Wednesday, March 9, 2011

ဘုရားသခင်.blogspot.com

လွန်ခဲ့တဲ့ ၂နှစ်ခွဲလောက်က ဟာပါ။

ဘုရားသခင်.blogspot.com

ဗုဒ္ဓ၏ တရားတော်များအား ဌာပနာထားသော ရင်ဘတ်တို့  ကျည်အဖောက်ခံလိုက်ရသော နယ်မြေ …
မေတ္တာ သုတ်များ ရွတ်ဆိုခြင်းသည် တကယ့် မကောင်းဆိုးဝါး များနှင့် တွေ့ ပါက အစွမ်းမထက်တော့ကြောင်း သက်သေပြခဲ့သော နယ်မြေ…
ပရဟိတ လုပ်ငန်းအချို့ ၊ ဘာသာရေးလုပ်ငန်းအချို့  မြေအောက် လုပ်ငန်း သဖွယ် ဖြစ်နေရသော နယ်မြေ…
သောက်စရာ မိုးခါးရေများပင် မလောက်မင ဖြစ်လာရသော နယ်မြေ…
နိုင်ငံတကာမှ ကျောင်းသားများ Laptop ကိုယ်စီဖြင့် အလုပ်ရှုပ် နေချိန်တွင် ဤဒေသမှ ကျောင်းသားများ ဖတ်စာအုပ်တစ်အုပ် ရရန်အတွက် မဲနှိုက်နေရသော နယ်မြေ…
သချာင်္သင်ခွင့်မရခဲ့သော ကလေးငယ်တို့ လ္ဘက်ရည်ဆိုင်တွင် ဂဏန်းတွက်နေရသော နယ်မြေ…
အရာရာ အားလုံးတို့ ဆိတ်သုဉ်း၍…ဘုရားသခင်တောင်မှ ဝင်ခွင့် မရခဲ့သော နယ်မြေ…
**********
လူတွေ သိန်းနဲ့ ချီပြီး သေကုန်ကြပြီ။ အစုလိုက်အပြုံလိုက် ငတ်ကုန်ကြပြီ။ ဒါ ဘုရားသခင် အလိုတော်တဲ့လား။ ဘိန်းစိုက်သူတွေ၊ ဒုစရိုက်သမားတွေ ကျတော့ ကြီးပွါး ချမ်းသာတယ်။ စပါးစိုက်သူတွေကို ကျတော့ မုန်တိုင်းလွှတ်ပြီး သတ်ပစ်လိုက်တယ်။ ဒါ ကိုယ်စိုက်ပျိုးလိုက်တဲ့ အတိုင်း ရိတ်သိမ်း ရတာလား။ အိုင်းစတိုင်းရေ….ခင်ဗျားတော့ မှားသွားပြီ။ ဘုရားသခင်တော့ မြန်မာပြည်ကိုလာပြီး ကြွေအံ ကစားနေပြီ။ တွေးရင်းတွေးရင်းနဲ့ ဘဝင်မကျ ဖြစ်လာတယ်။ ဘုရားသခင်ကို မေးကြည့်ချင်စိတ်တွေ ပေါ်လာတယ်။
**********
အခုခေတ်မှာ ဘုရားသခင်က အစ blog ရှိတယ်။ www.phayarthakhin.blogspot.com လို့ ကျွန်တော် ရိုက်လိုက်တယ်။ Access denied တဲ့။ သြော…ငါအင်တာနက် သုံးနေတာ ဘုရားသခင်ကိုတောင် ဘန်း(ban) ထားတဲ့ နယ်မြေမှာပါလား။ ဒါနဲ့ ဘုရားသခင်ဆီကို နောက်ဖေးပေါက်ကနေ ဝင်ဖို့ ဆုံးဖြတ် လိုက်ရတယ်။ http://kproxy.com ဒါလည်း Access denied။ http://vtunnel.com ... Access denied ပဲ။ နောက်ဖေးပေါက်တွေကော ဘေးပေါက်တွေကော ရှိသမျှ အပေါက်တွေ အားလုံးကို တစ်ခုမကျန် ပိတ်ထားလိုက်ကြပြီ။ ငါတို့ အားလုံး အပြင်လောကမှာ ကော၊ Virtual World မှာပါ ထွက်ပေါက်လုံးဝ မရှိအောင် ချောင်အပိတ် ခံလိုက်ရပြီ။
