အဲဒီ့အထဲက ကဗျာနှစ်ပုဒ်ကိုလည်း ပြန်တင်လိုက်ပါတယ်။
ချစ်သူ့ ပါးလေး နှစ်ဘက်ပေါ်မှာ
မပွင့်တပွင့် နှုတ်ခမ်းလေးက
မောင်လို့ တစ်ခွန်း ခေါ်လိုက်တိုင်း မှာ
သံယောဇဉ် ဝက်အူက
ရင်ကို တစ်ရစ်တင်းတယ်။
ချစ်သူ့ နှုတ်ခမ်းဖျားမှာ
မုန်တိုင်းတစ်ခု ဖွဖွကလေး တိုက်ရင်တောင်
ငါက…နှလုံးသားတစ်ခုလုံး ဒေါင်ချာစိုင်းတဲ့ကောင်ပါ။
ပတ္တမြားသွေးနဲ့ 
ချစ်စရာနှုတ်ခမ်းလေးမှာ
စကားလုံးလေးတွေက တတွတ်တွတ်နဲ့ ပွင့်တယ်။
မာယာ သကြားတွေ ထည့်မထားတဲ့
စကားလုံး ရိုးရိုးလေးတွေက
ဘာကြောင့် ဒီလောက်ချိုနေရတာလဲ။
အဲဒီ့ စကားလုံးလေးတွေကိုပေါ့
ငါ…ဝိုင်အရက် ချက်ပြီး တညလုံးမူးခဲ့တာ။
မျက်လုံးခြင်း ဆုံလိုက်တဲ့ အခိုက်အတန့် မှာ
အကြင်နာမြစ်တစ်စင်းက ငါ့သွေးကြောထဲကို ဖြတ်စီး
ခဏလေး လက်သွားတဲ့ လျှပ်စီးရောင်အောက်မှာ
အသည်း သဏ္ဍန်တိမ်စိုင်လေးတစ်ခုကို
ဝိုးတဝါးနဲ့ တွေလိုက်ရတယ်။
ဒါ ချစ်ခြင်းရဲ့ နိမိတ်လား။
လမင်းရဲ့ ဆွဲငင်အားနဲ့ 
သံယောဇဉ် ဒီရေတွေတရိပ်ရိပ်တိုး
နှလုံးသား ဆည် ကျိုးတဲ့နေ့ ကပေါ့။
ဟန်တစ်ခွဲသားနဲ့ အဖြူရောင် တံတိုင်းကြီးလည်း
တိုးတိုးလာတဲ့ ချစ်ခြင်း တွေကို ထမ်းပိုးရင်းက
မနိုင်မနင်းနဲ့  သူ့ အလိုလို ပြိုကျ၊
ချစ်စကားတွေ ငါ့နှုတ်ခမ်းက အလုအယက် ခုန်ထွက်လာတုန်းကပေါ့။
စကားလုံးတွေ တစ်လုံးနဲ့ တစ်လုံး ခလုတ်တိုက်မိပြီး
ငါ့စကားတွေက ထစ်သွားလိုက်တာ။
နှစ်ယောက်စလုံးရဲ့ ရင်ခုန်သံတွေက
တိတ်ဆိတ်မှုကိုဖြို
ချစ်သူ့ မျက်နှာမှာ
ရှက်သွေးတွေစိုသွားတဲ့ခဏပေါ့။
ငါ…လမင်းနီနီကို ပထမဆုံးအကြိမ် မြင်လိုက်ရတယ်။
ကျေးဇူးပြုပြီး တိတ်ပေးကြပါ
ဝင်သက်ထွက်သက်တို့ ၊
ချစ်သူ့ ပါးလေး နှစ်ဘက်ပေါ်မှာ
နှင်းဆီ တစ်ပွင့်စီ အိပ်နေလို့ ။
ကောင်းကင်ကို
**************
အနမ်းလှေမဲ့ ကမ်းခြေနှစ်ဘက်
ခြောက်ကပ်ပြီး ပတ်ကြားအက်နေတဲ့
ငါ့နှလုံးသာ ဥယျာဉ်ထဲမှာ
ကန္တာရတို့ အဆုပ်လိုက် ပွင့်နေတယ်။
ညပေါင်း တစ်သောင်းကျော်စောင့်တာတောင်
