Monday, March 29, 2010

မကျွတ်သေးတဲ့ တစ္ဆေ (ebook) download

ပုံနှိပ်ထုတ်ဝေခဲ့တဲ့ မကျွတ်သေးတဲ့ တစ္ဆေ ကဗျာစာအုပ် ဖြစ်ပါတယ်။ ဒီကို click ပြီး download ရယူနိုင်ပါပြီ။

Wednesday, March 24, 2010

ကတ္တီပါ စွမ်းအင်

မင်းမရှိလို့ တော့ မဖြစ်ပါဘူးကွယ်။
လှော်တက်တွေ နွမ်းဖတ်ခွေဖျော့
ငါ့ကဗျာမှာ ပန်းဓာတ်တွေလျော့ ကုန်မယ်။

မင်း မျက်နှာရိပ်ကို အကြိမ်ကြိမ်ဖတ်
အညွှန်းမြေပုံလို့ သတ်မှတ်ထားပါတယ်။
မုန်တိုင်းငယ်လေးကို အကြောင်းပြ
မင်း…လေထီးခုန်ချသွားရင်
ငါဟာ မောင်းသူမဲ့ ယာဉ်ပျံရထား
ဘယ်ကို သွားရမှာလဲ။

ကိုယ့်ရင်ခုန်သံနဲ့ ကိုယ်ပြန်ကနေတဲ့ ဘဝ တပုဒ်ကို
ရက်စက်ခြင်းနဲ့ ကြိုးမတုပ်လိုက်ပါနဲ့ ။

ငါအားတိုင်း ဖွဲ့ ဆိုနေတဲ့
ဘဝအကြို Intro တေးနု
မူပိုင်ခွင့် နှစ်ခုနဲ့ 
အပြီးသတ်ခွင့်ပြုပါ။
ကောင်းကင်ကို

Sunday, March 21, 2010

ကဗျာ ယူနိုက်တက်

ကမ္ဘာကြီးရဲ့ တနေရာရာမှာ
ငြိမ်ငြိမ်ကုတ်ကုတ်နဲ့ 
စာလုံးတွေ စီပြီး ဟိုဖြုတ် ဒီဖြုတ်
ကဗျာရုပ်လေး လုပ်နေရတာ ဝါသနာပါတယ်။

အလုပ်လက်မဲ့ အက္ခရာတွေကို စည်းရုံး
စာသားသက်သက် တီးလုံးတွေနဲ့ 
စာမျက်နှာ ကွင်းအနှံ့ 
လကာင်္တွေကို တပ်ဖြန့် လိုက်ပြီ။

ရသဦးစားပေးလွန်းတဲ့
ကဗျာယူနိုက်တက် အသင်း
ရင်ဘတ်တွေထဲကို ဂိုးတွေတော့သွင်းနိုင်ပါတယ်။
ဒါပေမယ့် အမှတ်ပေးဇယားရဲ့ အောက်ခြေမှာ

တခါတခါ ထိုးနှက်မှုလွန်ကဲ
တချို့ရဲ့အကြိုက်နဲ့ လွဲရင်
Web 2.0 ကွင်းထဲမှာ
ချက်ခြင်း အဆဲခံရတတ်သေးတယ်။

ကိုယ်ကတော့
အသင်းရဲ့  လစာမဲ့နည်းပြ
အက္ခရာတွေ ကစားဖျော်ဖြေ နေသမျှ
ပီကေ အစား ပီတိကို ဝါးပြီး
ကြည့်နေရရင် ကျေနပ်တယ်။
ကောင်းကင်ကို

Friday, March 19, 2010

ရမှတ်

ကင်းထောက်တွေ မရှိလောက်ဘူးအထင်နဲ့ 
ကိုယ့်မျက်ဝန်း ပြတင်းပေါက်ကနေ
သောကတွေ တစက်ပြီး တစက် ဖောက်ချလိုက်တာ
ကိုယ့်စိတ်က မြင်သွားတယ်။

