဂျိုကုပ်ကြီးတဦး။ ။ မပူပါနဲ့  ဂျိုကုပ်မှုးကြီးရဲ့ ၊ အဲဒီအစီအစဉ်မအောင်မြင်လို့  ပုဂံနတ် (bagannet) ကြီးကို အနားယူခိုင်းထားပါတယ်။ ခုဆို ပုဂံနတ် (bagannet) ကြီး နတ်ပြည်မှာ အေးအေးဆေးဆေးနှပ်နေရောပေါ့ ။ခုဆို လူတွေကြားထဲမှာ စကားပုံတခုခောတ်စားနေတယ်။ “internet ရတဲ့ ခဏဒုလ္လဘ၊ မီးလာတဲ့ ခဏဒုလ္လဘတဲ့

ဂျိုကုပ်မှူးကြီး။ ။အေးဗျာ။ ဟိုရက်တွေကဆို ကျုပ်ဖြင့် ဆက်ဒမ်ဟူစိန်ကြီး လည်ပင်းမှာ ကြိုးတန်းလန်းနဲ့ သေနေတဲ့ပုံကြီးပဲ မြင်ယောင်ပြီးအိပ်လို့ မပျော်ဘူး။ ပေါင်ချိန်ကြည့် လိုက်တာ ၀.၃၆၂၁ ပေါင်တိတိ် လျော့သွားတယ်။ ကိုယ့်ကိုယ်ကို ဂရုစိုက်ဦးမှ။ ဒါနဲ့ နေပါဦး။ ဘုန်းကြီးကျောင်းတွေကို ဝင်စီးတဲ့ ကိစ္စကော ကျုပ်ခိုင်းတဲ့အတိုင်းလုပ်ကြရဲ့ လား။ ဘုန်းကြီးတွေက ဘာလုပ်လုပ် မကြောက်ကြဘူးဗျာ။ ကျူပ်တော့လန့်လာပြီ။ ဘယ်လို လုပ်ရမလဲ။ အကြံပေးကြစမ်းပါဦး။

ဂျိုကုပ်ကြီးတတွေ ပြောရင်းဆိုရင်းနဲ့ ရုတ်တရက်ကြောက်ဒူးတုန်သွားပြီး အစည်းအဝေးအခန်းကြီး တခုလုံးတိတ်သွားတယ်။ အဲဒီ့ အချိန်မှာ ခပ်ဂေါက်ဂေါက် အကြံဥာဏ်တွေ အမြဲတမ်းပေးလေ့ရှိတဲ့  ဂျိုကုပ်ကြီးတယောက် က ထတဲ့ပြီး လွယ်ပါတယ်၊ဂျိုကုပ်ကြီး ၊ ခုဆိုရင် ကျုပ်တို တွေ ဆရာဝန်တွေ၊အင်ဂျင်နီယာတွေ သပိတ်မှောက်မှာ မပူရတော့ဘူး။ ကျုပ်တို့ မှာ စစ်ဆေးတက္ကသိုလ်၊စစ်အင်ဂျင်နီယာတက္ကသိုလ်တွေရှိပြီလေ။ ခုလဲ ကျုပ်တို့  စစ်သံဃာ့တက္ကလိုလ်ဆို ပြီ်းဖွင့်လိုက်ကြတာပေါ့ ဂျိုကုပ်ကြီးရဲ့ ။ ဝင်ခွင့် အရည်အချင်းက တခြားဘာမှမလိုဘူး။ကျုပ်တို့ ဂျိုကုပ်မျိုးနွယ်ပဲ ဖြစ်ရမယ်။မကောင်းဘူးလား၊လို့ ပြောလိုက်တယ်။ အဲဒီ့မှာ ခပ်ဂေါက်ဂေါက် idea ကို ခပ်ဂေါက်ဂေါက် ဂျိုကုပ်ကြီးတွေရဲထောက်ခံသံတွေ၊ ငှက်ဆိုးထိုးသလို ရယ်သံကြီးတွေနဲ အစည်းဝေးအခန်းကြီးတခုလုံး ဆူညံသွားပါတော့တယ်။

ကောင်းကင်ကို

ဗိုလ်ချုပ်မှူးကြီး တိုင်းခန်းလှည့်လည်ခြင်း

(ရုရှား ဟာသတပုဒ်ကို အနည်းငယ်မှီငြမ်းထားပါတယ်)