ငါမျှော်နေတဲ့ လမင်းက
အခုထိ မသာသေးဘူး။
ငါဟာ
အချစ်ရဲ့ ပွင့်ချပ်တွေကို
ငါ့ဘဝလှေငယ်မှာ ရွက်တပ်ဖို့ 
မဝံ့မရဲ စောင့်နေရတဲ့ သူပါ။
ခြေလှမ်းတလှမ်းလှမ်းလိုက်တိုင်း
အထီးကျန်မှုတွေက
ငါ့နောက်က တကောက်ကောက် လိုက်လာတယ်။
ကြွေရှာတဲ့ သစ်ရွက်တွေမှာတောင်
ခိုစရာမြေပြင်ရှိသေးတယ်၊
ဝေဒနာနဲ့ နှစ်ရက်တွေမှာငါ
ငိုစရာရင်ခွင် မရှိဘူး။
ကံကြမ္မာက အတင်းပစ်ချလိုက်တဲ့တိုက်ပွဲမှာ
လောကဓံရဲ့  လက်သီးချက်တွေနဲ့ 
ဘဝက ခဏခဏ ကွဲတယ်။
ဒဏ်ရာဒဏ်ချက်တွေထဲက
စိမ့်ထွက်လာတဲ့သွေးတွေကို
အကြင်နာလက်တွေနဲ့ 
ဘယ်သူလာ ဆေးထည့်ပေးပါ့မလဲ။
သြော်...
ငါ့ပါးနှစ်ဘက်ကမ်းခြေမှာ
အားတက်စေမဲ့ “အနမ်းလှေ” ဟာ
ဘယ်အချိန်လာရောက် ဆိုက်ကပ်လေမလဲ။
ကောင်းကင်ကို
Posts
12 comments:
အကိုကြီးရေ ဦးဦးဖျားဖျား ဒေါင်းလော့ဆွဲသွားပါကြောင်း :)
အချစ်ကဗျာလေးတွေ download လုပ်သွားတယ်… ကဗျာ မျက်နှာဖုံးလေးက လှတယ်… ပါးချိုင့်လေးက ကြိုက်ရဲ့လား… အဆင်ပြေပါစေ…
ကိုကောင်း...အရမ်းခံစားလို့ကောင်းပါတယ်..
စကားလုံးလေးရဲ့ နူးညံ့ညက်ညောမှုနောက် ..ကို
..ကောက်ကောက်ပါသွားတယ်..
သိပ်ကောင်းတဲ့ အမြင်လေးနှင့်ရေးထားတဲ့ ကဗျာလေးနော် .. အရမ်းကောင်းပါတယ် .. သိပ်ကြိုက်တယ် ..
အကိုရေ......ကျွန်တော်အတွက်ကဗျာတစ်ပုဒ်လောက်....
ဟေး
ကဗျာလေးကအရမ်းကောင်းတာဘဲ။
ခံစားချက်နဲ့တိုက်ဆိုင်လို့လားမသိပါဘူး။
ရင်ထဲမှာဟတ်ထိသွားတာဘဲ။
" အနမ်းလှေမဲ့ ကမ်းခြေနှစ်ဘက် " ကဗျာလေးကို ကဗျာချစ်သူတွေ ခံစားနိုင်အောင်အသက်သွင်းပေး ထားတဲ့အတွက် ကျေးဇူးပါ။
အရမ်းကောင်းတဲ့ကဗျာလေးပါ။
အောင်မြင်ပါစေ။
အရမ်းဖတ်လို့ကောင်းပါတယ်.အွန်လိုင်းတက်တိုင်းဖတ်ဖြစ်ပါတယ်။နောက်ထပ်များများရေးပေးပါ။တကယ်heartကိုထိလို့ပါ။
ကောင်းကင်ကိုမင်းတော့ကွာ တော်တော်ကောင်းတာပဲြ ဂိုလ်ကော်လေး
အရမ်းကောင်းပါတယ်။ကြိုးစားပါဦးနော်..
coppy ကူး ယူလိုက်တယ်နော်
စိတ်မရှိပါနဲ့ လား
ကူးချင်တယ်စာသားမရှင်းဘူး
Post a Comment