ပဒေသရာဇ်အမိန့် ဆန်တဲ့ သူ့ စီရင်ချက်တွေအောက်မှာ
မိဘမဲ့သွားတဲ့ အလိုဆန္ဒများ
မလာတော့မယ့် ရထားကို စောင့်နေကြဆဲ။

ညက မက်တဲ့ အိမ်မက်ဆိုးအကြောင်းလား?
အချစ်ဆိုတဲ့ စာမေးပွဲမှာ
တလုံးလေးမှားလိုက်တာနဲ့ 
သုညပဲ ရခဲ့တယ်။
ကောင်းကင်ကို

Saturday, March 13, 2010

မဖွဲ့ တတ်တဲ့ ကဗျာ

ရင်ခွင်အနှံ့ တိတ်တိတ်လေး တပ်ဖြန့်ပြီးခို
ခံစားချက်ချိုချိုတွေကို ကိုယ်စားပြုဖို့ 
ကဗျာ blog တွေကိုသွား
အက္ခရာတွေကို လိုက်ငှားကြည့်တော့လည်း
အားလုံးက ပေါ့နေ
စိတ်ကြိုက် တပိုဒ်တလေတောင် မတွေ့ ဘူး။
ငါပြောချင်နေတဲ့ စကားနဲ့ 
ကဗျာတွေပြောနိုင်တဲ့စကားက
ပန်းနဲ့ ကျောက်သားတွေလို ကွာနေတယ်။

ဒီလိုနဲ့ စိတ်ကိုပြောင်း
သီချင်းကောင်းလေးတွေရှိတတ်တဲ့ website ကို
နှလုံးသားဦး လှည့်လိုက်တယ်။
တကယ့် အရေးအကြောင်းကျတော့
အဲဒီ့သီချင်းတွေလည်း
ငါ့နက်နဲ တဲ့အချစ်ကို အသံလွှင့်ဖို့ 
ကြယ်တပွင့်အဆင့်တောင် မစွမ်းဆောင်နိုင်ဘူး။

ရုပ်ပုံတပုံမှာ
စကားလုံးပေါင်းများစွာပါသတဲ့။
အရောင်နဲ့ ရေးထားတဲ့ ကဗျာတွေဆီကိုသွားတယ်။
ဒါပေမယ့်….
အဲဒီ့ သက်တန့် ဆေးစက်တွေကလည်း
သူ့ ကို အရမ်းချစ်တဲ့ ငါ့သွေးစက်တွေအကြောင်း
ပေါ်လွင်အောင် စာလုံးမပေါင်းနိုင်ဘူး။

ခက်တယ်! ဘယ်လိုပြောပြ ရပါ့မလဲ။
ငါ့မျက်လုံးတွေက
ငါ့ဦးနှောက် ဘယ်၊ညာ နှစ်ခြမ်းလုံးကို
အဲဒီ့ သက်ရှိကဗျာလေး ဖတ်ပြလိုက်တိုင်း
ငါ့ရင်ခွင် ဘယ်ဘက်ခန်းထဲက
ပုံမှန် ခုန်နေကျ နာရီတလုံး
အမြန်နှုန်း အရမ်းမြင့်သွားတတ်တယ်ဆိုတာ။
ကောင်းကင်ကို

Wednesday, March 10, 2010

ကိုယ့်အဖြစ်

အချစ်ဆိုတာက
အသက်တိုလွန်းတဲ့ ဖယောင်းတိုင်။

အလွမ်းဆိုတာကတော့
စကားလုံးတွေရတဲ့ အရောင်းဆိုင်။
ကောင်းကင်ကို

Sunday, March 7, 2010

ရန်ကုန် နဲ့ ပတ်သတ်တဲ့ကဗျာလေးပုဒ်


ရန်ကုန်နဲ့ ပတ်သတ်တဲ့ ကဗျာဟောင်း လေးပုဒ်ကို ညီမ သံစဉ်ဖြိုး လုပ်ပေးတဲ့ ဒီဇိုင်းနဲ့ ပြန်တင်လိုက်ပါတယ်။