**********
ဒါပေမယ့် ကျွန်တော် အင်တာနက် သုံးနေတာ freedom ရှိတဲ့ နယ်မြေမှာ။ freedom ဆိုတာ ဆိုဒ်တွေ အကုန်လုံးကို ကျော်ပြီး ဝင်လို့ ရတဲ့ ဆော့ဖ်ဝဲ။ ကျွန်တော်အင်တာနက်သုံးနေတဲ့ ဆိုက်ဘာ ကဖေးမှာ အဲဒီ့ ဆော့ဖ်ဝဲ ကို တင်ထားတယ်။ ဒီလိုနဲ့ ကျွန်တော်လည်း freedom software ကနေတစ်ဆင့် ဘုရားသခင်ရဲ့ blog ထဲကို ဝင်ကြည့်လိုက်တယ်။ ဘုရားသခင်က သူ့  Profile မှာ “ကျွန်ုပ်သည် ဘုရားသခင် တစ်ပါးတည်း ကိုသာ ကိုယ်စားပြုသည်မဟုတ်။ ကမ္ဘာပေါ်တွင် ရှိသမျှသော ဘုရားများအားလုံး၊ ဘာသာတရားများအားလုံးကို ကိုယ်စားပြု၏” တဲ့။ ကျွန်တော်လည်း ဘုရားသခင် ရဲ့  blog ကို နည်းနည်း လျှောက်လေ့လာကြည့်လိုက်တယ်။ ကိုယ်စိုက်ပျိုးလိုက်တဲ့ အတိုင်း ရိတ်သိမ်းရမယ့် အကြောင်းတွေ၊ ကံကံ ရဲ့ အကျိုးတွေ၊ ပညာရဲ့  အစွမ်းတွေ… အဲဒါတွေကို ပုံတို ပတ်စတွေ သုံးပြီး ပုံစံ အမျိုးမျိုးနဲ့ ရေးထားတာ တွေ့ရတယ်။
ကျွန်တော် ဘုရားသခင်ကို ဝေဖန်ချင်လို့ cbox လိုက်ရှာတယ်။ မရှိတော့ဘူး။ ကွန်မန့် လည်း ပေးလို့ မရတော့ဘူး။ သြော်..ကိုယ့်ကို ပြင်းပြင်းထန်ထန် တိုက်ခိုက်လာရင် ဘုရားသခင်က အစ မခံနိုင်တော့ပါလား။ ဒီမိုကရေစီ မရှိတော့ ပါလား။ ကွန်မန့်  လည်းပေးလို့ မရ၊ cbox လဲ ပိတ်ထားတာနဲ့ ကျွန်တော်လည်း အကြံအိုက်သွားတယ်။ ဒါပေမယ့် blog တစ်နေရာမှာ ဘုရားသခင်ရဲ့  email address ကို သွားတွေ့ တယ်။ phayarthakhin@gmail.com တဲ့။ ဒါနဲ့ ကျွန်တော်လည်း ဘုရားသခင်ကို ကျွန်တော့် Gtalk မှာ add လိုက်တယ်။
**********
ဘုရားသခင် cbox ဖြုတ်ထားတာ၊ ကွန်မန့် ပိတ်ထားတာတွေကို အကြောင်းပြုပြီး ဘုရားသခင်ကို ဒီမိုကရေစီ မရှိဘူးလို့ ကျွန်တော် စွပ်စွဲလိုက်တယ်။ ဘုရားသခင်က ဘာမှ ပြန်မပြောဘူး။ ဒါပေမယ့် ခဏနေတော့ ဘုရားသခင်ရဲ့  Custom Message ပြောင်းသွားတယ်။ “ပွဲတစ်ပွဲကို မကြိုက်ရင် ထပြန်သွားခွင့် ရှိတယ်။ မကြိုက်တဲ့ အကြောင်းကိုလည်း ဝေဖန်ခွင့်ရှိတယ်။ ဒါပေမယ့် ခဲနဲ့ပေါက်ခွင့်တော့ မရှိဘူး။”
**********
ကျွန်တော် ဘုရားသခင်ကို မေးခွန်း တစ်ခု မေးလိုက်တယ်။ ကျွန်တော်တို့  ခုထိ ဘာလို့  မလွတ်မြောက်နိုင် သေးတာလဲလို့ ။ ဘုရားသခင်က ပြန်ဖြေတယ်။
ခေါင်မိုးကို မပြင်နိုင် သေးသရွေ့ တော့ မိုးက ယိုနေဦးမှာပဲ။ သာမန်မဟုတ်တဲ့ နွံထဲကနေ လွတ်မြောက်ဖို့  သာမန်မဟုတ်တဲ့ အားထုတ်မှုတွေ လိုတယ်ကွ။
