ရှစ်တန်းတုန်းက ဒုတိယ ကမ္ဘာစစ်
ဖြစ်ရခြင်း အကြောင်းရင်း လေးခုကို ကြက်တူရွေးလို အလွတ်ကျက်ရတော့
အဲဒီ့အကြောင်းအရင်းလေးခုကို မမေ့အောင် “ကိုမျိုးမဟာလက်နက်” ဆိုပြီး ဆရာက အလွယ်မှတ်ခိုင်းတယ်။ ကို…ဆိုတာက ကိုလိုနီ နယ်မြေများ အပြိုင်အဆိုင် ရှာဖွေခြင်း၊ မျိုး…ဆိုတာက
အမျိုးသားရေး စိတ်ဓါတ်များ ပြင်းထန်လာခြင်း၊ မဟာ…ဆိုတာက မဟာမိတ်စစ်အုပ်စုများ
အပြိုင်အဆိုင် ဖွဲ့စည်းခြင်း၊ လက်နက်…ဆိုတာက စစ်လက်နက်များ အပြိုင်အဆိုင်တပ်ဆင်ခြင်း
အဲဒီ့မှာ
မြန်မာနိုင်ငံက လူတွေ သတိပြုသင့်တာက ဒုတိယ အချက်ဖြစ်တဲ့ အမျိုးသားရေး စိတ်ဓါတ်များ ပြင်းထန်လာခြင်း
ဆိုတဲ့ အချက်ပဲ။ ဒုတိယ ကမ္ဘာစစ်ကြောင့် လူတွေ သန်းနဲ့ချီပြီး သေဆုံးရ၊ ဒုက္ခရောက်ရတဲ့
အတွက် ကမ္ဘာစစ်ဆိုတာ ဒီနေ့ တွေ့နေရတဲ့ သာမန်အကြမ်းဖက်မှု တခုထက်ကို အများကြီး
ပြင်းထန်ပြီး အများကြီး အန္တရာယ်ကြီးပါတယ်။ အစိုးရတွေက ဦးဆောင်ကျူးလွန်တဲ့ အကြမ်းဖက်မှုတွေ
အပါအဝင် အကြမ်းဖက်မှုတွေကလည်း အမျိုးသားရေး အစွန်းရောက်မှုကို အခြေခံနေတတ်ပါတယ်။
ဒီတော့ အမျိုးသားရေး
ဆိုတဲ့စကားလုံးပါတိုင်း အကောင်းမှတ်မနေပါနဲ့။ နာဇီဝါဒကို မျက်နှာဖုံးစွပ်ထားတာမျိုးလည်း
ဖြစ်တတ်တယ်။ ခုကတော့ အမျိုးသားဆိုတဲ့ စကားလုံးကို နေရာတကာ သုံးစွဲပြီး ကိုယ့်လုပ်ရပ်တွေကို
အကာအကွယ်လုပ်ကြ နေရာတကာမှာ အကောင်းထင်နေကြတယ်။ အမျိုးသားရေး၊
အမျိုးသားအကျိုးစီးပွါး၊ အမျိုးသား နိုင်ငံရေး စသည်ဖြင့် လိုအပ်တာထက် ပိုပြီး
နေရာတကာ ထပ်တလဲလဲ သုံးစွဲလာကြတယ်။ “အမျိုးသား နိုင်ငံရေး” ဆိုတဲ့ စကားလုံးကို
တဖွဖွ သုံးလာကြပြီး ကမ္ဘာပေါ်က ပါတီနိုင်ငံရေး လုပ်နေသူ မှန်သမျှပဲ လူယုတ်မာ
လိုလို အမျိုးသား နိုင်ငံရေး ဆိုတာကြီးကသာ တခုနည်းသော ကောင်းမွန်တဲ့ နိုင်ငံရေး
လိုလို ပြောလာကြ ထင်လာကြတာကလည်း ရှိသေးတယ်။ တကယ်က အမျိုးသားရေးကို တရားလွန် ဇောင်းပေးလွန်းတဲ့
နိုင်ငံရေး ဆိုတာ ဖက်ဆစ်နိုင်ငံရေးပါ။
မြန်မာနိုင်ငံမှာတော့ “အမျိုးသား”