တနေ့ မှာပေါ့ ။ ဘုရင်ရူး ရူးနေတဲ့ ဗိုလ်ချုပ်မှူးကြီးတယောက်ဟာ ရှေးရှေးတုန်းက ဘုရင်တွေကို အားကျပြီး တိုင်းခန်းလှည့်လည်ဖို့ အကြံရသတဲ့။ ဗိုလ်ချုပ်မှူးကြီးက ရှေးက ဘုရင်တွေလို ရုပ်ဖျက်စရာတော့ မလိုဘူး။ သူ့ ရုပ်က နဂိုကတည်းကပျက်ပြီးသားမို့ လို့  :-D ဘယ်နှယ့်ဗျာ။ မြန်မာပြည်က ကာတွန်းဆရာတွေ၊ရုပ်ပြောင်ရေးတဲ့ဆရာတွေ က ဗိုလ်ချုပ်မှူးကြီးကို ခွေးတွေ၊ဝက်တွေ နဲ့့ များနှိုင်းရတယ်လို့ ။ ခွေးတွေ၊ ဝက်တွေက အပုံကြီးပိုချောပါတယ်ဗျ။ :-D အဲဒါနဲ့ ခွေးတွေ ၊ဝက်တွေ၊ရှိသမျှအကောင်ပလောင်တွေ အားလုံး မခံမရပ်နိုင်ဖြစ်ပြီးတော့ သူတို့ ကို ဗိုလ်ချုပ်မှူးကြီးနဲ့ မနှိုင်းကြဖို့ စုပြီး တိရစ္ဆာန်များသဘောထားဆိုပြီး ကြေငြာချက်တွေ၊ မေတ္တာရပ်ခံချက်တွေ ထုတ်ကြတယ်ဆိုပဲ။