**********
သာမန် မဟုတ်တဲ့ အားထုတ်မှုတွေလိုတယ်တဲ့။ ဟုတ်တယ်ဗျာ။ ကွမ်တမ် leap နဲ့ ထခုန်ရမယ့် အချိန်။ ဆွဲအားတွေက လွတ်မြောက်နိုင်မယ့် အရှိန်မျိုးနဲ့ ကောင်းကင် ကို ရုတ်တရက် ပျံတက်ရမယ့် အချိန်။ ဒါပေမယ့် မဆီမဆိုင်ဗျာ။ ကျွန်တော့်စိတ်ထဲမှာ ဘာတွေ မြင်ယောင်လာသလဲ ဆိုတော့ ပရောဂျက် နိုင်ငံရေးသမားတွေ၊ နေရာရဖို့ ပဲအဓိကထားနေကြတဲ့ ကိုယ့်ကိုယ်ကို မျိုးချစ်ပုဂ္ဂိုလ်ဆိုပြီး ကြေငြာနေကြတဲ့သူတွေ၊ လူနာကို အချိန်ဆွဲပြီးကုနေတဲ့ ဆရာဝန်တွေ၊ ပိုက်ဆံပေးမှ မီးသတ်ပေးတဲ့ မီးသတ်သမားတွေ၊ နှစ်လုံးထီ ဒိုင်ကိုင် နေတဲ့ ရဲတွေ၊ အလုပ်မလုပ်လေလေ လုပ်ငန်းကြန့်ကြာလေလေ ဝင်ငွေဖြောင့်လေလေ ဖြစ်နေတဲ့ ရုံးဝန်ထမ်းတွေ၊ ကျောင်းသားတွေ ဆန္ဒပြလို့  ကျောင်းတွေ ပိတ်ရတာပါဆိုပြီး မကျေမချမ်းဖြစ်နေတဲ့ သူငယ်ချင်း တစ်ချို့ တွေ၊ အကြံအဖန် ဓာတ်ပုံ တွေလုပ်ပြီး Refugee Camp ထဲ သွားဖို့ ကြိုးစားနေကြ သူတွေ အဲလိုလူတွေကိုပဲ အလုံးအရင်းနဲ့ မြင်ယောင်လာတယ်။ မီးလာတုန်း ရေလုတင်ရင်း ရန်ဖြစ်နေကြတဲ့ အသံတွေ၊ ညညဆိုရင် နောက်ဖေးလမ်းကြားမှာ အမှိုက်ထုပ်တွေ တဘုတ်ဘုတ်နဲ့ ပစ်ချသံတွေကို ပြန်ပြီးကြားယောင်လာတယ်။
**********
ဘုရားသခင်က ဆက်ပြောတယ်။ ခုဆိုရင် ကျောင်းတွေဟာ ပညာသင်ပေးတဲ့ နေရာ မဟုတ်တော့ဘူး။ မှားမှား မှန်မှန် ပြန်မပြောရဲ အောင်၊ အချောင်လိုက်တတ်အောင၊် ခိုးတတ်အောင်၊ဖားတတ်အောင် လေ့ကျင့်ပေးတဲ့ နေရာတွေ ဖြစ်လာပြီ။
ပြောပြောဆိုဆိုနဲ့ ဘုရားသခင်က သူ့  Custom Message ကိုပြောင်းလိုက်ပြန်တယ်။ "တိုင်းပြည်ရဲ့  အနာဂတ်ဟာ လူငယ်တွေရဲ့ လက်ထဲမှာ ရှိတယ်တဲ့။ လူငယ်တွေရဲ့  လက်ထဲမှာတော့ ဘောလုံးဂျာနယ်တွေ၊ အပေါစား မဂ္ဂဇင်းတွေနဲ့ ခပ်ချောင်ချောင်ရခဲ့တဲ့ ဘွဲ့ လက်မှတ် တစ်ခုစီပဲရှိတယ်။"
**********
ဒါပေမယ့် ကျွန်တော် တစ်ခု သွားသတိရတယ်။ ဘယ်လောက်ပဲ ဖိနှိပ်ဖိနှိပ် ကျွန်တော်တို့ ဆီမှာ သာမန်မဟုတ်တဲ့ ပေးဆပ်သူတွေ ရှိတယ်။ အသက်အသေခံရဲ သူတွေ၊ ဘဝကို ထောင်ထဲမှာ စတေးပစ်ဝံ့သူတွေ ရှိတယ်။ အဲဒီ့လူတွေ ဘဝပျက်သွားတာ ကျတော့ ကော ဘာဖြစ်လို့ လဲ။ ကိုယ်စိုက်ပျိုးလိုက်တဲ့ အတိုင်း ရိတ်သိမ်းလိုက်ရတာလား ဆိုပြီး ဘုရားသခင်ကို မေးလိုက်တယ်။ ဘုရားသခင်က ပြန်ဖြေတယ်။ “အခုခေတ်က ဆွမ်းဆန်စိမ်းတွေ ကြားထဲမှာ ကြက်ချေးရောတဲ့ခေတ်မဟုတ်တော့ဘူး။ ကြက်ချေးတွေကြားထဲမှာ ဆွမ်းဆန်စိမ်းတွေရောပြီး နစ်နာရတဲ့ခေတ်။ နာမည် ပျက်ရတဲ့ခေတ်။ ကိုယ့်ရပ်ကွက်မှာ မီးလောင်ရင် ကိုယ့်အိမ်လည်း မီးထဲပါနိုင်တာပဲ။ လူအားလုံးရဲ့  ပျမ်းမျှ အရည်အချင်းနဲ့  တန်သလောက်ပဲ ရမှာပဲ။”