ဆိုတဲ့ စကားလုံး ဘယ်လောက် အထိတောင် ဖောင်းပွနေသလဲ ဆိုရင် ပါတီနာမည်တွေကို
ကြည့်လိုက်။ အမျိုးသား မပါတဲ့ နာမည်က ခပ်ရှားရှား။ အမယ်...အမျိုးသားနဲ့ ဒီမိုကရေစီကိုတောင် တွဲလိုက်ကြသေးတယ်။ အမျိုးသားဒီမိုကရေစီ
အဖွဲ့ချုပ် ကနေ ခွဲထွက်ကြတော့ ခွဲထွက်တဲ့ ပါတီရဲ့ နာမည်က အမျိုးသားဒီမိုကရေစီအင်အားစု တဲ့။ ဟော..အဲဒီ့က တခါ ထပ်ခွဲထွက်ပြန်တော့ အမျိုးသား ဒီမိုကရေစီ ပါတီသစ်တဲ့။ ဖန်တရာတေနေတဲ့ အသုံးအနှုန်းတွေ၊ ဆင်တူယိုးမှား လုပ်ပြီး
ပုံမှားရိုက်လိုစိတ်တွေကနေ မလွတ်မြောက်ကြသေးဘူး။ လူကြိုက်များမယ့် နာမည်ကို
အလွယ်တကူ ယူသုံးလိုက်ကြတယ်။ နေရာတကာ အမျိုးသား ဆိုတဲ့ စကားလုံးကို တဖွဖွ သုံးလာကြတော့
တကယ်သုံးသင့်တဲ့ အခါမျိုးမှာတောင် တန်ဖိုးမရှိတော့ဘူး။
ဒါပေမဲ့ အဲဒီ့ပါတီတွေ အများစုရဲ့
နာမည်တွေနဲ့ သူတို့ ကျင့်သုံးတဲ့ ဝါဒကတော့ များသောအားဖြင့် ကိုက်ပါတယ်။ ပါတီနာမည်တွေမှာ “အမျိုးသား”
ဆိုတာ ပါသလို ကျင့်သုံးကြတာကလည်း (များသောအားဖြင့်) ကျဉ်းမြောင်းတဲ့ အမျိုးသားရေး
ဆန်နေကြလို့ပါပဲ။
ကဲ…ရေးရင်းနဲ့
အပေါ့သွားချင်လာပြီ။ “အမျိုးသားအိမ်သာ” ကို သွားလိုက်ဦးမယ် :D
ပုံ/ ခရေငယ်ရဲ့ အမျိုးသား
(ကောင်းကင်ကို)
ဟုတ်တယ် ကိုရေ ငယ်ရေ
ReplyDeleteလူတွေက “အမျိုးသားရေး” ဆိုတဲ့ အသုံးနှုန်းကို
ကာဗာလုပ် အကျိုစီးပွားကိုသာရှာ အမျိုးသားရေး ဆိုတဲ့ဘောင်ခတ် အမြင်ကျဉ်းကျဉ်းနဲ့ တစ်ကိုယ်ကောင်း ဆန်တော့ တာပေါ့.....မှန်လိုက်လေခြင်း ကိုကောင်းရေ.........ကောင်းကင်ကျယ်သရွေ့
ရေးနိုင်ပါစေ။။။။။။။။
I have loaded your site in Several different web browsers and I must say this blog loads a lot quicker then most.
ReplyDeleteWould you mind contacting me the company name of your web
hosting company? My personal e-mail is: leandra-polanco@hotmail.
com. I will even sign up through your own affiliate link if you would like.
Many thanks
Here is my web page - http://zsberg.Edu.pl