အဲဒါနဲ ဗိုလ်ချုပ်မှူးကြီး တိုင်းခန်လှည့်လည်ရောဆိုပါတော့။ ဗိုလ်ချုပ်မှူးကြီးတိုင်းခန်းလှည့်လည်တာလဲ ဗိလ်ချုပ်များရာဇဝင်မှာ စာတင်လောက်တယ်ဗျို့ ။ ပထမ night club တွေကိုချည်း ဗူးခန်းလှည့်လည်၊ အဲလေယောင်လို့ …..တိုင်းခန်းလှည့်လည်တယ်။ နောက်တော့ အနံ့ ထွက်နေတဲ့ model girl တွေဆီကို(သတင်းအနံ့ ကိုပြောတာနော်။ တခြားအနံ့ ဟုတ်ဘူး။ ) တိုင်းခန်းလှည့်လည်တယ်။ ဒါပေမယ့် ဘယ်နေရာကမှ ဗိုလ်ချုပ်မှူးကြီးကို ကောင်းကောင်း မကြိုဆိုကြဘူးတဲ့။ ဗိုလ်ချုပ်မှူးကြီးလဲ ငြီးငွေ့့ လာရောဆိုပါတော့။ အဲဒါနဲ့  ပညာရေးဘက်လှည့်ဖို့  ပညာရေးဝန်ကြီး (ခဏခဏ စနစ်တွေ၊ syllabus တွေ ပြင်ပြီး ကျောင်းသားတွေကို ညာနေလို့  ပညာရေးဝန်ကြီးလို့ ခေါ်တာ။) ပညာရေးဝန်ကြီးနဲ့ တိုင်ပင်ပြီးတော့ ကျောင်းတွေဆီကို တိုင်းခန်းလှည့်လည်ဖို့  စိတ်ကူးရသတဲ့။ ဒါပေမယ့် ဗိုလချုပ်ကြီးက သူ့ ကိုယ်သူ သိတယ်။ တက္ကသိုလ်တွေ မပြောနဲ့ ၊ မူလတန်းကျောင်းကိုတောင်မသွားရဲ ဘူး။ သူ့ ကိုကျောင်းသားတွေက ဝိုင်းပြီး ဘေလိုက်ရင် အမြီးတခြားကိုယ်တခြားအဲလေယောင်လို့  ….ခေါင်းတခြားကိုယ်တခြား ဖြစ်သွားမှာစိုးလို့ မသွားရဲဘူးတဲ့။ အဲဒါနဲ့  မူကြိုကျောင်းကိုပဲ သွားဖို့  ဆုံးဖြတ်လိုက်တယ်တဲ့။ ထုံးစံအတိုင်းပဲ မူကြိုကျောင်းကို ဘယ်နေ့ ဘယ်ရက်ဘယ်နှစ်နာရီ၊ဘယ်နှစ်မိနစ်၊ဘယ်နှစ်စက္ကန့် မှာ ရုတ်တရက်ရှောင်တခင် အမှတ်အထင် ဝင်စစ်ဆေးမယ်ဆိုတာ အတိအကျ ကြိုတင်သတင်းပေးရတာပေါ့။ အဲဒါနဲ့  မူကြိုကျောင်းက ဖားဖို့ စိတ်စော နေတဲ့ ဆရာမကလည်း ဘုစုခရုလေးတွေနဲ့  ဇာတ်တိုက်လေ့ကျင့်ရတော့တာပေါ့။ဗိုလ်ချုပ်မှူးကြီး ချမ်းသာပါစေ" ဘာညာပေါ့ဗျာ၊) အဲဒီမှာ ဘုစုခရုလေးတစ်ယောက်က သူ့ အိမ်မှာ ကြောင်မကြီးက ကြောင်လေးတွေ မွေးတယ်တဲ့။ ကြောင်လေးတွေက သူခိုးများညီလာခံ အဲလေ… အမျိုးသားညီလာခံက ချမှတ်ထားတဲ့ အခြေခံဥပဒေ ကို ထောက်ခံပါတယ်တဲ့။ တကယ်ဗိုလ်ချုပ်မှူးကြီး လာတဲ့နေ့ လည်းရောက်ရော မူကြိုက ဆရာမလေးလည်း ဝမ်းသာအားရနဲ့  ကြောင်လေးတွေ အကြောင်းပြောပြီး ဖားတော့တာပေါ့။ ဗိုလ်ချုပ် ကြီးလည်း သူတို့ လုပ်တာ ထောက်ခံမယ့်သူရှိလို့ ဝမ်းသာအားရဖြစ်ပြီးတော့ ဘုစုခရုလေးကို ကိုယ်တိုင်မေးတော့တာပေါ့။ အဲဒီမှာ ပြဿနာ တက်တော့တာပဲ။ ဘုစုခရုလေးက အခု ကြောင်လေးတွေလည်း မထောက်ခံတော့ဘူး။ အဲဒီတုန်းက သူတို့  မွေးကာစ ဆိုတော့ မျက်စေ့ကောင်းကောင်း မပွင့် သေးဘူးလေ။ အခု မျက်စေ့ပွင့်လာပြီ တဲ့။

ကောင်းကင်ကို

ဗိုလ်ချုပ်ကြေးရုပ် ပြောတဲ့ စကား

အချိန်ကတော့ ဗိုလ်ချုပ်ကြီးနေဝင်းရဲ့  အိမ်စောင့်အစိုးရလက်ထက်ပေါ့။ သိတယ်မို့ လား။ အိမ်စောင့်တယ်ဆိုတာက ခွေးလေ။အိမ်စောင့်အစိုးရဆိုတော့….. :-D

အဲဒီ အိမ်စောင့်အစိုးရလက်ထက်မှာ ဗိုလ်မှူးတယောက်က ကျန်းမာရေးအတွက် ရန်ကုန်က ကန်တော်ကြီးကို ပတ်ပြီးလမ်းလျှောက်သတဲ့။ တနေရာရောက်တော့ အဲဒီဗိုလ်မှူးက သူ့ ကိုခေါ်သံကြားလို့ လှည့်ကြည့်လိုက်တော့ ဗိုလ်ချုပ်ကြေးရုပ်က လှမ်းပြီးခေါ်တာ ဖြစ်နေလို့ အရမ်းအံ့သြသွားသတဲ့။ အဲဒီဗိုလ်ချုပ်ကြေးရုပ်က မတ်တတ်ရပ်နေတဲ့ကြေးရုပ်ပါ။

ဗိုလ်ချုပ်ကြေးရုပ်။ ။ငါဒီအတိုင်း ရပ်နေရတာ ညောင်းပြီကွာ၊ အဲဒါ

စိတ်မြန်တဲ့ ဗိုလ်မှူးက ဗိုလ်ချုပ်ရဲ့ စကားဆုံးအောင်တောင်မစောင့်ဘူး။
သိပြီ၊ ဗိုလ်ချုပ်။ ကျွန်တော်ဗိုလ်ချုပ်အတွက် ကုလားထိုင်တလုံး