တန်သလောက်ပဲ ရမှာပဲ ဆိုတဲ့ စကားကြောင့် ကျွန်တော် တော်တော်လေး အစာမကြေ ဖြစ်သွားတယ်။ ဘုရားသခင်ကတော့ ဆက်ပြောနေတယ်။ မြန်မာနိုင်ငံက ဘာနဲ့ တူနေသလဲဆိုတော့ တစ်အိမ်လုံး အလုပ်မလုပ်ပဲ ဘိုးဘွား အမွေတွေကို ထိုင်စားနေတဲ့ မိသားစု နဲ့  တူနေတယ်။ သစ်တောတွေလည်း ပြောင်ပြီ။ သယံဇာတ တွေလည်း တဖြည်းဖြည်းနဲ့ ကုန်တော့မယ်။ အဆိုးဆုံးကတော့ စိတ်ဓာတ်တွေ ပျက်စီးကုန်တာပဲကွ။

ဘိုးဘွားအမွေတွေကို ထိုင်စားနေတယ်တဲ့။ ကျွန်တော်တို့ ဘာမှ မစားလိုက်ရပါဘူးဗျာ။ ထမင်းပွဲ ပြင်ပေးပြီး အဝေးကနေ ငေးနေရတဲ့ ဘဝပါ။ ဆီဦးထောပတ် စားနေကြတဲ့ ပါးစပ်တွေအတွက် တစ်ပြည်လုံးပေးဆပ်နေကြရတဲ့ အဖြစ်ပါ။
********
ဘုရားသခင်က ဆက်ပြီး ပြောပြန်တယ်။ ဒီလို အခြေအနေ ဖြစ်အောင် ဇွတ်အတင်း လုပ်နေကြတာက လူတစ်စုတည်းပါကွာ။ လူတွေသာ ညီညွတ်ရင် ဒီလောက် ကြောက်ဖို့လိုမယ် မထင်ဘူး။ ကျွန်တော် ဘာမှ ပြန်ပြော မနေတော့ဘူး။ ကျွန်တော့်ရဲ့  Custom Message ကိုပဲ ပြောင်းလိုက်တယ်။ “လူအုပ်တစ်အုပ်ထဲကို သေနတ်နဲ့  ပစ်ထည့်လိုက်တဲ့အခါ ဘယ်သူက လောဂျစ်တွေ စဉ်းစား နေနိုင်မှာလဲ။ ကိုယ့်ကို လည်း သေနတ်မှန် နိုင်တဲ့ဆိုတဲ့ အတွေးနဲ့  ရုန်းရင်းဆန်ခတ် ပြေးကြတော့မှာပေါ့။
ဘုရားသခင်က ပြန်ပြောတယ်။ “အင်း၊ အဲဒါတော့ ဟုတ်ပါတယ်။ ဒါပေမယ့်ကွာ ကိုယ့်ကိုယ်ကို သားကောင်လို့ သဘောထားနေသရွေ့ မုဆိုးတွေကတော့ ပစ်မှာပဲ။ ကြောက်လို့ ပြေးနေသေး သရွေ့  ဒုက္ခပေးဖို့ လိုက်မှာပဲ။ ပြန်ပြီး ရင်ဆိုင်ဖို့ပဲ ရှိတယ်။ ပြောင်းလဲလာမှာ မဟုတ်တဲ့သူတွေကို စကားထဲ ထည့်ပြောနေလို့လည်း အပိုပဲ။ သူတို့ကို ပြောင်းလဲဖို့ အလားအလာနည်းတဲ့ ကိန်းသေတွေလို့ ပဲ မှတ်လိုက်။ လိုချင်တဲ့ အဖြေထွက်ဖို့ ကိုယ့်ဘက်ကိုယ်ကို ပြောင်းလဲဖို့ ပဲရှိတယ်။
သူတို့ ကို ခေတ်အဆက်ဆက် ဒုက္ခပေးနေဦးမယ့် နာဂစ်တစ်မျိုးလို့ပဲ သဘောထားလိုက်။ နှစ်ခြင်းခံကြတယ် ဆိုတဲ့ နိမိတ်ပုံဟာ ဒီသဘောမျိုးပဲ။ အဖြေဆိုတဲ့ ဘုရားသခင်ကို မမြင်မချင်း၊ စိတ်မျက်လုံးတွေကို မဖွင့်မချင်း အဲဒီ့နာဂစ်က ငါတို့ ကို ရေနှစ်နေ ဦးမှာ။
ကျွန်တော် Cherie Carter-Scott ရဲ့  စကားကို သွားသတိရမိတယ်။ “သင်ခန်းစာ တစ်ခုကို မကျေညက် မချင်း အဲဒီ့ သင်ခန်းစာကိုပဲ ပုံစံအမျိုးမျိုးနဲ့ ထပ်ပြီးကြုံတွေ့  ရလိမ့်မယ်”
ကျွန်တော် တွေးနေတုန်းမှာပဲ ဘုရားသခင်က သူ့ Custom Message ကိုပြောင်းလိုက်ပြန်တယ်။ “လုံလောက်တဲ့ အမြင့်တစ်နေရာကို ရောက်ရင် တိမ်တိုက်တွေ မရှိနိုင်တော့ဘူး။ သင်တို့ရဲ့  ဘဝမှာ တိမ်တိုက်တွေ ရှိနေသေးတယ်ဆိုရင် သင်တို့ရဲ့  စိတ်ဝိညာဉ်ဟာ အနိမ့်ပိုင်းမှာပဲ ရှိနေသေးလို့ ဆိုတာကို သဘောပေါက်လိုက်ပါ။ (Mark Fisher)”
**********
ဘုရားသခင်က ဆက်ပြောပြန်တယ်။
ခေါင်းဆောင်ကောင်း မရှိလို့ ၊ နောက်က လူတွေက ပါမလာကြလို့  ဆိုပြီး အပြန်အလှန် အပြစ်မြင် နေကြတာလည်း မှားတယ်။
တကယ်က ခေါင်းဆောင်တွေက လည်း ငါတို့ ခေါင်းဆောင်မှု လိုသေးလို့  လူတွေ ပါမလာတာလို့  ခံယူထားရမှာ။ လူတွေကလည်း ခေါင်းဆောင်တွေ လျှောက်တဲ့ နောက်ကို ငါတို့ မလိုက်နိုင်ကြသေးလို့ မအောင်မြင်ရတာလို့  ခံယူကြရမှာ။ ဘုရားသခင်က သူ့ Custom Message ကို ပြောင်းလိုက်ပြန်တယ်။ “လူတွေအားလုံးရဲ့ လက်ညှိုးတွေ ကိုယ့်ကိုယ်ကို ပြန်ထိုးကြတဲ့ တနေ့ မှာ ကျိန်စာသင့်နေရတဲ့ ဘဝကနေ လွတ်လိမ့်မယ်”။ ကျွန်တော့် လက်ညှိုးတွေ ကျွန်တော့်ကိုယ် ကျွန်တော် ပြန်မထိုးနိုင်အောင်လို့ ကွန်ပျူတာ ကီးဘုတ်ပေါ်က စာလုံးတွေကိုပဲ အတင်းဖိရိုက်နေလိုက်ရတယ်။
**********
လူတိုင်းက ကြီးနိုင်ငယ်ညှဉ်း စနစ်ကြီးထဲမှာ အုတ်တစ်ချပ် သဲတစ်ပွင့် ဖြစ်နေကြတယ်။ ဆရာမ တစ်ယောက်က ကျောင်းသားတစ်ယောက်ကို အာဏာပြလိုက်တာဟာ စစ်အစိုးရကို ထောက်ခံမဲတစ်မဲ ပေးလိုက်တာပဲ။ ဆရာတစ်ယောက် အနေနဲ့  ဆရာလုပ်ခဲ့တဲ့ သက်တမ်းတစ်လျှောက်မှာ ပေးခဲ့တဲ့ ထောက်ခံမဲတွေ ဘယ်လောက်တောင် များနေပြီလဲ။ ကိုယ့်ခွင်ထဲ ဝင်လာတဲ့ သူတစ်ယောက်ကို မညှာမတာ တွယ်လိုက်တာဟာလည်း အစိုးရကို ထောက်ခံမဲ ပေးလိုက်တာပါပဲ။
**********
တစ်ချို့ ကလည်း အနုနည်းဖြစ်တဲ့ အာဏာဖီဆန်ရေး လမ်းစဉ်ဟာ အလုပ်မဖြစ်တော့ဘူးလို့ ပြောနေကြတယ်။ ။ ဒါပေမယ့် လူတွေအားလုံး တကယ်ကော ညီညီညွတ်ညွတ်နဲ့ အာဏာဖီဆန် ပြီးကြပြီလား။ သပိတ်မှောက်ပြီးကြပြီလား။ ရုပ်သေးရုပ်တွေလို ကြိုးဆွဲရာ ကနေကြတာပဲမို့လား။ အဲဒါတွေကို မြင်ဖို့ လိုတယ်။ ဘယ်ဟာကို လုပ်လုပ် ပီပီပြင်ပြင် လုပ်ဖို့လိုတယ်။။ လက်နက်ကိုင်တော်လှန်ရေး လုပ်တာလည်း ပီပီပြင်ပြင် စနစ်တကျ လုပ်ရင် ကောင်းတာပဲ။ အနည်းဆုံးတော့ တိုင်းပြည်ကို တကယ်ချစ်တဲ့ လူငယ်တွေ စစ်ပညာ ကိုနားလည်သွားတာပေါ့။ ဘုရားသခင်က ဘာကိုပဲ ပြောပြော ပညာရှုထောင့်ကနေပြီး ပြောနေတော့တာပဲ။
**********