နန်းအချ ခံခဲ့ရတဲ့ မြို့ 

ကိုယ့်မြို့ ကိုယ် အိန်ဂျယ်လ်တပါးနဲ့ တင်စားမယ်ဆိုရင်တောင်
ရန်ကုန်ဟာ
လျှပ်စစ်မီးမရတဲ့ညနဲ့ 
နတ်ဖြစ်ပြီးမလှတဲ့ဘဝ။

ကိုယ့်အမေ ကိုယ့်ဆီလာတာတောင်မှ
ခွေးသားကြီးတွေနဲ့ မျက်နှာခြင်းဆိုင်
ပြေးလွှားပြီး ဧည့်စာရင်းတိုင်နေရတယ်။

အပြင်ပန်းတွေပြောပြီး လုပ်စားနေတဲ့မြို့ မှာ
သင်တန်းတွေပေါပြီး အလုပ်ရှားတယ်။

အရှေ့ တောင်အာရှရဲ့ မာနမင်းသားဟောင်းဟာ
နအဖ ဗိုလ်ချုပ်များရဲ့ လက်သီးပြင်းနဲ့ 
တစစ ပိုစုတ်သွားအောင် ဖျက်ဆီးခြင်း ခံနေရတယ်။

ရန်ကုန်မြို့ရဲ့ ရင်ဝမှာ နားကိုကပ်
ကြားတာကို ကြားသလိုမှတ်ကြည့်တော့
အလုပ်လက်မဲ့ ပွဲစားတွေရဲ့ လေရောင်းသံတွေ
မီးလာတုန်းမှာ အလုအယက် ရေမောင်းသံတွေ

ကုန်းအော်နေတဲ့ စပါယ်ယာတွေရဲ့ ရွှေစောင်းသံတွေ
ရုံးပေါ်က ကယ်ပါတွေရဲ့ ငွေတောင်းသံတွေနဲ့ 
ရန်ကုန်မှာ
အသံစုံနေတော့တယ်။
ကောင်းကင်ကို

***************

ညနဲ့ ဆေးခါးတစက်

ဒုက္ခ နက္ခတ်တွေ ချည်းထွန်းတဲ့
ရန်ကုန်မြို့ ရဲ့ ညခင်းမှာ
တခြမ်းပဲ့ လမင်းဟာ
တိမ်တွေကြားမှာ တိုးရင်းဝှေ့ ရင်းနဲ့ 
က္ကုနြေ္ဒ မရစွာ အိုးနင်းခွက်နင်းထွက်လာတယ်။

ဒဏ်ရာတွေကို စိတ်ထဲမှာ သီကြည့်ရင်းနဲ့ 
စားပွဲပေါ်ကိုကြည့်လိုက်တော့
ဖယောင်းတိုင်လေး …တွေနေတယ်။
ဘော(လ်)ပင်ကလေး….သေနေတယ်။
စိတ်ဓာတ်တွေက ညနဲ့ အပြိုင်မှောင်လို့ ၊
အိပ်မက်တွေက ဘဝမီးလျှံမှာ လောင်လို့ ။

ညမှာ
မျှော်လင့်ချက်လဝန်းလေး
ခပ်ရေးရေးရှိရင်ဖြေသာပါသေးတယ်။
ခုဟာက
မှောင်နေရတဲ့အထဲ
ဘာအလင်းရောင်မှ ပေးနိုင်စွမ်းမရှိတဲ့
ဒုက္ခနေဆယ်စင်းပဲ ခပ်ပြင်းပြင်းပူနေတဲ့အဖြစ်။

ဘဝဟာ
တော်စတွိုင်းပြောသလိုမျိုး
ဓားသွားထက်က ပျားရည်တစက်ဆိုရင် ဖြေသာပါသေးတယ်။
ခုပာာက
လှံစွပ်ဖျားက
ဘာ အာနိသင်မှမရှိတဲ့
ဆေးခါးတစက်ကိုခုံမင်နေရတဲ့ အဖြစ်။