ဗိုလ်ချုပ်လည်းရုတ်တရက်ဒေါသထွက်သွားပြီး အဲဒီ့ဗိုလ်မှူးရဲ့ စကားဆုံးအောင်မစောင့်တော့ပဲဟေ့ကောင်၊တော်စမ်းငါလွတ်လပ်ရေးရအောင်လုပ်ခဲ့တာ ကုလားထိုင် မက်လို့ မဟုတ်ဘူးကွ။ တိုင်းပြည်ကိုချစ်လို့ လုပ်ခဲ့တာ။ဒါပေမယ့် ငါရပ်နေရတာ ညောင်းပြီကွာ၊ တခြားကြေးရုပ်တွေလိုမြင်းစီးချင်တယ်။

သိတဲ့အတိုင်းပဲဗျာ။သာမန်ဗိုလ်မှူးလေးမှာက ဘာအာဏာပါဝါ မှမရှိဘူးလေ။ ဒီတော့ဦးနေဝင်းကြီးကိုတင်ပြရတော့တာပေါ့။ဒါပေမယ့်ဦးနေဝင်းကြီးက ဗိုလ်ချုပ်ကြေးရုပ်က စကားပြောတယ် ဆိုတာကိုမယုံဘူးတဲ့။ သူကိုယ်တိုင်မေးမယ်ဆိုလို့ ဗိုလ်မှူးလေးလဲ သူ့ ကို ဗိုလ်ချုပ်ကြေးရုပ်ဆီ ခေါ်သွားရတော့တာပေါ့။

အဲဒီမှာ ပြဿနာ စတက်တော့တာပဲ။ဗိုလ်ချုပ်ကြေးရုပ်က ဦးနေဝင်းကြီးကိုလဲမြင်ရော ဗိုလ်မှူးလေးကိုဒီလိုလှမ်းပြောလိုက်သတဲ့ ဟေ့ကောင်၊ ငါစီးချင်တာမြင်းကွ၊ မင်းကဘာလို့ နွားကြီး ခေါ်လာရတာလဲ

ကောင်းကင်ကို

မှတ်ချက်။ ။ မောင်ကောင်းထိုက်ရဲ့  နိုင်ငံရပ်ခြားဟာသများဆိုတဲ့ စာအုပ်တစ်အုပ်ထဲက ဟာသတစ်ပုဒ် (ဦးနေဝင်း နေရာမှာတော့ တခြား အာဏာရှင်ပေါ့) ဖတ်ခဲ့ဖူးတာကို အခြေခံပြီး ရေးထားပါတယ်။ စာရေးဆရာ ဗိုလ်မှူးသော်က (တိုက်ရေယာဉ် ၁၀၃) ကလည်း ဒီပုံပြင်ကို ပြောပြခဲ့တယ်လို့ သိရပါတယ်။

ကျောင်းစောင့်

၁၉၉ ခုနှစ်တုန်းက ကျွန်တော့်သူငယ်ချင်းတစ်ယောက် ကရာတေးသင်တန်းသွားအပ်တော့ ကရာတေးဆရာက မေးပါတယ်။
မင်း ဘာလုပ်တုန်း။
ကျောင်းစောင့်

ကရာတေးဆရာလည်း သိပ်လက်ကြောမတင်းပုံရတဲ့ ငနဲက ပေါက်ပေါက်ရှာရှာ ကျောင်းမှာ ညစောင့်လုပ်တယ်ဆိုတော့အံ့သြသွားတာပေါ့။

ဘယ်ကျောင်းမှာလဲ။
မဟုတ်ဘူး။ ကျောင်းတွေ အကြာကြီးပိတ်ထားတာ ပြန်တက်ဖို့  စောင့်နေရလို့ ကျောင်းစောင့်လို့ ပြောတာ။

ကောင်းကင်ကို
to download ebook click here

1 comment:

လင်းလက်ကြယ်စင် said...

ဖတ်ရင်းနဲ့ ပြုံးမိပါတယ် အကိုရေ .. ။ ရေးတတ်ပါပေတယ် .. ။