ဘုရား သခင်ရဲ့ စကားတွေကို အနှစ်ချုပ်လိုက်ရင် ကျွန်တော်တို့ ကိုယ်တိုင် က ပျက်စီးနေလို့ ဒီလို ဒုက္ခတွေ တွေ့ နေရတာပါဆိုတဲ့ သဘောသက်ရောက်တယ်။ ပညာဗဟုသုတ ခေါင်းပါးလို့ ၊ စိတ်ပိုင်းဆိုင်ရာ အားနည်းလို့ တန်ရာတန်ရာ ပဲ ရနေတာ ဆိုတဲ့ concept ။
ဒါပေမယ့် ကျွန်တော် သတင်း တစ်ခုကို သွား သတိရမိတယ်။ ကာလီဖိုးနီးယားမှာ ဘာသာရေး အစွန်းရောက် ဂိုဏ်းတဂိုဏ်းကလူ သုံးဆယ့်ကိုးယောက် ဂြိုလ်တွေ နက္ခတ်တွေကို ကြည့်ပြီး အထက်က ဘုရားရဲ့ အမိန့် အရဆိုပြီး အစုလိုက်အပြုံလိုက် ကိုယ့်ကိုယ်ကို သတ်သေကြတဲ့ သတင်း။ သူတို့ ကော အသိပညာ ခေါင်းပါးတာပဲ မဟုတ်လား။ သူတို့ နိုင်ငံတွေကျတော့…....