ညရယ်။ မင်းနှစ်သက်တဲ့ အမှောင်ဝတ်စုံကိုချွတ်ပါတော့။
ဘဝရယ်။ နိုးလျက်နဲ့ မက်နေရတဲ့ အိပ်မက်ဆိုးတွေကနေ လွှတ်ပါတော့။
ကောင်းကင်ကို

****************

ရန်ကုန်နွေ

မီးပျက်အမှောင်မှာ
ဇီးကွက်တကောင်...
သြော်... ဒါလာဘ်ကောင်တဲ့။

ကပ်ထားတဲ့စာရွက်ပေါ်ကလို
နေအထွက်မှာ ရွှေခွက်နဲ့ ...ငွေအပြည့်မခပ်နိုင်ရင်နေပါ
နွေရက်မှာ ရေခွက်နဲ့ ...ရေအပြည့်ခပ်နိုင်ရင်တော်ပြီ။
ကောင်းကင်ကို

***************

ငါနေတဲ့နေရာ

ငါနေတာ လင်းတလှည့် မှိန်တလှည့် ကြယ်မြို. လေး တမြို့ မှာ
ငါနေတာ မီးလင်းနေရင် ဘယ်လိုမှမအိပ်တတ်တဲ့ ဇီဇာကြောင်တဲ့ မြို့ လေးမှာ
ငါနေတာ “ဧည့်သည်လာရင် မကြည်ဖြူတဲ့အိမ်ရှင်မ” နဲ့ တူတဲ့ မြို့ လေးမှာ
(ဧည့် စာရင်း တိုင်ရတယ်လေ)
ငါနေတာ တစ်နာရီလောက် ငရဲခံဖို့ အရေး ၁၀၀ ကျပ်ပေးရတဲ့ မြို့ လေးမှာ
ငါနေတာ သန့် ရှင်းစေချင်လို့ မိုးစက်တွေနဲ့ ရေချိုးပေးကာမှ တကိုယ်လုံးက အနာတွေစိုရွှဲပြီး ပိုညစ်ပတ်သွားတဲ့  မြို့ လေးမှာ
ငါနေတာ ပထွေးကမဆင်လို့  တနေ့ တခြား စုတ်ခြာလာတဲ့  “သူဆင်းရဲမ”မြို့ လေးမှာ
ငါနေတာ ပထွေးကိုရွံလို့ ပတ်ဝန်းကျင်က ဝိုင်းကြဉ်ထားတဲ့  “အထီးကျန်မ” မြို့ လေးမှာ
ငါနေတာ နာတာရှည်နိုင်ငံရေးဝေဒနာတနေ့ တခြား ဆိုးရွားလာတဲ “့လူမမာမ” မြို့ လေးမှာ။
ငါနေတာ မနှစ်ကမှ လင်ဆိုးကြီးနဲ့ ကွာရှင်းခွင့် ရလိုက်တဲ့  “တခုလပ်မ” မြို့ လေးမှာ (ပျဉ်းမနားပြောင်းသွားပြီလေ)
ငါနေတာ နေပူနေတာတောင် “ခမောက်”ဆောင်းကြည့် ခွင့် မရခဲ့တဲ့ မြို့ လေးမှာ
ကောင်းကင်ကို (ဒီကဗျာကိုတော့ ၂၀၀၆ ခုနှစ်တုန်းက ရေးဖွဲ့ ခဲ့တာပါ။)

Friday, March 5, 2010

သေနတ်

ငါဟာ..
အချိန်ပြည့် ကိုယ့်ကိုယ်ကို မောင်းတင်ထားတဲ့သေနတ်
ကျည်ပြတ်နေတာ တခုပဲ။
ကောင်းကင်ကို

Wednesday, March 3, 2010

အမှတ်မထင်

powerpoint နဲ့ လုပ်ထားတဲ့ဟာလေးကို powerpoint တင်တာ မရလို့  pdf ပြောင်းပြီး တင်လိုက်တာပါ။ pdf ပြောင်းတော့ စာတွေ နည်းနည်း ဝါးသွားတယ်။ ပုံတွေက google ကနေ ရှာထားတာပါ။ ကဗျာဟောင်းလေးကို လုပ်ထားတာပါ။
File1 Final)