Wednesday, April 30, 2008

ကဗျာရွတ်သံ

ကိုနှင်းခါးမိုးရဲ့  “ဲပြန်ပေးဆွဲ ခံထားရတဲ့ ဒုက္ခသည် စခန်းကြီးတစ်ခု” နဲ့  ကျွန်တော်ရဲ့ ကဗျာ ဖြစ်တဲ့ “ငါနေတဲ့ နေရာ” ဆိုတဲ့ ကဗျာနှစ်ပုဒ်ကို ကိုကျော်အောင်လွင်က ဗွီအိုအေ အနုပညာ မိုးကောင်ကင် အစီအစဉ်မှာ ရွတ်ဆိုပေးထားပါတယ်။



ပြန်ပေးဆွဲခံထားရတဲ့ ဒုက္ခသည်စခန်းကြီးတစ်ခု (ရေး - နှင်းခါးမိုး)

အဲဒီ့မှာ... ကလေးတွေအတွက် စာသင်ခုံတွေ အလုံအလောက်မရှိပေမယ့်
အလုပ်လက်မဲ့တွေအတွက် ဘိလိယက်ခုံတွေ အလုံအလောက်ရှိတယ်။

အဲဒီ့မှာ... ကမ္ဘာကြီးနဲ့ ဝင်ဆန့် နိုင်ဖို့  အင်တာနက်ကဖေးတွေ မရှိပေမယ့်
ကိုယ့်နွားခြေရာခွက်ထဲမှာ တကိုယ်တော်ရွက်လွှင့်ဖို့ စည်ဘီယာဆိုင်တွေ ရှိတယ်။

အဲ့ဒီမှာ... အိပ်မက်တွေအတွက် မနက်ဖန်မရှိပေမယ့်
ဒီနေ့အတွက် နှစ်လုံးထီရှိတယ်။

အဲ့ဒီမှာ... ရိုးရိုးကျင့် မြင့်မြင့်ကြံဖို့ ရောင်းကောင်းရောင်းဝယ် ဈေးကွက်မရှိပေမယ့်
ဒီကွေ့ ဒီတက်နဲ့ လှော်ဖို့ အပေါင်ဆိုင်တွေ ရှိတယ်။

အဲ့ဒီမှာ
ခေတ်မီ တိုက်လေယာဉ်ကြီးတွေရှိတယ်...ကြံ့ဖွံ့ရှိတယ်...ဖယောင်းတိုင်ရှိတယ်။
ကြားကားရှိတယ်... ဂြိုလ်တုလောင်းကစားရှိတယ်။
ဘောလုံးနဲ့ ဘင်လာဒင်ကို ဘုရားစင်မှာ တင်ထားတဲ့ ဂျာနယ်တွေရှိတယ်။
ဖွင့်ထားတဲ့ ကြယ်ငါးပွင့် ဟော်တယ်ကြီးတွေရှိတယ်။

ပြီးတော့...သေနတ်နဲ့ ပိုက်ဆံပေါင်းထားတဲ့ တရားဥပဒေရှိတယ်။
ရေဒီယိုနဲ့ ကောလာဟာလပေါင်းထားတဲ့ မျှော်တလင့်လင့် နိုင်ငံရေးရှိတယ်။
စာပေစိစစ်ရေးနဲ့ ထောင် ပေါင်းထားတဲ့ စာနယ်ဇင်းလွတ်လပ်ခွင့်ရှိတယ်။

ပြီးတော့... ဗိုလ်ချုပ်ကြီးတွေက... အပီခိုးသွားတယ်...
လူအုပ်ကြီးတွေက...ဆီတိုးစားတယ်...
အမှားတွေ ပျောက်မလားလို့ တံတားတွေ ဆောက်ထားတာရှိတယ်။
မြို့ပြင်လယ်ကွင်းပြင်ကြီးထဲ ထုတ်ထားတဲ့ တက္ကသိုလ်ကောလိပ်ကြီးတွေနဲ့
ဆရာတွေ လက်ပတ်ဝတ် ကင်းစောင့်နေတဲ့ အေးချမ်းစွာ ပညာသင်ကြားရေးရှိတယ်။

ပြီးတော့ ...အိမ်ထဲကအိမ်ပြင်မထွက်ရဲတဲ့ လူတစ်ယောက်နဲ့
အိမ်ထဲကအိမ်ပြင်မထွက်ရတဲ့ လူတစ်ယောက်ရှိတယ်။

ပြီးတော့ ... တရုတ်တန်းဖြစ်သွားတဲ့ နန်းတော်တစ်ခုရှိတယ်။ ။


ငါနေတဲ့နေရာ (ရေး -ကောင်းကင်ကို)

ငါနေတာ လင်းတလှည့် မှိန်တလှည့် ကြယ်မြို. လေး တမြို့ မှာ
ငါနေတာ မီးလင်းနေရင် ဘယ်လိုမှမအိပ်တတ်တဲ့ ဇီဇာကြောင်တဲ့ မြို့ လေးမှာ
ငါနေတာ “ဧည့်သည်လာရင် မကြည်ဖြူတဲ့အိမ်ရှင်မ” နဲ့ တူတဲ့ မြို့ လေးမှာ
(ဧည့် စာရင်း တိုင်ရတယ်လေ)
ငါနေတာ တစ်နာရီလောက် ငရဲခံဖို့ အရေး ၁၀၀ ကျပ်ပေးရတဲ့ မြို့ လေးမှာ
ငါနေတာ သန့် ရှင်းစေချင်လို့ မိုးစက်တွေနဲ့ ရေချိုးပေးကာမှ တကိုယ်လုံးက အနာတွေစိုရွှဲပြီး ပိုညစ်ပတ်သွားတဲ့  မြို့ လေးမှာ
ငါနေတာ ပထွေးကမဆင်လို့  တနေ့ တခြား စုတ်ခြာလာတဲ့  “သူဆင်းရဲမ”မြို့ လေးမှာ
ငါနေတာ ပထွေးကိုရွံလို့ ပတ်ဝန်းကျင်က ဝိုင်းကြဉ်ထားတဲ့  “အထီးကျန်မ” မြို့ လေးမှာ
ငါနေတာ နာတာရှည်နိုင်ငံရေးဝေဒနာတနေ့ တခြား ဆိုးရွားလာတဲ “့လူမမာမ” မြို့ လေးမှာ။
ငါနေတာ မနှစ်ကမှ လင်ဆိုးကြီးနဲ့ ကွာရှင်းခွင့် ရလိုက်တဲ့  “တခုလပ်မ” မြို့ လေးမှာ (ပျဉ်းမနားပြောင်းသွားပြီလေ)
ငါနေတာ နေပူနေတာတောင် “ခမောက်”ဆောင်းကြည့် ခွင့် မရတဲ့ မြို့ လေးမှာ

download poem mp3 file (click here)

2 comments:

su wai said...

ွှအနုပညာ မိုးကောင်းကင်မှာ ဘလော့ဂါနှစ်ယောက်ရဲ့ ကဗျာရွတ်ပြသွားတယ်လို့ အိမ်ကပြောတည်းက သိချင်နေတာ။ ခုတော့ ကဗျာနှစ်ပုဒ်လုံးကို ကော်ပီကူးယူသွားပြီ။

တန်ခူး said...

ဝိညာဉ်တွေပူးကပ်ပြီး နှလုံးသားနဲ့ရေးတတ်တဲ့ ဒီကဗျာဆရာနှစ်ယောက်ဆိုကတည်းက ဘာမှထပ်ပြောနေစရာမလိုတော့ဘူ့းလေ။