သူတို့ ဆီမှာ အဲဒီ့လို အတွေးအခေါ် အားနည်းတဲ့ လူတွေ က လူနည်းစုမို့ လို့ ပဲ အခြေအနေတွေ ကောင်းနေတာလား။ ဘာပဲ ဖြစ်ဖြစ် လူတွေရဲ့ စိတ်ဓာတ်နဲ့ အသိဥာဏ်က ပိုက်ဆံပေးမှ မီးသတ်ပေးမယ် ဆိုတဲ့ အဆင့် အထိတော့ နိမ့်ကျ လိမ့်မယ်မထင်ဘူး။
ဒါမှမဟုတ် စနစ်ကြောင့်လို့ပဲ ပြောရမလား။ လူတွေ ပညာမရှိပေမယ့် သူတို့ စနစ်ကြီးက ပညာရှိနေတာလား။ ပညာရှိတဲ့လူတွေက ချမှတ်ထားတဲ့ စနစ်မို့ လို့ ပဲလား။
ကျွန်တော် ထင်တယ်။ လူတိုင်းမှာတော့ လူ့သဘာဝ အရ အလွယ်လိုက်ချင်တဲ့ စိတ်ရှိမှာပဲ။ ဥပမာ…သူတို့ ဆီကလူတွေလည်း အစကတော့ လမ်းပေါ် အမှိုက်ချချင်တဲ့စ်ိတ် ရှိမှာပဲ။ ဒါပေမယ့် စနစ်က သူတို့ ကို ချုပ်ထားတယ်။ ကြာလာတော့ အမှိုက်ကို စနစ်တကျ ပစ်တာကိုက အလေ့အကျင့် တစ်ခု ဖြစ်လာတယ်။ သူတို့ရဲ့  ဘာသာရေး ဖြစ်လာတယ်။ စည်းမဲ့ ကမ်းမဲ့ အမှိုက်ပစ်တာဟာ မကောင်းမှု တစ်ခု လို့  သူတို့စိတ်ထဲမှာ စွဲသွားလိမ့်မယ်။ အဲဒီ့အစွဲမျိုးရင်ထဲ ရောက်သွားတဲ့ အချိန်ကျတော့ စနစ်နဲ့ ထိန်းစရာ မလိုတော့ဘူး။

ဒါပေမယ့် စနစ်ဆိုတာက သက်မဲ့။ လူတွေက သက်ရှိ။ အဲဒီ့ သက်မဲ့ စနစ်ကြီးကို အပြစ်တင်တင်နေတာ ဟာ အဖြေမဟုတ်ဘူး။ အဲဒါကြီးကို တိုက်ဖျက်ဖို့ သက်ရှိလူတွေက ရုန်းကန်ဖို့ လိုတယ်။ အသိတရား ရှိဖို့ လိုတယ်။

အဲဒီ့မှာတင် မေးခွန်းတစ်ခုက ကျွန်တော့် ရင်ထဲကနေ ပျို့ တက်လာတယ်။ လူတွေ လက်ရှိအခြေအနေကနေ ရုန်းထွက်ဖို့ ပညာဗဟုသုတ မြင့်မားဖို့ လိုတယ်။ ဒါပေမယ့် အစိုးရက ပညာရေးကို နှိပ်ကွပ်ထားတယ်။ ပညာရေးနဲ့ ပတ်သတ်ပြီး လုပ်နေတဲ့ သူတွေကိုလည်း အနှောင့်အယှက် အမျိုးမျိုးပေးနေတယ်။
အဲဒီ့တော့ ပညာဗဟုသုတ နိမ့်လို့ ညံ့တဲ့ အစိုးရ နဲ့ စနစ်ကိုရ၊ ညံ့တဲ့ စနစ်ကိုရလို့  ပညာဗဟုသုတနိမ့် ဒီလိုနဲ့ပဲ သံသရာလည်ရ တော့မှာလား။ ဆိုးသထက် ဆိုးသွားတော့မှာလား။ ပျို့့ တက်လာတဲ့ မေးခွန်းကို ကျွန်တော် အန်ထုတ်လိုက်တယ်။

ဘုရားသခင်က ဘာမှ ပြန်မဖြေဘူး။ သူ့ Custom Message များပြောင်းသွားသေးသလားလို့ ကျွန်တော်ကြည့်လိုက်တယ်။ ဘာ Message မှ ရေးမထားတော့ဘူး။

ခဏနေမှ ဘုရားသခင်က ပြောတယ်။ “အဲဒါက ဒီလိုရှိတယ်ကွ”

ဆိုက်ဘာကဖေး တစ်ခန်းလုံး မှောင်မဲသွားတယ်။ မီးပျက်သွားပြီ။

ကောင်းကင်ကို

22 comments:

black.pirate said...

မြန်မာပြည်က လူငယ်တစ်ယောက်ရဲ့ ပေါက်ကွဲသံစဉ်တွေကို ကြားလိုက်ရတယ်...။ ရင်ထဲမှာ ဒီအသံတွေ ကျယ်လောင်နေတာ ကြာပေါ့... =)

Green Community said...

really great .thank you

အဖြူရောင်နတ်သမီး said...

အရမ်းဖတ်လို့ကောင်းတဲ့ပို့စ်လေးပါ...
2way thinking ဝေါဟာရတွေ အများကြီးတွေ့ရတယ်..။
ဒီပို့စ်လေးနဲ့ပတ်သက်လို့ အရမ်းလေးစားပါတယ်...



ခင်မင်စွာဖြင့်...
နမ်းမဝ

ကောင်းကင်ကို said...

အားလုံးပဲ..ကျေးဇူးဗျ။

Anonymous said...

really good one! two thumbs up!!!

Anonymous said...

how to link to my fb bro

Khin Maung said...

Good, really good.

မိုးယံ said...

ဝိုး....ဘုရားသခင် တောင် ဖြေရှင်းမပေးနိုင်တဲ့ ပြဿနာတွေဆိုပါတော့...ဒီလိုပါပဲ...“ဘုရားသခင်က မင်းကို စောင့်ကြည့်နေတယ်”ဆိုတဲ့ စကားကို ဗိုက်ထဲမှာကတည်းကကြားလာခဲ့တာ..ဒီအသက်အထိပဲ။


“ပညာဗဟုသုတ နိမ့်လို့ ညံ့တဲ့ အစိုးရ နဲ့ စနစ်ကိုရ၊ ညံ့တဲ့ စနစ်ကိုရလို့  ပညာဗဟုသုတနိမ့် ဒီလိုနဲ့ပဲ သံသရာလည်ရ တော့မှာလား”

ဒါကဒီလိုရှိတယ် ကိုကောင်းရဲ့ ပညာမြင့်အောင်နိုင်ငံခြားမှာ ပညာသွားသင် ၊ ဦးနှောက်တွေရောင်း၊ ငါ့တို့ပညာ ပြည်မြန်မာနဲ့ မတန်ပါဘူးကွာ လို့ပြော။ ပညာနည်းအသက်ငယ်သော ကျွန်တော်တို့လိုလူငယ်တွေက ဘာသားခြားတို့ရဲ့တိုင်းတစ်ပါးမှာ ကျွန်လာခံရ။ သမီးပျိုးများက ...လာခံရ။ တိုင်းပြည်မှာ လူမမယ်ကလေး၊ သက်ကြားအိုများနဲ့ ရောဂါသည်များကျန်ခဲ့။ တိရိစ္ဆာန်တွေတောင် အုပ်လိုက် ချိုင့်ဝှမ်းထဲဆင်း၊ အပင်တွေပြုန်း၊ ---တော်ပြီ၊

ကောင်းကင်ကို said...

facebook Link ဆိုတာ နှိပ်ပြီး http://kaungkinko.blogspot.com/2011/03/blogspotcom.html လို့ထည့်လိုက်ရင် ရတယ်ဗျ။း-) အားပေးလို့ ကျေးဇူး

pandora said...

သိပ်ကြိုက်တဲ့စာတစ်ပုဒ်ပါ ကောင်းကင်ကို..
အင်း.. မီးပျက်သွားပြီ

သူရဿဝါ said...

တော် တော် မိုက် တယ် !

လွမ်းနိုင်ထူး said...

တန်ဖိုး၇ှိရှိနဲ့ ပညာသားပါပါရေးသွားတဲ့အတွက်အရမ်းကိုဖတ်လို့ကောင်းပါတယ်

Anonymous said...

Dear Kaung kin ko , would u mind thinking about recent situation in AFKANISTAN AND BURMA ? I know u are very good at thinking .

thanks

မိုးဇတ် said...

ကောင်းလိုက်တာဗျာ ၊ ကျွန်တော့မှာ ဘလောက်စာထဲမှာ ဘုရားသခင်.blogspot.com ဆိုပီး အုကိမ်ုကိမ်တောင် ရှာမိပါတယ် ။ ရှိမလားလို့ပေါ့ ။

ပု said...

hi bro can i share this post?

ကောင်းကင်ကို said...

ဟုတ်ကဲ့။ ရတယ်ဗျ။း-)

kotwo said...

ရေရေလည်လည်ကြိုက်လွန်းလို့  ရှယ်လိုက်ပြီဗျာ...
အတိုး အလျော့ မရှိ။ လေးစားလျက်..

Jerry said...

ကျနော်question မေးလို့မရလား
ကျနော်ဒီquestion သိချင်လို့
ဘုရာ့ရဲ့ ဖွာ့ဖက်တော် နာမည်က ဘာလဲ

ကောင်းကင်ကို said...

ဖွားဘက်တော်တွေက အများကြီးလေ။
လူတွေလည်း ရှိတယ်။ မြင်းတွေလည်း၇ှိတယ်။

ယသော်ဓရာ၊ ညီတော် အာနန္ဒာ၊ ဆန္န
မြင်းက ကဏ္ဍက

jerry said...

ကိုကောင်းကင်ကျေးဇူးနော်

Joe Break said...

မေးခွန်းတွေထုပ်နေပါ့လား... ဘုရားကဒီမိုကရေစီမဟုတ်ဘူးနော်... ကလေးကိုမိဘ အုပ်ထိန်းတယ်... မိဘကို ရပ်ကွပ်လူကြီးအုပ်ထိန်းတယ်... ရပ်ကွပ်လူကြီးကို တိုင်းမှူးအုပ်ချုပ်တယ်... တိုင်းမှူးကို ၀န်ကြီးအုပ်ချုပ်တယ် တိုင်းပြည်တစ်ခုကိုသမ္မတအုပ်ချုပ်မယ် အဲ... တစ်ကမ္ဘာလုံးကိုတော့ ဘုရားသခင်အုပ်ချုပ်တယ်.. ဘယ်ကလေးသူ့အလိုလိုလမ်းလျှောက်သင်ယူတတ်မြောက်ခဲ့သလဲ?? ဘယ်ကလေးက သူ့မိဘကိုသူ့အလိုအတိုင်းရွေးခဲ့သလဲ..?? ဆိုတော့ လိုချင်တာရှိရင် အားကိုးရှိဖို့လိုတယ်... ရွေးချယ်စရာကတော့ မိဘတွေမရှိရင်ကိုယ့်ဟာကိုယ်ရပ်တည်ရမှာလား?? ဘုရားကိုကိုးစားမှာလား?? အဲ့ဒီတော့ အနီးဆုံးမိဘ ၂ပါး နေရာရယ်
အဝေးဆုံး ဘုရားသခင်ရဲ့နေရာကိုကျွန်တော်တို့ ပြောင်းလိုက်ကြရအောင်.. အယောက်ဆီတိုင်းဘုရားသခင်ကောင်းချီးပေးပါစေ...

sawpl yan said...

ဘုရားသခင်ကိုကျေးဇူးသင်တယ် ကိုယ်တော် စကယ်တော်မူပါ၏ ဘုရား